Müzəffər Ali Baş Komandan İlham Əliyev bu zəfərlə Azərbaycan dövlətçiliyinin ən şərəfli səhifələrindən birinin müəllifi oldu

Bakı:

25 °C

53 %

8 m/s

AZ RU EN

Ana səhifə / YAP xəbərləri / Müzəffər Ali Baş Komandan İlham Əliyev bu zəfərlə Azərbaycan dövlətçiliyinin ən şərəfli səhifələrindən birinin müəllifi oldu

Müzəffər Ali Baş Komandan İlham Əliyev bu zəfərlə Azərbaycan dövlətçiliyinin ən şərəfli səhifələrindən birinin müəllifi oldu

23.12.2024 [15:34]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Müstəqil Azərbaycan Ulu Öndərimizin siyasi kursunun layiqli davamçısı Müzəffər Ali Baş Komandan, ölkə Prezidenti cənab İlham Əliyevin yürütdüyü məqsədyönlü siyasət sayəsində hər gün böyük zirvələrə doğru irəliləyəyir, qüdrətini durmadan daha da artırır. Hər keçən gün Azərbaycan dövlətinin bugünkü yüksəlişi, inkişafı bunu tam təsdiq edir.

2003-cü ilin 15 oktyabrında prezident seçkilərində Azərbaycan xalqı səsini dahi şəxsiyyət, Ulu Öndər Heydər Əliyev siyasətinin davam etdirilməsinə, ölkədə sabitliyin qorunmasına, inkişafa, tərəqqiyə verdi.O tarixi gündən keçən müddət ərzində Ulu Öndər Heydər Əliyevin siyasi xəttinin davamçısı Prezident cənab İlham Əliyevin rəhbərliyi ilə Azərbaycanı yüksələn xətlə inkişaf edərək, bütün sahələrdə böyük uğurlar qazanaraq tək Cənubi Qafqazın deyil, Qərblə Şərqin qovuşuğunda yerləşən böyük bir bölgənin ən nüfuzlu dövlətlərindən birinə çevrildi. Qalib Liderimiz cənab İlham Əliyev düşünülmüş islahatları və müdrik qərarları həyatımıza yeni nəfəs gətirdi. Adı tariximizə islahatçı lider, inkişaf etmiş Azərbaycan dövlətinin qurucusu kimi yazılan Prezident İlham Əliyev Azərbaycan siyasi sisteminə rasional siyasi davranış modeli, milli məqsədlərə xidmət edən siyasi realizmə söykənən siyasi fəaliyyət nümunəsi gətirdi. Dövlət siyasətinin müasir modelini yaradan İlham Əliyev öz fəaliyyəti və davranışı ilə siyasi sistemimizə siyasi mədəniyyət, milli mənəviyyatımıza uyğun siyasi əxlaq standartı, milli siyasi etika nümunəsi təqdim etdi.

Dünya liderləri arasında yüksək intellekti, diplomatik məharəti, xüsusi natiqlik bacarığı ilə seçilən İlham Əliyevin rəhbərliyi ilə Azərbaycanın beynəlxalq siyasi müstəvidə nüfuzu yüksələrək elə bir səviyyəyə çatdı ki, ölkəmiz artıq dünyanın super dövlətləri arasında baş verən münaqişələrin nizamlanmasında öz sözünü deyə bildi. Bu da onu təsdiq edir ki, Azərbaycan tarixdə heç zaman Prezident cənab İlham Əliyevin ölkəmizə rəhbərlik etdiyi illərdəki kimi qüdrətli, güvənli olmayıb. Ölkəmizdə həyata keçirilən siyasi və iqtisadi islahatlar, sosial-iqtisadi sahədə, eyni zamanda beynəlxalq əməkdaşlıq sahəsində əldə olunan uğurlar, 44 günlük Vətən müharibəsində Şanlı Ordumuzun parlaq qələbəsi nəticəsində torpaqlarımızın işğaldan azad edilməsi deməyə əsas verir ki, Azərbaycanın taleyi etibarlı əllərdədir.

Yola saldığımız illərə nəzər saldıqda Azərbaycan iqtisadiyyatının daim davamlı və dinamik inkişaf etdiyini görürük. Ölkə Prezidentimiz cənab İlham Əliyevin praqmatik və çevik siyasəti nəticəsində dünya ölkələrinin, beynəlxalq birliyin Azərbaycana olan inam və etimadı durmadan artır. Müzəffər Ali Baş Komandanın “dəmir yumruğ”u, xalq-ordu birliyi sayəsində 44 günlük Vətən müharibəsində qazanılan tarixi zəfər müstəqillik tariximizin ən böyük nailiyyəti oldu.

Dövlətçilik fəaliyyətində milli maraqları ali məqsəd kimi görən və bütün qüvvəsini bu işə həsr edən, xalqın birmənalı şəkildə dəstəklədiyi və etimad göstərdiyi Lider, dövlətimizin başçısı cənab İlham Əliyev 2003-cü ilin 15 oktyabrında prezident seçilərkən xalqa verdiyi sözünü yerinə yetirdi, ölkəmizin ərazi bütövlüyünü və suverenliyini tam bərpa etdi.

Tarix təsdiq etdi ki, Azərbaycan xalqı öz gələcək taleyini Ulu Öndərimizin siyasi varisi İlham Əliyevə etibar etməkdə yanılmadı. Məhz, dövlətimizin başçısının Azərbaycanın iqtisadi və hərbi qüdrətinin, beynəlxalq nüfuzunun gücləndirilməsi yolunda böyük inam və qətiyyətlə çalışması sayəsində üçrəngli bayrağımız 30 ildən sonra Qarabağda, Şərqi Zəngəzurda yenidən dalğalandı. Azərbaycan qalib ölkəyə, xalqımız qalib xalqa çevrildi. Tarixi Qələbə regionda yeni reallıqlar yaratdı. Prezident İlham Əliyevin qətiyyəti, müdrik və uzaqgörən siyasətinin məntiqi nəticəsi Azərbaycanı əməkdaşlıq və dialoq məkanına, dünyaya sülh çağırışı edən bir ölkəyə çevirdi.

Paylaş:

Baxılıb: 714 dəfə