Bakı-Qroznı reysinin pilotları və ekipajı mülki aviasiya tarixində öz adlarını əbədiləşdirdilər

Bakı:

22 °C

66 %

5 m/s

AZ RU EN

Ana səhifə / YAP xəbərləri / Bakı-Qroznı reysinin pilotları və ekipajı mülki aviasiya tarixində öz adlarını əbədiləşdirdilər

Bakı-Qroznı reysinin pilotları və ekipajı mülki aviasiya tarixində öz adlarını əbədiləşdirdilər

08.01.2025 [17:04]

Varis Rüstəmov,

YAP Sabirabad rayon təşkilatının sədri

AZAL-ın Bakı-Qroznı reysini həyata keçirən “Embraer 190 AR” təyyarəsinin qəzaya uğraması xəbəri aviasiya aləmini şoka saldı. Təyyarə Qazaxıstanın Aktau şəhəri yaxınlığında qəzaya uğradı. Təyyarədə olan 67 nəfərdən 29-u ekipajın çevik hərəkətləri və hava gəmisinin konstruksiya xüsusiyyətləri sayəsində sağ qaldı. Qəza barədə məlumat operativ xidmətlərə çatan kimi Azərbaycan rəhbərliyi ildırım sürəti ilə reaksiya nümayiş etdirdi. İnsident ilə bağlı məlumat daxil olan zaman Azərbaycan Prezidenti Cənab İlham Əliyevin təyyarəsi Moskva səmasında idi və dərhal Bakıya qayıtmaq əmri verdi, havada olan təyyarə isə operativ qərargah kimi fəaliyyətə başladı. Cənab Prezident İlham Əliyevə elə təyyarənin göyərtəsində vəziyyətlə bağlı məlumat verildikdən sonra o, aidiyyəti strukturlara tapşırıqlar verdi. Bakı hava limanına endikdən sonra əsas dövlət qurumlarının iştirakı ilə təcili iclas keçirildi. Hadisənin araşdırılması üçün dövlət komissiyası, nazirliklərin və digər strukturların nümayəndələrindən ibarət qrup yaradıldı və onlar dərhal təbii fəlakət yerinə yollandı. Azərbaycanın dövlət qurumları, hadisənin milli hava məkanından kənarda baş verməsinə baxmayaraq, qazaxıstanlı həmkarları ilə koordinasiya halında ictimaiyyəti mümkün qədər çox məlumatlandırmağa çalışdı. Qazaxıstan tərəfi də faciəyə yüksək operativlik və həssaslıq nümayiş etdirdi. Qısa zamanda iki ölkənin müvafiq orqanları arasında birbaşa məlumat mübadiləsi yaradıldı. Hadisə yerində xilasetmə işlərinə başlanıldı, eyni zamanda yaralılar üçün qan verən yerli sakinlərdən də kömək gəldi.

Qazaxıstan ictimaiyyəti dərin anlayış nümayiş etdirdi: Azərbaycanın Qazaxıstandakı səfirliyi qarşısında gül dəstələri qoyuldu. Bu cür addımlar faciələr zamanı beynəlxalq həmrəyliyin vacibliyini göstərdi. Qəzanın səbəbləri müəyyən edilildi. Dövlətimizin başçısının Azərbaycanın mülki təyyarəsinin Rusiya ərazisində, Qroznı şəhərinin yaxınlığında xaricdən zədə almasını və təyyarəmizin radioelektron mübarizə vasitələri tərəfindən idarəolunmaz vəziyyətə salındığını qeyd etdi. Cənab Prezident İlham Əliyev dediyi kimi ola bilsin, ilk zərbədə pilotlar quşla toqquşduqlarını güman etsinlər, çünki “heç kimin ağlına gələ bilməzdi ki, dost ölkədə” onun təyyarəsinə yerdən atəş açılsın. “Ancaq təəssüflər olsun ki, Rusiyanın bəzi dairələri bu versiya üzərində dayanmağa üstünlük vermişdilər. Bizi təəssüfləndirən və təəccübləndirən məqamlardan biri də o idi ki, Rusiyanın rəsmi qurumları hansısa qaz balonunun partlaması ilə bağlı versiyalar irəli sürmüşdü. Yəni, bu, açıq-aydın göstərirdi ki, Rusiya tərəfi məsələni ört-basdır etmək istəyir və əlbəttə, bu, heç kimə başucalığı gətirmir”. Bu ifadədən sonra Rusiya tərəfi Azərbaycan Respublikası Prezidenti cənab İlham Əliyevin haqlı mövqeyi ilə barışmalı, Azərbaycanın təyyarə qəzası ilə bağlı şərtlərini qəbul etməli, həlak olanların ailələrinə, qəzada xəsarət alan insanlara və Azərbaycan Hava Yolları şirkəti AZAL -a dəymiş ziyana görə maddi təzminat ödəməlidir. Rusiya dövləti və rəsmiləri Cənab Prezident İlham Əliyev dəyərli sözünü unutmamalıdırlar ki, dost ölkə, dost ölkənin təyyarəsinə yerdən atəş açması inanılmazdır. Təyyarə qəzası nəticəsində həlak olanların ailələrinə başsağlığı, qəza nəticəsində xəsarət alan insanlara şəfa diləyirəm.

Paylaş:

Baxılıb: 461 dəfə