İdmana göstərilən diqqət və qayğının təzahürü

Bakı:

22 °C

65 %

10 m/s

Əlaqə

AZ RU EN

Ana səhifə / YAP xəbərləri / İdmana göstərilən diqqət və qayğının təzahürü

İdmana göstərilən diqqət və qayğının təzahürü

27.12.2024 [16:41]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Dekabrın 24-də 2024-cü ilin idman yekunlarına həsr olunan mərasimdə Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev ölkəmizdə idmanın inkişafı istiqamətində atılan addımları və uğurlu nəticələrıni bir daha diqqətə çatdırdı: “2024-cü il də Azərbaycan idmanı üçün uğurlu olmuşdur. Azərbaycan idmançıları beynəlxalq yarışlarda ölkəmizi ləyaqətlə təmsil etmişlər, 1700-ə yaxın medal qazanılmışdır. Bu, onu göstərir ki, idmanımız inkişaf edir, yeni nəsil idmançılar yetişir və beləliklə, Azərbaycan idman dövləti kimi öz gücünü müxtəlif beynəlxalq yarışlarda təsdiqləyir.”

Ölkə Prezidentimizin qeyd etdiyi kimi, idmançılarımız qalib ölkənin nümayəndələri kimi idman arenalarına, döşəklərə, idman meydançalarına tamamilə fərqli bir ovqatla çıxırlar. Bəli, artıq Azərbaycan idmançıları beynəlxalq tədbirlərdə, platformalarda müzəffər qalib ölkənin təmsilçiləri kimi iştirak edir, böyük uğurlara imza atırlar. Bu uğur, ilk növbədə ölkə Prezidenti cənab İlham Əliyevin rəhbərliyi ilə həyata keçirilən mütərəqqi gənclər siyasətinin göstəricisidir. Bu siyasətdən bəhrələnən Azərbaycan idmançıları dəfələrlə beynəlxalq yarışların qalibləri olub, üçrəngli bayrağımızı ucaldıb, himnimizi səsləndiriblər.

Sözsüz ki, dünyada həm də idman ölkəsi kimi tanınan Azərbaycan idmançılarının qazandığı uğurlar dövlət səviyyəsində idmana göstərilən diqqət və qayğının təzahürüdür. Məhz bunun üçün də hər bir sahədə olduğu kimi, Azərbaycanda idmanın tarixində də şərəfli səhifələr yazılıb, ölkəmizdə idman və olimpiya hərəkatının inkişafında böyük nailiyyətlər əldə edilib.

Azərbaycan 2025-ci ildə növbəti böyük idman yarışına - Üçüncü MDB Oyunlarına ev sahibliyi edəcək. Nizami yurdu Gəncə şəhəri MDB Oyunlarının mərkəzi olacaq. Ölkə Prezidentimiz cənab İlham Əliyev xüsusi ilə vurğulayıb: “Gəncə şəhərində isə 7000 iştirakçını, onların komandalarını, heyətlərini qəbul etmək üçün əlbəttə ki, şərait yaradılmalıdır və müvafiq göstərişlər verildi. Gələn ildən başlayaraq Gəncə şəhərində çox böyük təmir-bərpa işləri aparılacaq. Həm şəhər infrastrukturu yenilənəcək, şəhər nəqliyyatı tamamilə yenilənəcək, tarixi binaların bərpası və digər infrastruktur layihələrimiz icra ediləcək ki, bizim qədim şəhərimiz olan, Nizami yurdu olan Gəncə bütün MDB məkanına və daha geniş coğrafiyaya öz gözəlliyini, eyni zamanda, tarixi simasını və müasirliyini təqdim etsin. Əlbəttə ki, biz təbii olaraq bu Oyunlara da hazırlaşırıq. Əminəm ki, bu Oyunların ev sahibi kimi Azərbaycan idmançıları, gənc idmançılar yaxşı nəticələr göstərəcəklər.”

7 min idmançının iştirakı gözlənilən mötəbər tədbirinin reallaşacağı qədim Gəncə şəhərinin idmançılarının hər zaman qazandıqları qələbələr xalqımıza sevinc bəxş edib. Gələn ildə artıq Gəncə Üçüncü MDB Oyunlarının keçirildiyi məkan olacaq. Ən başlıcası dünyada həm də idman ölkəsi kimi tanınan Azərbaycanın idman tarixinin daha bir şanlı səhifəsi yazılacaq.

Paylaş:

Baxılıb: 411 dəfə