Oktyabrın sonuna qədər tənzimlənmə işləri yekunlaşacaq

Bakı:

29 °C

56 %

3 m/s

Əlaqə

AZ RU EN

Ana səhifə / Sosial / Oktyabrın sonuna qədər tənzimlənmə işləri yekunlaşacaq

Oktyabrın sonuna qədər tənzimlənmə işləri yekunlaşacaq

29.10.2016 [10:49]

İbrahim Kərbəlayev: “Qaynar xətt”ə daxil olan çoxsaylı müraciətləri nəzərə alaraq mövcud problemlərin aradan qaldırılması istiqamətində təxirəsalınmaz tədbirlər görülüb
“Qaynar xətt”ə (185) daxil olan çoxsaylı müraciətləri nəzərə alaraq mövcud problemlərin aradan qaldırılması istiqamətində təxirəsalınmaz tədbirlər görülüb”. Bunu son günlər Abşeronun və paytaxt Bakının bir sıra yaşayış massivlərində, eləcə də bölgələrdə qazın verilişində yaranmış bəzi problemlərlə bağlı suala cavabında SOCAR-ın “Azəriqaz” İstehsalat Birliyinin (İB) İctimaiyyətlə əlaqələr şöbəsinin rəisi İbrahim Kərbəlayev deyib. Onun sözlərinə görə, fasiləsiz təbii qazla təmin olunmaq məqsədi ilə 2016-2017-ci illərin payız-qış mövsümü üçün tədbirlər planı hazırlanıb: “Artıq may ayından bu işlərə start verilib. Ölkə ərazisində istehlakçıların təbii qaza olan tələbatının ödənilməsi, uzun müddət qaz almayan yaşayış məntəqələrinin təbii qazla təmin olunması məqsədi ilə “Azəriqaz” tərəfindən təxirəsalınmaz işlər həyata keçirilib. Bir neçə gün əvvəl havaların qəfil soyuması təbii qaza olan tələbatın artmasına səbəb olub. İB tərəfindən qeyd olunan ərazilərdə tənzimlənmə işləri aparılıb və tələbata uyğun olaraq, əhali “mavi yanacaq”la təmin olunub. Hələ də çatışmazlıqlar var və oktyabrın sonuna qədər tənzimlənmə işləri yekunlaşacaq”.
İ.Kərbəlayev onu da vurğulayıb ki, İB tərəfindən “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı” və “2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı” çərçivəsində respublikanın hər yerində qaz təchizatının yaxşılaşdırılması, əhalinin “mavi yanacaq”la fasiləsiz və keyfiyyətli təminatı məqsədi ilə mühüm işlər görülüb: “Yeni qaz kəmərlərinin çəkilişi, istismara yararsız qaz xətlərinin dəyişdirilməsi istiqamətində fəaliyyət genişləndirilir. Birliyin bu istiqamətdə həyata keçirdiyi proqrama əsasən, ölkənin qaz təchizatı sistemində mövcud olan problemlər öz həllini tapır. 2016-cı ilin may-sentyabr aylarında 17607 p/m uzunluğunda qaz kəmərləri təmir edilib, dayaqlar üzərinə qaldırılıb və yeni qaz xətləri çəkilib, 154 ədəd qaz tənzimləyici, 43 ədəd siyirtmə quraşdırılıb. Bundan əlavə, cari ilin 9 ayı ərzində 158 yaşayış məntəqəsinə təbii qaz verilib. Hazırda 96 yaşayış məntəqəsində tikinti-quraşdırma işləri davam etdirilir ki, 22 yaşayış məntəqəsində artıq bu işlər yekunlaşmaq üzrədir”.
Müşfiqə BAYRAMLI

Paylaş:

Baxılıb: 673 dəfə