Yeni kampaniya!: "Bir kliklə" al və dünyanı məhv et!

Bakı:

22 °C

60 %

4 m/s

Əlaqə

AZ RU EN

Ana səhifə / Sosial / Yeni kampaniya!: "Bir kliklə" al və dünyanı məhv et!

Yeni kampaniya!: "Bir kliklə" al və dünyanı məhv et!

29.08.2023 [12:16]

MÜŞFİQƏ

Bu gün dünyada 2.8 milyard onlayn alış-veriş edən insan var. Əslində, istehlak çılğınlığı 1950-ci illərdən yaranıb, bu gün daha müasir formada qarşımıza çıxır. Nağd alış-verişi “bir klik” əvəz edib.

İnsan yeni əşyalara sahib olmaq hissinin ona həzz verdiyini zənn edir. Ən son model smartfondan istifadə etmək və ya dəbli paltarlar geyinmək üçün bəzən kreditlər götürür, borc bataqlığına düşür. Amma bu zövq daimi olmur. Əslində durmadan tükətmə istəyimizin kökündə mənəvi aclıq dayanırmış. Mənəvi aclığımız artıqca əşyalarımız da artmağa davam edir. Bir müddət sonra əşyaya baxıb bunu niyə aldığımızı sorğulayırıq. Yəqin ki, sizə də bu səhnə tanış gəlir?

Təmassız və onlayn alış-verişlər insanları daha çox pul xərcləməyə sürükləyir. Dərk edəndə isə gec olur. Bir də görürsünüz ki, marketoloqların “hiylələrinin”, daha dəqiq desək, endirim kampaniyalarının qurbanına çevrilmisiniz. Endirimdən yararlanmaq üçün ehtiyac oldu-olmadı hər şeyi almısınız. Əslində maarifləndirmək məqsədilə 2007-ci il noyabrın 24-də dünyada “Alış-verişə qadağa günü” keçirilsə də, insanlara “Black Friday” endirim günü daha cəlbedici görünür. Siz bataqlıqdan qaçdıqca hansısa özəl və xüsusi günlər endirimləri sizi özünə çəkməkdə davam edir. İnsan iradəsi ilə mübarizə aparmağa başlayır.

Bəs bu çılğınlığın qarşısını necə almaq olar? Mütəxəssislərin fikrincə, asılılqdan qurtarmaq istəyən insan, ilk növbədə, problemi beynində həll etməlidir. Növbəti səviyyədə isə plan qurmalı və planlı şəkildə pul xərcləməlidir. Qulağa elə də qəliz gəlmir. Deyilmi? Ehtiyaclardan ibarət siyahı tutun və ondan kənara çıxmayın. Çox sadə! Alış-veriş mərkəzlərində yox, təbiət qoynunda vaxt keçirin. Nəticədə həm cibimiz dolu olacaq, həm də ruhumuz sağlam qalacaq.

Unutmayaq ki, həddindən artıq istehlak planetimizi məhvə aparır. Yavaş-yavaş dünyamız zəhərlərnir. Biz bilirik ki, daha çox əşya daha çox ağacın kəsilməsi, eləcə də daha çox plastik istehsalı deməkdir. Plastiklərin isə planetimizə vurduğu zərərləri və onilliklər boyu təbiətdə qalması (məhv olmaması) ilə barədə dəfələrlə söhbət açımışıq. Bir sözlə, planetimizin qorunmasına töhfə verməyin yollarını axtarmalıyıq. Gəlin, evimizdə istifadə etmədiyimiz paltarları, malları, materialları çeşidləyək, ehtiyacı olanlara verək, yaxud təkrar emala göndərilməsi üçün geyim qutularına ataq.
Daha bir çıxış yolu isə təkrar emal edilmiş paltarlardan istifadədir. Digər sayımızda bu barədə ətraflı məlumat verəcəyik.

Paylaş:

Baxılıb: 794 dəfə