“Möhtəşəm uğurlara imza atmışıq, yeni hədəflərə doğru irəliləyirik!”

Bakı:

22 °C

64 %

3 m/s

Əlaqə

AZ RU EN

Ana səhifə / YAP xəbərləri / “Möhtəşəm uğurlara imza atmışıq, yeni hədəflərə doğru irəliləyirik!”

“Möhtəşəm uğurlara imza atmışıq, yeni hədəflərə doğru irəliləyirik!”

26.08.2024 [16:59]

2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 6 saylı Ordubad-Culfa seçki dairəsindən deputatlığa namizədliyi irəli sürülmüş Vüqar Rəhimzadənin Culfa rayonunun Əbrəqunus, Bənəniyar, Qızılca və Kırna kəndlərində seçicilərlə görüşləri keçirilib.

Əvvəlcə Ulu Öndər Heydər Əliyevin, Azərbaycanın ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi ehtiramla yad edilib.

YAP Culfa rayon təşkilatının sədri Qadir İbrahimov bildirib ki, Yeni Azərbaycan Partiyası yarandığı gündən Azərbaycanın yüksəlişi üçün səylər göstərir, ölkəmizin tərəqqisi naminə məqsədyönlü fəaliyyət həyata keçirir. Hər bir vədini konkret əməli fəaliyyəti ilə təsdiqləyən YAP-ın sıralarında 700 mindən artıq üzvün birləşməsi bu partiyaya inamın, etimadın əsas göstəricilərindən biridir: “YAP-ın seçki platformasında da qeyd edildiyi kimi, ölkəmizin siyasi sistemində aparıcı rola malik Yeni Azərbaycan Partiyası bu seçkilərə Prezident İlham Əliyevin rəhbərliyi ilə əldə etdiyimiz möhtəşəm ümumxalq Zəfərindən sonra yaranmış reallıqlardan irəli gələn hədəflərlə - Yeni dövrə Yeni Azərbaycanla qatılır.

Deputatlığa namizəd Vüqar Rəhimzadə qeyd edib ki, ölkəmizin davamlı inkişafını şərtləndirən əsas amillərdən biri sabitliyin mövcudluğudur: “Azərbaycanın sabitlik diyarı kimi nüfuz qazanmasının biri-birindən mühüm uğurlara yol açdığını görürük. Bu uğuru ölkəmizə qazandıran Ümummilli Lider Heydər Əliyevin düşünülmüş və məqsədyönlü siyasətidir. Bu gün Azərbaycan dünyada sabitlik və təhlükəsizlik adası kimi tanınır”.

Vüqar Rəhimzadə Azərbaycanın son 20 ildən artıq dövrdə Prezident İlham Əliyevin rəhbərliyi ilə möhtəşəm uğurlara imza atdığını qeyd edib: “2020-ci ildəki tarixi Zəfərimiz, 2023-cü ilin sentyabrında suverenliyimizin tam bərpa edilməsi bu uğurların zirvəsidir. Yeni hədəflərə doğru inamla irəliləyirik”.

Deputatlığa namizəd yeni dövrə qədəm qoyan Azərbaycanın yeni hədəflərə doğru inamla addımlaması üçün seçiciləri parlament seçkilərində fəal iştirak etməyə çağırıb.

Çıxış edənlər - təşviqat qrupunun üzvü Ədalət Əhmədov, seçicilərdən şəhid anası Bahar Əhmədova, Divangir Əhmədov, Səftər Həsənov, Asəf Nəzərov, Həbibə Vəliyeva, Ramilə Abbasova və digərləri Yeni Azərbaycan Partiyasının zəngin seçki təcrübəsinə malik partiya olduğunu və xalqın etimadını layiqincə doğrultduğunu qeyd ediblər.

Paylaş:

Baxılıb: 629 dəfə