“Heydər Əliyev - Azərbaycan dövlətinin xilaskarı və qurucusu”

Bakı:

22 °C

57 %

9 m/s

Əlaqə

AZ RU EN

Ana səhifə / YAP xəbərləri / “Heydər Əliyev - Azərbaycan dövlətinin xilaskarı və qurucusu”

“Heydər Əliyev - Azərbaycan dövlətinin xilaskarı və qurucusu”

14.06.2024 [11:53]

YAP Kəlbəcər rayon təşkilatı Şərqi Zəngəzur Regional Təhsil İdarəsinin Kəlbəcər rayon sektorunun Bərdə rayonun Cəyirli kəndində fəaliyyət göstərən 104 saylı tam orta məktəbində 13 İyun 2024-cü il tarixində 15 İyun Milli Qurtuluş Gününə həsr olunmuş “Heydər Əliyev- Azərbaycan dövlətinin xilaskarı və qurucusu” adlı tədbir keçirmişdir.

Ümumilli lider Heydər Əliyevin və torpaqlarımızın azadlığı uğurunda canlarını qurban vermiş şəhidlərimizin xatirəsi bir dəqiqəlik sükutla yad edildi. YAP Kəlbəcər rayon təşkilatının sədri Həbib Misirov çıxış edərək bildirdi ki, İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və özü də xalqına arxa, dayaq olan Ümummilli Lider Heydər Əliyevdir. Xalqımız artıq neçə ildir ki, bu bayramı yüksək əhvali-ruhiyyə, milli qürur hissi, Qələbə ovqatı ilə qeyd edir. Qurucusu Ümummilli Lider Heydər Əliyev olan şanlı Azərbaycan Ordusu Prezident, Müzəffər Ali Baş Komandan İlham Əliyevin rəhbərliyi ilə Vətən müharibəsində parlaq Qələbə qazanaraq işğal altındakı torpaqlarımızı azad etdi, ölkəmizin ərazi bütövlüyü təmin olundu. Qırx dörd günlük Vətən müharibəsində qazandığımız möhtəşəm Zəfər və digər uğurlar öz başlanğıcını məhz Milli Qurtuluş Günündən götürür. Bütövlükdə, müasir müstəqil Azərbaycan Ulu Öndər Heydər Əliyevin davamçısı olan Prezident İlham Əliyevin rəhbərliyi ilə uğurla inkişaf edir, ardıcıl nailiyyətlər qazanaraq yeni zirvələr fəth edir.
Məktəbin direktoru Qələndər Zeynalov, Əqidə Həsənquliyeva, Gülüzar Nəcəfova və digərləri çıxış edərək bildirdilər ki,şanlı müstəqillik tariximizə qızıl hərflərlə yazılmış 15 İyun – Milli Qurtuluş Günü hər bir azərbaycanlının qürur, iftixar mənbəyidir. Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür, xalqımız üçün əsl xilas, qurtuluş tarixidir. Ümummilli Liderimizin işləyib hazırladığı inkişaf konsepsiyası bu gün də müstəqil Azərbaycanın uğur modelidir və həmin model Onun layiqli davamçısı, siyasi varisi, ölkə Prezidenti cənab İlham Əliyev tərəfindən uğurla həyata keçirilir.

Yeni Azərbaycan Partiyası Kəlbəcər rayon təşkilatının Kəlbəcər rayon 104 saylı tam orta məktəb ünvanı üzrə yeni ərazi partiya təşkilatı təsis edilib.
Məktəbin direktoru Qələndər Zeynalov Kəlbəcər rayon 104 saylı tam orta məktəb üzrə ərazi partiya təşkilatına sədr seçilib.
Ərazi partiya təşkilatının yeni seçilmiş sədri göstərilmiş etimada görə təşəkkürünü bildirib.

Tədbirin sonunda YAP-nın fəaliyyətində yaxından iştirak edən və tədrisdə fərqlənən bir qrup müəllimə YAP Kəlbəcər rayon təşkilatının Fəxri Fərmanları təqdim olunub.

Paylaş:

Baxılıb: 472 dəfə