YAP Nərimanov rayon təşkilatı Heydər Əliyevin anadan olmasının 101-ci ildönümünə həsr olunan tədbir keçirilib.

Bakı:

24 °C

83 %

5 m/s

AZ RU EN

Ana səhifə / YAP xəbərləri / YAP Nərimanov rayon təşkilatı Heydər Əliyevin anadan olmasının 101-ci ildönümünə həsr olunan tədbir keçirilib.

YAP Nərimanov rayon təşkilatı Heydər Əliyevin anadan olmasının 101-ci ildönümünə həsr olunan tədbir keçirilib.

25.04.2024 [12:23]

YAP Nərimanov rayon təşkilatı ilə Gənclər və İdman Nazirliyinin birgə ulu öndər Heydər Əliyevin anadan olmasının 101-ci ildönümünə həsr olunan tədbir keçirilib.

24 aprel 2024-cü il tarixdə keçirilən görüşdə ilk öncə ulu öndər Heydər Əliyevin və Vətənimizin bütövlüyü uğrunda canından keçmiş şəhidlərimizin əziz ruhu bir dəqiqəlik sükutla yad edilib.
Gənclər və İdman Nazirliyinin Aparat rəhbəri Amil Xudiyev giriş sözü ilə çıxış edərək ulu öndər Heydər Əliyevin müasir Azərbaycanın yaradıcısı və eyni zamanda xilaskarı olduğunu vurğulayıb. Aparat rəhbəri A. Xudiyev böyük şəxsiyyət Heydər Əliyevin və Onun layiqli davamçısı, dövlət başçısı cənab İlham Əliyevin idmana və idmançılara olan diqqət və qayğısından, ölkəmizdə idman dəyərlərinə olan xüsusi münasibətdən danışıb. Eyni zamanda vurğulayıb ki, Azərbaycanın nüfuzlu idman yarışlarına, beynəlxalq tədbir və konfranslara ev sahibliyi etməsi, yüksək səviyyəli təşkilatçılıq qabiliyyəti ona dünyada böyük nüfuz qazandırıb və proses bu gün də uğurla davam etdirilir.
Yeni Azərbaycan Partiyası Nərimanov rayon təşkilatının sədri Samir Vəliyev nitq söyləyərək bildirib ki, bu günlərdə anadan olmasının 101-ci ildönümünü böyük qürur hissi ilə qeyd etdiyimiz dahi şəxsiyyət Heydər Əliyev öz dərin siyasi bacarığı ilə müstəqilliyini yenicə bərpa etmiş Azərbaycanı tarixin sərt sınaqlarından hünərlə çıxarmışdır. Təşkilat sədri S. Vəliyev qeyd edib ki, Ümummilli lider Heydər Əliyev müstəqil Azərbaycanın banisi olmaqla yanaşı bu gün ətrafında 800 minə yaxın insanı birləşdirən Yeni Azərbaycan Partiyasının yaradıcısıdır. Ulu öndər Heydər Əliyevin uğurlu siyasətinin davamçısı olan cənab Prezident, Müzəffər Ali Baş Komandan, Partiyamızın sədri İlham Əliyevin rəhbərliyi ilə istər dövlətimizin imza atdığı Qələbələr, istərsə də YAP-nın inkişafı dünya dövlətləri və liderləri arasında böyük rəğbətlə qarşılanır.
Tədbirdə Ərazi Partiya Təşkilatının sədri Əli Məmmədov və digərləri çıxış edərək, əvəzsiz lider Heydər Əliyevin Azərbaycan xalqı qarşısında misilsiz xidmətlırindən, Yeni Azərbaycan Partiyasının yarandığı gündən bugünədək keçdiyi şərəfli inkişaf yolundan, ərazi bütövlüyümüzün tam təmin olunması istiqamətində ölkə rəhbəri tərəfindən görüşlən işlərin uğurlu nəticələrindən geniş bəhs ediblər.
Tədbirdə fəallığı ilə seçilən üzvlərə təşkilat adından təşəkkürnamələr və partiyaya yeni üzv olan şəxslərə üzvlük vəsiqələri təqdim olunub.

Paylaş:

Baxılıb: 665 dəfə