Heydər Əliyev
yeni azerbaycan logo

Ana səhifə / Sosial / “Statoyl” şirkətinin təmsilçisi BANM-in tələbələrinin bilik göstəricilərini yüksək qiymətləndirib

“Statoyl” şirkətinin təmsilçisi BANM-in tələbələrinin bilik göstəricilərini yüksək qiymətləndirib

01.11.2017 [10:07]

Bakı Ali Neft Məktəbinin (BANM) rektoru Elmar Qasımov Norveçin “Statoyl” şirkətinin Azərbaycan nümayəndəliyinin prezidenti Favad Quraişinin rəhbərlik etdiyi nümayəndə heyəti ilə görüşüb.
BANM-dən AZƏRTAC-a bildirilib ki, rektor görüş zamanı “Statoyl” şirkətinin çoxillik təcrübəsindən danışıb, Azərbaycanın neft-qaz sənayesinin inkişafında rolunu vurğulayıb. E.Qasımov BANM və “Statoyl”un əvvəlki illərdəki sıx əməkdaşlığından söz açıb, bu əlaqələrin bundan sonra daha da genişlənəcəyini və yeni mərhələyə qədəm qoyacağını qeyd edib.
Rektor, həmçinin BANM-in tələbə auditoriyasının “Statoyl” şirkətinə olan böyük marağından danışıb. O, F.Quraişidən növbəti səfərində BANM-də tələbələr üçün “Liderlik və karyera” mövzusunda şəxsi təcrübəsinə əsaslanan mühazirə deməsini xahiş edib.
F.Quraişi rektorun tələbələr üçün mühazirə demək istəyini böyük məmnuniyyətlə qəbul edib. “Statoyl” şirkətinin təmsilçisi BANM-in tələbələrinin neft şirkətlərində olan istehsalat təcrübə proqramı ilə maraqlanıb, onların statistik bilik göstəricilərini yüksək qiymətləndirib. Qonaq BANM-in yeni açılmış kampusunda tələbə və müəllim-professor auditoriyası qarşısında çıxış edəcəyinə söz verib.
Qeyd edək ki, F.Quraişi bu il iyulun 1-dən “Statoyl” şirkətinin Azərbaycandakı nümayəndəliyinin rəhbəri kimi fəaliyyət göstərir.

Paylaş:
Baxılıb: 469 dəfə

Xəbər lenti

Hamısına bax

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31