Prezident yanında Gənclər Fondunun Müşahidə Şurasının üzvlüyünə səkkiz namizəd seçilib

Bakı:

10 °C

93 %

2 m/s

Əlaqə

AZ RU EN

Ana səhifə / Sosial / Prezident yanında Gənclər Fondunun Müşahidə Şurasının üzvlüyünə səkkiz namizəd seçilib

Prezident yanında Gənclər Fondunun Müşahidə Şurasının üzvlüyünə səkkiz namizəd seçilib

01.03.2017 [10:07]

Fevralın 28-də “Park İnn” otelində Azərbaycan Respublikasının Prezidenti yanında Gənclər Fondunun Müşahidə Şurasının üzvlüyünə namizədlərin seçilməsi ilə bağlı yığıncaq keçirilib.
AZƏRTAC xəbər verir ki, Fondun Müşahidə Şurasının sədri, Prezident Administrasiyasının İctimai-siyasi məsələlər şöbəsi müdirinin müavini Tahir Süleymanov Azərbaycan Respublikası Prezidentinin Fərmanına əsasən yaradılan Fondun əvvəlcə Gənclər və İdman Nazirliyinin nəzdində uğurla fəaliyyət göstərdiyini diqqətə çatdırıb. Bildirib ki, dövlətimizin başçısı Fondun uğurlu fəaliyyətini nəzərə alaraq, bir ildən sonra bu quruma Azərbaycan Respublikasının Prezidenti yanında Gənclər Fondu statusunun verilməsinə dair Sərəncam imzalayıb.
Qeyd olunub ki, Müşahidə Şurasının əsas funksiyası Fondun fəaliyyətinə ümumi nəzarəti həyata keçirmək, qurumun cari fəaliyyətini tənzimləyən sənədləri hazırlamaq, qəbul və təsdiq etmək, müsabiqələr keçirmək və onlara yekun vuraraq təqdim olunan layihələrin maliyyələşdirilməsi barədə qərarlar qəbul etməkdir. Ötən müddətdə Müşahidə Şurasının 19 iclası keçirilib. Beş il ərzində 9 qrant müsabiqəsi keçirilib. Bu müsabiqələrin nəticəsində 3341 layihənin maliyyələşdirilməsi barədə qərar qəbul olunub. Bu layihələrdən üçdəbiri gənclər təşkilatlarının layihələridir. Üçdəikisindən bir qədər çoxu isə ölkəmizin müxtəlif bölgələrində yaşayan fəal, istedadlı gənclərin fərdi layihələridir. Bu müddətdə 269 gəncin müxtəlif beynəlxalq təşkilatda iştirakına şərait yaradılıb.
T.Süleymanov bildirib ki, Fondun Nizamnaməsinə əsasən, Müşahidə Şurası 9 üzvdən ibarətdir. Onlardan beşi müvafiq dövlət orqanlarını, dördü isə gənclər təşkilatlarını təmsil edir. Müşahidə Şurasının üzvlüyünə 16 nəfərin namizədliyi qeydə alınıb. Yığıncaqda təmsil olunmaq üçün müraciət etmiş 172 gənclər təşkilatından 156-sının nümayəndələri toplantıda iştirak edirlər.
Sonra təşkilati məsələlərə baxılıb, iclasın sədri, katibi, hesablama komissiyasının üzvləri seçilib. Daha sonra Müşahidə Şurasının üzvlüyünə namizədlər çıxış ediblər.
Çıxışlardan sonra namizədlərin seçilməsi ilə bağlı səsvermə keçirilib. Səsvermə nəticəsində “Bizim Nəsil” Gənclərin Regional İnkişaf Assosiasiyasının sədri Nurəddin Mehdiyev, “İrəli” İctimai Birliyinin sədri Mirhəsən Seyidov, Gənclər Təşkilatları Milli Şurasının sədri Seymur Hüseynov, “Gənclərin İntellektual İnkişafına Yardım” İctimai Birliyinin idarə heyətinin sədri Seymur Orucov, “Gəncə Avropa Gənclər Paytaxtı-2016” İctimai Birliyinin sədri Elmir Vəliyev, “Bakı Beynəlxalq Tələbə Klubu” İctimai Birliyinin sədri Aysəba Mirzəyeva, “Asan Könüllüləri” Gənclər Təşkilatının sədri Sahil Məmmədli, “Azərbaycan Universitetinin İntellektual Klubu” İctimai Birliyinin sədri Aydın Piriyev Müşahidə Şurasına namizəd seçiliblər.
Fondun Nizamnaməsinə uyğun olaraq, həmin səkkiz namizəddən dördü Azərbaycan Respublikasının Prezidenti tərəfindən Müşahidə Şurasının üzvü təyin ediləcək.

Paylaş:

Baxılıb: 544 dəfə