Zəfərdən Zəfərə

Bakı:

25 °C

56 %

8 m/s

Əlaqə

AZ RU EN

Ana səhifə / YAP xəbərləri / Zəfərdən Zəfərə

Zəfərdən Zəfərə

18.09.2024 [18:49]

Azərbaycan 44 günlük Vətən müharibəsində təcavüzkar Ermənistanı ağır məğlubiyyətə uğradaraq öz doğma torpaqlarını düşmən işğalından azad etdi. 10 noyabr 2020-ci il tarixində Azərbaycan ilə Rusiya prezidentləri və Ermənistan baş nazirinin imzaladığı üçtərəfli Bəyanata uyğun olaraq, Ermənistan silahlı qüvvələrinin qalıqlarının tam şəkildə Rusiya sülhməramlı qüvvələrinin müvəqqəti yerləşdirildiyi Azərbaycan ərazilərindən çıxarılması təmin olunmadı. Təcavüzkar Ermənistan üzərinə götürdüyü öhdəliklərdən yayınaraq danışıqlar prosesini pozdu, müxtəlif hərbi təxribatlarla çirkin əməllərini davam etdirdi.

Azərbaycanın Qarabağ bölgəsindəki qanunsuz erməni silahlı birləşmələri tərəfindən ordumuzun mövqeləri daim müxtəlif çaplı silahlardan sistemli şəkildə atəşə tutuldu. Separatçılar Azərbaycan Ordusunun bölmələrinə qarşı kəşfiyyat fəaliyyətlərini genişləndirir, ərazilərimizi və mülki təyinatlı yolları təxribat məqsədilə minalayırdılar. Bölgədə davamlı şəkildə törədilən təxribatlara cavab olaraq Azərbaycan 2023-cü il sentyabrın 19-20-də öz suveren əraziləri daxilində - Qarabağ bölgəsində Ermənistan silahlı qüvvələrinin qanunsuz hərbi birləşmələrinə qarşı lokal xarakterli antiterror tədbirləri həyata keçirdi.

Rəşadətli Azərbaycan Ordusu qanunsuz erməni silahlı birləşmələrinin ön xətt və dərinliklərdə olan mövqelərini, uzunmüddətli atəş nöqtələrini, döyüş vasitələrini, bir sözlə, yalnız legitim hərbi obyektləri və infrastrukturu hədəfə alaraq sərrast zərbələrlə neytrallaşdırdı. Bu davranış ordumuzun müasir tipli silahlara və yüksək texniki imkanlara malik olmasına rəğmən, ümumilikdə ölkəmizin yüksək humanizm prinsiplərinə sadiqliyini və zəngin mənəvi keyfiyyətlərə sahib olduğunu əyani şəkildə nümayiş etdirdi. 24 saatdan da az (23 saat 43 dəqiqə) müddətdə yekunlaşan lokal xarakterli antiterror tədbirləri öz real nəticəsini verdi. Ermənistan silahlı qüvvələrinin qanunsuz hərbi birləşmələri ağ bayraq qaldıraraq təslim oldular.

Prezident İlham Əliyev xalqa müraciətində bu məqamı xüsusilə qeyd edib ki, ağır relyef, düşmən tərəfindən uzun illər böyük mühəndislik işləri nəticəsində istehkamların mövcudluğu şəraitində, düşmən mövqelərinin təpələrdə, əlverişli yerlərdə yerləşdirilməsinə baxmayaraq bizim hərbçilərimiz böyük qəhrəmanlıq, peşəkarlıq göstərmişlər və qısa müddət ərzində bütün istiqamətlər üzrə əhəmiyyətli dərəcədə hərbi uğurlar əldə etmişlər.

Uğurlu antiterror əməliyyatları ilə bölgədə 200 ilə yaxındır davam edən terrorizmə, separatizmə birdəfəlik son qoydu, ərazilərimiz üzərində tam suverenliyimiz bərqərar oldu. Həmçinin, Azərbaycanın ərazi bütövlüyünün təmin edilməsi ilə barışa bilməyən, radikal separatçı qruplar üzərindən regiona müdaxilə etmək imkanlarını qoruyub saxlamağa çalışan xarici dairələrin çoxillik ssenariləri tamamilə sıradan çıxdı.

Malik Mirzəyev,

Yeni Azərbaycan Partiyası Lerik rayon təşkilatının sədri

Paylaş:

Baxılıb: 553 dəfə