“Açıq Əyləncəvi Futbol Məktəbləri” layihəsi çərçivəsində növbəti tədbir Şuşa rayonundan olan məktəblilər üçün keçirilib

Bakı:

13 °C

82 %

1 m/s

AZ RU EN

Ana səhifə / Sosial / “Açıq Əyləncəvi Futbol Məktəbləri” layihəsi çərçivəsində növbəti tədbir Şuşa rayonundan olan məktəblilər üçün keçirilib

“Açıq Əyləncəvi Futbol Məktəbləri” layihəsi çərçivəsində növbəti tədbir Şuşa rayonundan olan məktəblilər üçün keçirilib

10.06.2017 [10:20]

Yeniyetmələrin, uşaqların və məktəblilərin, o cümlədən qaçqın və məcburi köçkün ailələrindən olan uşaqların asudə vaxtlarının səmərəli təşkili, onlarda futbola və digər idman növlərinə maraq yaratmaq, sağlam həyat tərzini təbliğ etmək məqsədi ilə “Açıq Əyləncəvi Futbol Məktəbləri” layihəsi çərçivəsində növbəti tədbir keçirilib. Tədbir Sabunçu rayonunun ərazisində salınmış Ramana-450 qəsəbəsində məskunlaşan Şuşa rayonundan olan məcburi köçkün ailələrindən olan uşaqların təhsil aldıqları 1 saylı Malbəyli tam orta məktəbdə təşkil edilib.
Tədbirdə AFFA-nın I vitse-prezidenti, millət vəkili Rauf Əliyev, 122 saylı Xankəndi seçki dairəsindən seçilmiş deputat Flora Qasımova, YAP Şuşa rayon təşkilatının sədri Təvəkkül Əliyev, Malbəyli kənd 1 saylı tam orta məktəbin direktoru Günəş Hüseynova, Şuşa rayon Uşaq Gənclər İdman məktəbinin direktoru Əbülqasım Novruzov, layihənin koordinatoru Kərim Ağayev iştirak ediblər. Tədbirdə millət vəkili, layihənin rəhbəri Rauf Əliyev, deputat Flora Qasımova çıxış edərək bildiriblər ki, bu layihənin həyata keçirilməsində əsas məqsəd uşaq və yeniyetmələrin, məktəblilərin, o cümlədən məcburi köçkün və qaçqın ailələrindən olan uşaq və yeniyetmələrin asudə vaxtlarının səmərəli təşkili, onlarda futbola və digər idman növlərinə maraq yaratmaq, sağlam həyat tərzini təbliğ etməkdir. Qeyd olunub ki, Azərbaycan idmanı müstəqillik illərində yüksək inkişaf yolu keçib və hazırda dünyanın nüfuzlu idman ölkələrindən birinə çevrilib. Birinci Avropa Oyunlarında, RİO-2016-da və Bakıda keçirilmiş IV İslam Həmrəyliyi Oyunlarında əldə olunan yüksək nəticələr buna bariz nümunədir. Qeyd olunub ki, Azərbaycan Respublikasının Prezidenti İlham Əliyevin rəhbərliyi ilə qaçqın və məcburi köçkün ailələrinin, o cümlədən Şuşa rayonundan olan məcburi köçkün ailələrinin sosial şəraitlərinin yaxşılaşdırılması üçün müvafiq tədbirlər həyata keçirilib və bu istiqamətdə işlər davam etdirilir. Bu qəsəbənin salınması bunun bariz nümunəsidir. Eyni zamanda tezliklə işğal altında olan rayonlarımızın, o cümlədən Şuşanın da azad olunacağına və məcburi köçkünlərin öz doğma ata-baba yurdlarına qayıdacaqlarına əminlik ifadə olunub.
Tədbirin sonunda Azərbaycan Futbol Federasiyaları Assosiasiyası tərəfindən uşaqlara müxtəlif idman ləvazimatları təqdim olunub.

Paylaş:

Baxılıb: 496 dəfə