SOCAR: Hava şəraitinin əlverişsiz olmasına baxmayaraq, axtarışlar davam etdirilir

Bakı:

25 °C

50 %

9 m/s

Əlaqə

AZ RU EN

Ana səhifə / Sosial / SOCAR: Hava şəraitinin əlverişsiz olmasına baxmayaraq, axtarışlar davam etdirilir

SOCAR: Hava şəraitinin əlverişsiz olmasına baxmayaraq, axtarışlar davam etdirilir

10.12.2015 [10:20]

Səhər saatlarından hava şəraitinin ağır olmasına baxmayaraq, Fövqəladə Hallar Nazirliyinə məxsus, həmçinin Azərbaycan Respublikası Dövlət Neft Şirkəti (SOCAR) tərəfindən “AZAL” QSC-dən sifariş olunan helikopterlər itkin düşmüş işçilərin axtarış işlərini davam etdirib.
AZƏRTAC xəbər verir ki, bu barədə dekabrın 9-da saat 11-də keçirilən mətbuat konfransında SOCAR-ın “Azneft” İstehsalat Birliyinin baş mühəndisi Balamirzə Ağarəhimov məlumat verib.
Qeyd edilib ki, küləyin sürəti çox olduğu üçün sualtı axtarışlar müvəqqəti olaraq dayandırılıb. Lakin həm “Neft daşları”, həm də “Günəşli” sahəsində ehtiyatda gəmilər saxlanılıb. Hər hansı bir məlumat daxil olduqda həmin gəmilər həmin əraziyə yaxınlaşacaqlar.
“Hazırda 5 gəmi yanğının söndürülməsinə cəlb olunub. 10 nömrəli özüldə avadanlığın quraşdırılması işləri hava şəraitindən asılı olaraq dünən yekunlaşdırıla bilməyib. Hazırda fontana qarşı “Boots&Coots” şirkətinin mütəxəssislərinin də iştirakı ilə iş planı hazırlanır. Bu plan FHN-in yanğınsöndürən gəmilərinin işinin daha da asanlaşmasını təmin edəcək”, - deyə B.Ağarəhimov bildirib.
Onun sözlərinə görə, cəsədləri sudan çıxarılan əməkdaşların üzərində xilasedici jiletlərin olmaması ilə bağlı sosial şəbəkələrdə yayılan görüntülər həqiqəti əks etdirmir.
* * *
Saat 16-da keçirilən mətbuat konfransında Balamirzə Ağarəhimov bildirib ki, Fövqəladə Hallar Nazirliyinin, o cümlədən də Azərbaycan Respublikası Dövlət Neft Şirkəti (SOCAR) tərəfindən “AZAL” QSC-dən sifariş olunan helikopterlər itkin düşmüş işçilərin axtarışını davam etdirir. Təəssüflər olsun ki, nə “Neft daşları”, nə də “Günəşli” sahəsində itkin düşmüş işçilərin axtarışı ilə bağlı hər hansı yenilik yoxdur. Hazırda 5 gəmi yanğının söndürülməsi istiqamətində işləri davam etdirir.
* * *
Saat 20-də keçirilən mətbuat konfransında Azərbaycan Respublikası Dövlət Neft Şirkətinin (SOCAR) vitse-prezidenti Xalik Məmmədov deyib: “Təəssüf ki, bugünkü axtarışlar hələlik nəticə verməyib. Hava şəraitinin əlverişsiz olması axtarış işlərini çətinləşdirir. Lakin bütün bunlara baxmayaraq, axtarışlar davam etdirilir”.
“Azneft” İstehsalat Birliyinin baş direktoru Daşqın İsgəndərov isə hazırda yanan 4 qaz quyusunun söndürülməsinə 5 yanğınsöndürən gəminin cəlb olunduğunu bildirib. Qeyd edib ki, itkin düşmüş işçilərin axtarışları Fövqəladə Hallar Nazirliyinin 4 helikopteri, Dövlət Sərhəd Xidmətinin helikopterləri, həmçinin gəmilərlə aparılır.

Paylaş:

Baxılıb: 881 dəfə