“18 Oktyabr - Müstəqilliyin bərpası günü” mövzusunda tədbir keçirilib

Bakı:

27 °C

39 %

5 m/s

Əlaqə

AZ RU EN

Ana səhifə / YAP xəbərləri / “18 Oktyabr - Müstəqilliyin bərpası günü” mövzusunda tədbir keçirilib

“18 Oktyabr - Müstəqilliyin bərpası günü” mövzusunda tədbir keçirilib

18.10.2024 [17:20]

Yeni Azərbaycan Partiyası (YAP) Xəzər rayon təşkilatı və Xəzər Rayon İcra hakimiyyətinin birgə təşkilatçılığı ilə Azərbaycanın dövlət müstəqilliyinin bərpasının 33-cü ildönümü münasibətilə “18 Oktyabr -Müstəqilliyin bərpası günü ” mövzusunda tədbir keçirilib. Əvvəlcə Azərbaycanın Dövlət Himni səsləndirilib, Ulu Öndər Heydər Əliyevin və torpaqlarımızın azadlığı, ölkəmizin müdafiəsi naminə canını fəda etmiş şəhidlərimizin xatirəsi bir dəqiqəlik sükutla yad edilib.

Tədbirdə YAP Xəzər rayon təşkilatının sədri Namiq Əhmədov, Xəzər Rayon İcra Hakimiyyəti başçısının müavini Lalə Əhmədova, Xəzər Rayon İcra Hakimiyyəti İctimai-Siyasi və Humanitar Məsələlər şöbəsinin müdiri Gülbala Qurbanov, Təhsil işçiləri Azad Həmkarlar İttifaqının Xəzər rayon Komitəsinin sədri Həzərxan Əbilov, 125 nömrəli orta məktəbin direktoru Zeynəb Əliyeva və fəal gənclər iştirak ediblər.

Tədbiri giriş sözü ilə açan YAP Xəzər rayon təşkilatının sədri Namiq Əhmədov bildirdi ki, 1991-ci ilin oktyabr ayının 18-də qəbul edilmiş Konstitusiya Aktı ilə ölkəmizin dövlətçilik ənənələrinin yenidən bərpasında və müstəqilliyimizin təsdiq olunmasında əhəmiyyətli tarixi addım atıldı. Müstəqilliyimizin gücləndirilməsi mərhələsində dünyəvi, hüquqi və demokratik dövlətin formalaşdırılması yönündə həyata keçirilən əsaslı tədbirlər xalqımızın Ümummilli Lideri Heydər Əliyevin adı ilə sıx bağlıdır. Hazırda Azərbaycan Respublikasının Prezidenti və Silahlı Qüvvələrin Ali Baş Komandanı cənab İlham Əliyev tərəfindən dövlətçiliyimizin inkişafı və gücləndirilməsi məqsədilə ardıcıl islahatlar aparılır.

Daha sonra Təhsil işçiləri Azad Həmkarlar İttifaqının Xəzər rayon Komitəsinin sədri Həzərxan Əbilov bildirdi ki, Müstəqilliyin Bərpası Günü xalqımızın tarixində ən qürurverici səhifələrdən biridir. Ulu öndər Heydər Əliyevin hakimiyyətə gəlməsi ilə dövlət suverenliyinin gücləndirilməsi istiqamətində atılan hədəfli addımlar, Azərbaycanın bu günkü nailiyyətlərinin ən möhkəm bünövrəsini təşkil edib.

125 nömrəli orta məktəbin direktoru Zeynəb Əliyeva çıxış edərək qeyd etdi ki, Müstəqilliyin Bərpası Günü Azərbaycan Respublikasının önəmli milli bayramlarından biridir. Bu gün xalqımız üçün dərin tarixi əhəmiyyət kəsb edir və ölkənin suverenliyini yenidən qazanması ilə bağlıdır. Müstəqilliyin Bərpası Günü, xalqımızın dövlətçilik və azadlıq yolundakı mübarizəsinin simvolu kimi dəyərləndirilir. Azərbaycanın bu günkü suveren və müstəqil dövlət kimi mövcudluğu məhz həmin günün nəticəsində meydana gəlmişdir.

Gənc fəallar Səkinəxanım Həsənzadə və Turan Zeynalzadə diqqəti 1991-ci il oktyabrın 18-də Azərbaycan Respublikası Ali Soveti tərəfindən qəbul olunmuş dövlət müstəqilliyi haqqında Konstitusiya Aktının əhəmiyyətinə yönəldiblər.

Sonda Yeni Azərbaycan Partyasının Himni səsləndirilib.

Paylaş:

Baxılıb: 553 dəfə