Biz gənc nəslimizlə haqlı olaraq fəxr edə bilərik

Bakı:

23 °C

68 %

2 m/s

Əlaqə

AZ RU EN

Ana səhifə / YAP xəbərləri / Biz gənc nəslimizlə haqlı olaraq fəxr edə bilərik

Biz gənc nəslimizlə haqlı olaraq fəxr edə bilərik

16.08.2024 [12:11]

Artıq bu gün Azərbaycan dünya miqyasında güclü idman dövləti kimi tanınır. İdman uğurlarımız hər birimizi sevindirir.Gənclərimizin idmana artan marağı bu sahəyə göstərilən diqqətin ifadəsidir. Avropa ilə Asiya arasında körpü olan, sivilizasiyaların birləşdiyi məkanda yerləşən, mötəbər tədbirlərə ev sahibliyi edən Azərbaycanın idmanda qazandığı uğurlar ölkəmizin iqtisadi qüdrətinin, dünya birliyində möhkəmlənən mövqeyinin göstəricisidir. Dünyanın idman arenalarında keçirilən mötəbər yarışlarda üçrəngli bayrağımızı dəfələrlə yüksək pilləyə qaldıran, Azərbaycanın Dövlət himnini səsləndirən idmançılarımızın peşəkarlığı beynəlxalq səviyyədə etiraf olunur.

Dövlət başçısı, Milli Olimpiya Komitəsinin Prezidenti İlham Əliyev avqustun 14-də XXXIII Paris Yay Olimpiya Oyunlarında medal qazanmış Azərbaycan idmançılarını və onların məşqçilərini qəbul etdi. Cənab İlham Əliyev idmançılarımızın uğurlarından xalqımızın böyük sevinc hissi keçirdiyini önə çəkərək bildirdi ki, idmanla məşğul olmaq üçün indi ölkəmizin hər bir yerində gözəl şərait var. İdmana rəhbərlik edən qurumlar arasında koordinasiya işləri düzgün qurulub, federasiyalar, klublar uğurla fəaliyyət göstərir. O da bildirildi ki, növbəti Olimpiya Oyunlarına hazırlıq prosesi də ardıcıl aparılacaq. Hər bir Olimpiya Oyunlarından, xüsusilə ölkəmiz üçün uğurlu Oyunlardan sonra idman bölmələrinə uşaqların, yeniyetmələrin axını müşahidə olunur. Gənclərin idmana maraqları artır. Həm cüdo, həm digər idman növləri ilə məşğul olmaq istəyən uşaqlarımızın sayı çox olacaq. “Biz gənc nəslimizlə haqlı olaraq fəxr edə bilərik” söyləyən cənab İlham Əliyev vurğuladı ki, uzun illər ərzində idmanın kütləviliyi ilə bağlı görülən işlərin bir məqsədi olub: Fiziki, mənəvi cəhətdən sağlam, Vətənə bağlı, vətənpərvər və peşəkar gənc nəsil yetişsin. İdmançılarımızın uğurlu çıxışları bunu bir daha göstərdi.

Qeyd etdiyimiz kimi, Azərbaycan idman ölkəsi kimi dünyanın diqqətindədir. Birinci Avropa Oyunlarının standartlarının Azərbaycanda yazılması ilə respublamız Avropanın idman xəritəsində mühüm ölkə olduğunu sübut etdi. Maraqlı və gərgin keçən yarışlar, idmançılarımızın uğurlu çıxışları Azərbaycan xalqının sevincinə səbəb oldu. “Onu da bir daha xatırlatmaq istəyirəm ki, Avropa Oyunlarının hazırlanması üçün bizim cəmi iki il vaxtımız var idi. İllərlə, bəlkə də 7-8 il ərzində görülən işləri biz iki il ərzində görə bildik. Bu Oyunlarla bağlı Bakının ən müasir idman infrastrukturu yaradıldı və əsaslı şəkildə təmir edildi. Bu gün bizim idman qurğularımız xalqımıza, idmançılara xidmət göstərir. Yeni tikilmiş möhtəşəm Olimpiya Stadionumuz, Su İdmanı Sarayı, Atıcılıq Mərkəzi, təmir edilmiş digər idman obyektlərimiz bu gün ən yüksək standartlara cavab verir və biz bundan sonra da istənilən beynəlxalq yarışı keçirə bilərik” söyləyən cənab İlham Əliyev yarışlarda uğur qazanan idmançılarımızı ən yüksək səviyyədə təltif etdi. İlk Avropa Oyunlarında 21 qızıl, 15 gümüş, 20 bürünc medal alaraq qitə ikincisi olmaq şansını qazanan idmançılarımız azarkeşlərini, Azərbaycan xalqını sevindirdi. Azərbaycanın Birinci vitse- prezidenti, “Bakı-2015” ilk Avropa Oyunları Təşkilat Komitəsinin sədri Mehriban xanım Əliyevanın vurğuladığı kimi, I Avropa Oyunlarının ölkəmizdə yüksək səviyyədə təşkili respublikamızın iqtisadi müstəqilliyinin, inkişafının nəticəsi olmaqla idmanın inkişafına göstərilən diqqəti də dünyaya bəyan etdi. Azərbaycanı yüksək nəticələr əldə etdiyi tədbirlər davamlılığı ilə diqqətdədir.

Azərbaycan hər bir sahədə uğurlu inkişafı ilə təkmil təcrübəsini təqdim edir. İstər ökjəmizin ev sahibliyi etdiyi, istərsə də qatıldığı idman tədbirlərində əsas diqqətin məhz ölkəmizə yönəlməsi Azərbaycana olan inamı, etimadı nümayiş etdirir. Dövlətimizin həyata keçirdiyi düşünülmüş və məqsədyönlü siyasaət Azərbaycanın hərtərəfli inkişafını təmin edir. Ölkəmizdə idmanın inkişafı, Azərbaycanın idman ölkəsi kimi nüfuzunun artmasını şərtləndirən bütün zəruri addımlar atılıb, infrastruktur yaradılıb və yaradılır. Cənab İlham Əliyev sözügedən qəbulda bir daha vurğuladı ki, Azərbaycanda idmanın inkişafı ardıcıl surətdə gedir.

Etibar Hacıyev

YAP Ağstafa rayon təşkilatının sədri

Paylaş:

Baxılıb: 660 dəfə