Heydər Əliyev
yeni azerbaycan logo

Ana səhifə / Sosial / KİV rəhbərlərinin Naxçıvan Muxtar Respublikasına səfəri başa çatıb

KİV rəhbərlərinin Naxçıvan Muxtar Respublikasına səfəri başa çatıb

03.06.2017 [10:33]

Naxçıvan Muxtar Respublikasına səfər edən ölkənin aparıcı KİV rəhbərlərindən ibarət 20 nəfərlik nümayəndə heyəti dünən Ordubad şəhərinə səfərdə olublar. Movqe.az-ın xəbərinə görə, nümayəndə heyəti səfər çərçivəsində öncə Ordubad şəhərində Qeysəriyyə Tarix Diyarşunaslıq Muzeyində olublar.
Muzeyin direktoru, Naxçıvan MR-in Əməkdar mədəniyyət işçisi Vilayət Bağırov muzey barədə qonaqlara məlumat verib.
Muzeylə tanışlıqdan sonra Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli xatirə kitabına ürək sözlərini yazıb. Buradan sonra nümayəndə heyəti Y.Məmmədəliyevin ev muzeyi ilə tanış olublar. Muzeydə qonaqlara Y.Məmmədəliyevin həyat və fəaliyyəti, elmin inkişafına verdiyi töhfələrdən bəhs edilib.
Səfər çərçivəsində KİV rəhbərləri Məmməd Səid Ordubadinin ev muzeyində də olublar. Burada qonaqlara Ordubadinin uşaqlığı, həyat və yaradıcılığı ilə bağlı geniş məlumat verilib.
Məhəmmədtağı Sidqinin ev muzeyi ilə də tanış olan nümayəndə heyətinə muzeyin Naxçıvan MR-in Ali Məclisinin Sədrinin sərəncamı ilə 2014-cü ildə yaradıldığı barədə məlumat verilib.
Daha sonra nümayəndə heyəti 14-cü əsrə aid Buzxana memarlıq abidəsi ilə də tanış olublar. KİV rəhbərləri tarixi və mədəni abidələri ilə zəngin olan Ordubad rayonundan yüksək təəssüratla ayrılaraq Şahbuz Dövlət Təbiət Qoruğuna səfər ediblər.
Bununla da ölkənin aparıcı KİV rəhbərlərindən ibarət nümayəndə heyətinin Naxçıvan Muxtar Respublikasına səfəri başa çatıb.

Paylaş:
Baxılıb: 589 dəfə

Xəbər lenti

Hamısına bax

Mədəniyyət

Dünya

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31