Azərbaycanda bütün xalqların və dinlə rin nümayəndələri bir ailə kimi yaşayırlar

Bakı:

25 °C

40 %

3 m/s

Əlaqə

AZ RU EN

Ana səhifə / Sosial / Azərbaycanda bütün xalqların və dinlə rin nümayəndələri bir ailə kimi yaşayırlar

Azərbaycanda bütün xalqların və dinlə rin nümayəndələri bir ailə kimi yaşayırlar

18.09.2020 [23:48]

Ölkəmiz etnik-dini dözümsüzlüyün, ksenofobiyanın və antisemitizmin mövcud olmadığı nadir məkanlardan biridir

Məlum olduğu kimi, çoxəsrlik tolerantlıq ənənələrinə malik Azərbaycanda tarixboyu müxtəlif xalqların və dinlərin nümayəndələri sülh, əmin-amanlıq, qarşılıqlı hörmət və etimad şəraitində yaşayıblar. Belə ki, Azərbaycanda dini münasibətlərin tarixinə nəzər saldıqda, xalqımızın qədim dövrlərdən digər din və mədəniyyətlərə dözümlü münasibəti ilə seçildiyini, ölkəmizdə milli və dini etnik qruplar arasında ədavət və qarşıdurma hallarının olmadığını görmək olur. Regionun aparıcı dövləti olan Azərbaycanı beynəlxalq müstəvidə fərqləndirən səciyyəvi xüsusiyyətlərdən biri də məhz ölkəmizdə multikultural və tolerant cəmiyyətin mövcud olması, eləcə də milli-mənəvi dəyərlərin qorunmasıdır. Ümummilli Lider Heydər Əliyevin siyasi kursunun davamçısı Prezident İlham Əliyevin rəhbərliyi ilə aparılan uğurlu siyasət sayəsində ölkəmizdə istər dini, istərsə də milli və irqi zəmində ayrı-seçkilik yoxdur, bütün xalqların nümayəndələri, o cümlədən müxtəlif dinlərin təmsilçiləri arasında bir-birinə tolerant yanaşma mühiti mövcuddur.

Təsadüfi deyil ki, Azərbaycanda nümunəvi dövlət-din münasibətləri də formalaşıb. Ölkə vətəndaşlarının dini etiqad və vicdan azadlığı tam təmin olunur, bu sahə ilə bağlı qanunvericilik aktları beynəlxalq hüquq normalarına uyğunlaşdırılıb, vətəndaşların vicdan azadlığı Konstitusiyamızda əsas insan hüquq və azadlıqlarından biri kimi təsbit olunub.

Yeri gəlmişkən, qeyd edək ki, Azərbaycan dövləti demokratik, hüquqi prinsiplərə əsaslanan birgəyaşayışa, yüksək dözümlülük mühitinin, multikultural dəyərlərin təşviqinə xüsusi əhəmiyyət verir. Tolerantlıq ənənələrinin qorunub saxlanılmasına, multikultural dəyərlərə söykənən ictimai münasibətlərin təbliği Azərbaycan dövlətinin həyata keçirdiyi siyasətin başlıca istiqamətlərindən biridir. Onun nəticəsidir ki, Azərbaycan sivilizasiyalararası dialoqun inkişafına da mühüm töhfələr verir. Belə ki, ölkəmizin paytaxtı dünyanın dini liderlərinin zirvə görüşlərinə, sivilizasiyalar və mədəniyyətlərarası dialoq forumlarına və digər bu kimi mötəbər tədbirlərə ev sahibliyi edir. Eyni zamanda, Azərbaycanın təşəbbüsü ilə 2008-ci ildə başlanan, Avropa Şurası və İslam Əməkdaşlıq Təşkilatına üzv dövlətlərin yeni bir formatda əməkdaşlığına əsaslanan “Bakı Prosesi” çərçivəsində Bakıda hər il mədəniyyətlərarası və dinlərarası dialoq mövzusunda çoxsaylı tədbirlər keçirilir.

Multikultural dəyərlərə böyük önəm verən Azərbaycanın dünya miqyasında dinlərarası dialoq mərkəzinə çevrilməsi Prezident İlham Əliyev tərəfindən də xüsusi vurğulanıb: “Ölkəmizdə dinlərarası münasibətlər ən yüksək səviyyədə tənzimlənir. Bu, artıq reallıqdır. Bütün dünya bu reallıqları bilir və qəbul edir. Bu gün Azərbaycan dünya miqyasında dinlərarası dialoqun aparılması üçün bir mərkəzə çevrilib. Təsadüfi deyil ki, çoxsaylı beynəlxalq tədbirlər məhz bizim təşəbbüsümüzlə ölkəmizdə keçirilir”.

Bir sözlə, Azərbaycan etnik-dini dözümsüzlüyün, ksenofobiyanın və antisemitizmin mövcud olmadığı nadir məkanlardan biridir. Belə ki, ölkəmizdə yaşayan xalqların və dinlərin nümayəndələrinə öz dini-mənəvi dəyərlərindən lazımınca faydalanmaq imkanı yaradılıb. Buna görə də respublikamızda bütün xalqların və dinlərin nümayəndələri mehribanlıq, əmin-amanlıq şəraitində bir ailə kimi yaşayırlar. Eyni zamanda, ölkəmizdə yaşayan xalqların və dinlərin nümayəndələri ölkədə gedən böyük inkişaf və quruculuq prosesinin fəal iştirak edir, həmrəylik nümayiş etdirirlər.

Qaşqay RAMAZANOV

Paylaş:

Baxılıb: 514 dəfə