Xoş, firavan gələcəyə xidmət edən strategiya

Bakı:

22 °C

64 %

8 m/s

Əlaqə

AZ RU EN

Ana səhifə / YAP xəbərləri / Xoş, firavan gələcəyə xidmət edən strategiya

Xoş, firavan gələcəyə xidmət edən strategiya

26.12.2024 [16:44]

İsgəndər Qurbanov,

YAP Qazax rayon təşkilatının partiya veteranı

Möhtərəm Prezidentimiz cənab İlham Əliyevin xalqımız qarşısında müstəsna xidmətlərindən danışanda ilk növbədə Ümummilli Liiderimiz Heydər Əliyevin 2003-cü ilin oktyabrında xalqımıza etdiyi tarixi müraciət yada düşür : “Üzümü Sizə - həmvətənlərimə tutaraq, qarşıdan gələn Prezident seçkilərində Prezidentliyə namizəd, mənim siyasi varisim, Yeni Azərbaycan Partiyası sədrinin birinci müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”. Bəli, bu müdrik sözlər Azərbaycan xalqı tərəfindən böyük rəğbətlə qarşılandı və 2003-cü il oktyabrın 15-də müdrik Azərbaycan xalqı İlham Əliyev cənablarını özünə Prezident seçdi. Müdrik xalqımız özünün bu doğru - düzgün seçimi ilə sülhün, əmin-amanlığın, tərəqqinin, inkişafın, quruculuğun və sabitliyin tərəfində olduğunu nümayiş etdirdi və ölkədə Ulu Öndər Heydər Əliyev siyasətinə alternativin olmadığını göstərdi. Möhtərəm Prezident İlham Əliyev cənablarının yürütdüyü uzaqgörən siyasət müasir Azərbaycanın daha da güclənməsinə, qalib, qüdrətli bir dövlətə çevrilməsinə, milli-mənəvi dəyərlərimizin ən yüksək səviyyədə qorunmasına xidmət etdi, Azərbaycan mədəniyyətlərarası və sivilizasiyalararası dialoq məkanı kimi tanındı. Xalqımızı etnik, siyasi və ideoloji qarşıdurmadan qorudu.

Möhtərəm Prezidentimizin uzaqgörənliyi, uğurlu siyasəti nəticəsində müstəqil Azərbaycan dövlətinin başı üzərindən qara buludlar çəkildi və Azərbaycanın sivil, dünyəvi bir dövlət olduğu bir daha bütün dünyaya bəyan edildi. Möhtərəm Prezidentimizin fəaliyyəti haqqında danışdıqda Vətən Müharibəsinə toxunmamaq mümkün deyildir. Möhtərəm Prezidentimiz bütün dünyaya mübariz, əzmkar, prinsipial bir siyasi fəaliyyət nümunəsi gətirdi. O, Ali Baş Komandan vəzifəsində qüdrətli sərkərdə kimi, uzaqgörən bir dövlət başçısı və hərbi komandan vəzifələrini özündə birləşdirən güclü strateq kimi göstərdi və onun qətiyyəti, xalqın birliyi və Ordumuzun gücü nəticəsində Vətən Müharibəsi Möhtəşəm Zəfərlə sona çatdı. Ümummilli Lider Heydər Əliyevin müstəsna xidmətləri sayəsində formalaşan və inkişaf edən Azərbaycan Silahlı Qüvvələri bu gün Müzəffər Ali Baş Komandan İlham Əliyevin rəhbərliyi altında öz xalqına Möhtəşəm Qələbəni bəxş etmiş Müzəffər Orduya çevrildi. 2003-cü ildən etibarən ordu quruculuğu məsələləri dövlət siyasətinin prioriteti kimi müəyyən olunmuşdur. Planlı və ardıcıl şəkildə görülmüş işlər Azərbaycan ordusunu dünyanın ən güclü 50 ordusu sırasına yüksəltdi. Ölkə başçısı səngərdə döyüşən hərbçilərimizlə yanaşı eyni zamanda gizli düşmənlərimizlə də əzmkar mübarizə aparırdı. Onun, dünyanın nüfuzlu media qurumlarının və bir sıra üzdəniraq beyləxalq media nümayəndələrinin məkrli suallarına tutarlı cavabları hamını, bütün dünyanı heyrətə gətirdi.

Hər zaman müdrik xaqımızdan dəstək və güc alan Möhtərəm Prezidentimiz cənab İlham Əliyev bildirir ki: “2003-cü ildən - Prezident vəzifəsinə ilk dəfə seçiləndən bu günə qədər xalqın dəstəyini hiss edirəm. Bu dəstək mənə güc verir. Bu dəstək iradəmi möhkəmləndirir. Bu dəstək nəticəsində biz hamımız – bütün Azərbaycan xalqı böyük tarixi uğurlara imza atmışıq”. Bəli, bu gün böyük uğurlara imza atmışıq və bu uğurlar Möhtərəm Prezidentimizin uzaqgörən siyasəti, dönməz iradəsi və dəmir yumruğu sayəsində mümkün olmuşdur!

Dövlət Başçımızın rəhbərliyi ilə bütün sahələrdə qazanılan uğurlar,qələbələr bütün regiona sülh və davamlı inkişaf imkanı qazandırmışdır. Müzəffər Ali Baş Komandan İlham Əliyev cənablarının xoş, firavan gələcəyə xidmət edən strategiyası sayəsində regionun beynəlxalq statusu dəyişmiş və region ölkələrinin inkişafı üçün yeni imkanlar açılmışdır. Münaqişənin həlli məhz, regionun təhlükəsizliyi və kommersiya cəlbediciliyi baxımından xüsusi strateji əhəmiyyətə malikdir. Qələbə nəticəsində işğaldan azad edilmiş ərazilərin ölkənin ümumi iqtisadiyyatına reinteqrasiyası, yeni beynəlxalq və regional nəqliyyat-logistika dəhlizlərinin imkanlarından faydalanmaq təbii ki, müstəqil, suveren Azərbaycanımızın inkişafına böyük təkan verəcəkdir.

Paylaş:

Baxılıb: 451 dəfə