“Azərbaycan Startup” festivalı yeni biznes ideyalarının yaranmasına dəstək olacaq

Bakı:

27 °C

48 %

1 m/s

Əlaqə

AZ RU EN

Ana səhifə / Sosial / “Azərbaycan Startup” festivalı yeni biznes ideyalarının yaranmasına dəstək olacaq

“Azərbaycan Startup” festivalı yeni biznes ideyalarının yaranmasına dəstək olacaq

26.11.2016 [09:33]

Noyabrın 25-də Prezident yanında Gənclər Fondunun maliyyə dəstəyi, Rabitə və Yüksək Texnologiyalar Nazirliyi, İnformasiya Texnologiyalarının İnkişafı Dövlət Fondu və “ASAN Könüllüləri”nin birgə təşkilatçılığı ilə “Gəncə-2016 Avropa Gənclər Paytaxtı” layihəsi çərçivəsində Gəncədə “Azərbaycan Startup” festivalının açılış mərasimi olub.
AZƏRTAC xəbər verir ki, festivalın əsas məqsədi Azərbaycanda startapın inkişafına dəstək vermək, yerli və xarici gənclər arasında fikir mübadiləsini artırmaq, eyni zamanda, startapların yaradılmasını stimullaşdırmaq və startap ekosistemini inkişaf etdirməkdir. On bir ölkədən gənclərin qatıldığı festival çərçivəsində “I Beynəlxalq Startup Akademiyası: Gəncə-2016” layihəsi və Startap Günləri də keçiriləcək.
Tədbir iştirakçıları əvvəlcə “ASAN Könüllüləri”nin əl işlərindən ibarət rəsm sərgisinə baxıblar.
Sonra festivalın açılış mərasimi olub. “Multimedia” İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz iştirakçıları salamlayaraq, festivalın məqsədləri barədə ətraflı məlumat verib.
Tədbirdə İnformasiya Texnologiyalarının İnkişafı Dövlət Fondunun icraçı direktoru Elçın Zeynalov bildirib ki, “I Beynəlxalq Startup Akademiyası: Gəncə-2016” layihəsi gənclərin asudə vaxtlarını səmərəli keçirməsi, dünyagörüşünün, motivasiyasının artırılması və xüsusən də dövlətçilik dəyərlərinin yüksəldilməsi, iş bacarıqlarnın, psixoloji durumun yaxşılaşdırılması istiqamətində yeni layihədir.
“ASAN Könüllüləri” təşkilatının sədri Bəxtiyar İslamov vurğulayıb ki, “ASAN Könüllüləri” tərəfindən Azərbaycanda ilk dəfədir yerli və əcnəbi gənclərin iştirakı ilə “I Beynəlxalq Startup Akademiyası: Gəncə-2016” layihəsi keçirilir.
Gəncə şəhər Gənclər və İdman Baş İdarəsinin rəisi Müşviq Cəfərov isə çıxış edərək layihənin Gəncədə həyata keçirilməsini müsbət qiymətləndirib. O, “Gəncə-2016 Avropa Gənclər Paytaxtı” layihəsi çərçivəsində həyata keçirilən çoxsaylı yerli və beynəlxalq tədbirlərdən, eləcə də ilin sonunadək reallaşacaq layihələrdən danışıb.
Çıxışlarda festivalın yeni biznes ideyaları yaradacağına əminlik ifadə olunub.
Qeyd edək ki, noyabrın 30-dək davam edəcək akademiyada gənclərə peşəkar münsiflər tərəfindən təlimlər keçiriləcək. Seçilmiş ən uğurlu startap ideyasının qalibi beynəlxalq startap mərkəzlərinin birində təcrübə proqramına göndəriləcək.

Paylaş:

Baxılıb: 701 dəfə