Vüqar Seyidov: Prezident övladının sadəliyi, vətənpərvərliyi hər kəsə nümunə olmalıdır

Bakı:

32 °C

38 %

5 m/s

Əlaqə

AZ RU EN

Ana səhifə / Sosial / Vüqar Seyidov: Prezident övladının sadəliyi, vətənpərvərliyi hər kəsə nümunə olmalıdır

Vüqar Seyidov: Prezident övladının sadəliyi, vətənpərvərliyi hər kəsə nümunə olmalıdır

20.09.2018 [09:11]

“Möhtərəm cənab Prezident İlham Əliyev yalnız dövlət başçısı və ya ölkənin, regionun ən böyük siyasi qüvvəsi olan bir partiyanın, Yeni Azərbaycan Partiyasının Sədri deyil, o, hər şeydən əvvəl müdrik bir şəxsiyyətdir. Cənab Prezident liderdir, Heydər Əliyev siyasi kursunun ən layiqli davamçısıdır. O, öz böyüdüyü ailədə, valideynlərindən gördüyü tərbiyəni, vətənpərvərliyi, mübarizliyi, dövlətçilik adət-ənənələrinə sadiqliyi, vətənə sədaqət hissini öz ailəsinə də mükəmməl şəkildə ötürə bilmişdir. Gənc Heydər Əliyevin sadəliyi, əxlaqı, milli ruhda böyüməsi bütün xalqımızın gənclərinə nümunə sayıla bilər”. Bunu Yeni Azərbaycan Partiyası (YAP) Suraxanı rayon təşkilatının sədri Vüqar Seyidov deyib.
Onun sözlərinə görə, Azərbaycan gəncinə xas bütün insani, əxlaqi, milli keyfiyyətləri özündə birləşdirən gənc Heydər Əliyev bu gün gənc əsgər kimi, digər əsgər yoldaşlarından fərqlənmədən dövlətinin ərazi bütövlüyünü, sərhədlərini, dövlət təhlükəsizliyini qoruyacağına təntənəli surətdə and içdi. Prezident İlham Əliyev və ölkəmizin Birinci xanımı Mehriban Əliyeva valideyn kimi bu mərasimdə iştirak etdilər. Sıravi vətəndaşların təbriklərini qəbul etdilər, digər əsgər valideynlərini təbrik etdilər. Bax budur əsl lider! Xalqın qayğılarını öz qayğıları bilən, xalqı ilə bütövləşən lider belə olmalıdır.
V.Seyidov xatırladıb ki, 4 il əvvəl gənc Heydər Əliyev orta məktəbi bitirdikdən sonra cənab Prezident bütün imkanlara rəğmən onun məhz vətəndə ali təhsil alacağını bildirmişdi. Bu hadisə o vaxtlar bir çoxlarına hətta nümunə olmuş, xaricdə təhsil almağı düşünən gənclərimiz məhz öz ali təhsil müəssisələrimizi seçmişdilər. Bu gün də möhtərəm cənab Prezidentin və Onun oğlu Heydər Əliyevin bu addımı hərbi xidmətdən yayınan, müxtəlif səbəblərdən vətən borcunu yerinə yetirməyi düşünməyən gənclərimizə nümunə olacaqdır: “Əgər ölkə başçısı, Ali Baş Komandan, müharibə şəraitində öz övladını hərbi xidmətə ləyaqətlə yola salırsa, o halda hər kəs öz vətən xidmətini, torpaq borcunu şərəflə yerinə yetirəcəkdir. Prezident oğlunun sadəliyi, vətənpərvərliyi hər kəsə nümunə olmalıdır”.
Vüqar Seyidov daha sonra təəssüflə qeyd edib ki, adlarını vətənpərvər qoyan, əslində isə vətən sevgisindən xəbərləri olmayan bəzi siyasətbazlar, dağıdıcı meydan təfəkkürünü özlərinə siyasi kurs seçənlər öz övladlarına həm ölkəmizdə ali təhsil almağı yaraşdırmır, həm də onları hərbi xidmətdən yayındırırlar: “Hesab edirəm ki, bu kimi insanlar cənab Prezidentin bu addımından nümunə götürməlidirlər”.

Paylaş:

Baxılıb: 578 dəfə