Türk dünyasının birliyinə mühüm töhfə

Bakı:

20 °C

77 %

3 m/s

Əlaqə

AZ RU EN

Ana səhifə / YAP xəbərləri / Türk dünyasının birliyinə mühüm töhfə

Türk dünyasının birliyinə mühüm töhfə

28.08.2024 [12:40]

Əsasını xalqımızın ümummilli lideri Heydər Əliyevin qoyduğu və bu gün Prezident İlham Əliyevin uğurla davam etdirdiyi ölkəmizin xarici siyasət kursunda türkdilli ölkələrlə münasibətlər olduqca əhəmiyyətli yer tutur.

Ölkəmizin Mərkəzi Asiyanın ən böyük dövlətlərindən olan Özbəkistanla əlaqələri son illərdə durmadan inkişaf edir. İki ölkə arasında olan münasibətlər heç vaxt bugünkü qədər yaxın olmayıb.

Ulu Öndər Heydər Əliyevin və Özbəkistanın sabiq prezidenti İslam Kərimovun iki qardaş ölkə arasında əlaqələrin inkişafında və dövlətlərarası münasibətlərin formalaşmasında əvəzolunmaz xidmətləri olub. Bu gün isə Prezidentlər İlham Əliyev və Şavkat Mirziyoyev tərəfindən həmin münasibətlər uğurla davam və inkişaf etdirilir.

Məlum olduğu kimi, ölkəmizin başçısı avqustun 22-də Özbəkistana dövlət səfəri etmişdir. Bu səfər iki ölkə arasında münasibətlərin ən yüksək səviyyədə olduğunun göstəricisidir.

Avqustun 23-də Daşkənddə sənədlərin imzalanması mərasimi başa çatdıqdan sonra Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev mətbuata bəyanatlarla çıxış ediblər.

Dövlət başçısı mətbuata açıqlamasında mühüm məqamlara toxunub, iki ölkə arasındakı hazırki münasibətlərdən, ərazi bütövlüyünün bərpası və suverenliyimzin tam təmin edilməsindən, Özbəkistanın işgaldan azad edilmiş ərazilərdə həyata keçirilən bərpa-quruculuq işlərinə dəstək verməsindən bəhs edib.

Prezident İlham Əliyev qeyd edib ki, bu gün iki qardaş xalq, iki müstəqil, güclü, suveren, nüfuzlu dövlətlər artıq rəsmi müttəfiqdirlər. “Müttəfiqlik münasibətləri haqqında müqavilə iki ölkənin imzalaya biləcəyi ən yüksək beynəlxalq sənəddir. Biz bu gün Daşkənddə həqiqətən də münasibətlərimizin yeni fəslini deyil, kitabını yazırıq”-deyə ölkə başçısı əlavə edib.

Dövlətimizin başçısı çıxışında iki ölkə arasında həyata keçiriləcək konkret layihələr barədə də danışaraq, görüşlər çərçivəsində həmçinin çoxlu yeni mövzuları, ilk növbədə, əmtəə dövriyyəsinin artırılması, iqtisadi-ticari əlaqələrimizin konkret məzmunla zənginləşdirilməsi, həmçinin üçüncü ölkələrdə birgə işləri müzakirə etdiklərini bildirib. Ölkə başçısı qeyd etdi ki, bunun üçün layihələrə 500 milyon ayrılıb.

Beləliklə , Prezident İlham Əliyevin Özbəkistana dövlət səfəri , səfər çərçivəsində keçirilən görüşlər, imzalanan sənədlər, həyata keçiriləcək birgə layihələr iki ölkə arasındaki münasibətlərin inkişafına, eləcə də Türk dünyasının birliyinə mühüm töhfələr verəcəkdir.

Sahib Şükürov

YAP Göyçay rayon təşkilatının sədri

Paylaş:

Baxılıb: 489 dəfə