Qaradağda 2 Fevral – Gənclər Günü qeyd edilib

Bakı:

25 °C

55 %

1 m/s

Əlaqə

AZ RU EN

Ana səhifə / YAP xəbərləri / Qaradağda 2 Fevral – Gənclər Günü qeyd edilib

Qaradağda 2 Fevral – Gənclər Günü qeyd edilib

31.01.2025 [17:33]

Yanvarın 31-də Qaradağ rayonu Lökbatan qəsəbəsində yerləşən Heydər Əliyev Mərkəzində Yeni Azərbayacn Partiyası rayon tşkilatının və Mərkəzin birgə təşkilatçılığı ilə “Müasir Azərbaycan dövlətinin gənclər siyasəti” mövzusunda dəyirmi masa keçirilib.

Tədbirdə YAP Qaradağ rayon təşkilatının fəalları, Qaradağ rayon İcra Hakimiyyətinin və ictimaiyyətin nümayəndələri, şəhid ailələrinin üzvləri və qazilər iştirak ediblər.

Ulu öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət himni səsləndirilib.

Tədbirdə “Ulu öndər Heydər Əliyev və Azərbaycan dövlətinin gənclər siyasəti” mövzusunda videoçarx nümayiş etdirilib.

Tədbiri giriş sözü ilə açan YAP Qaradağ Rayon təşkilatı sədrinin müavini Faiq Qurbanov əsası Ümummilli lider Heydər Əliyev tərəfindən qoyulan dövlət gənclər siyasətinin Prezident, Müzəffər ali Baş Komandan İlham Əliyev tərəfindən uğurla davam etdirildiyini bildirib. Tarixə ekskurs edən F.Qurbanov müstəqilliyin bərpasının ilk illərində yaranmış ağır vəziyyətdən, gənclərin başlı-başına buraxılmasından, digər sahələrdə olduğu kimi burada da ağır böhranın mövcud olmasından bəhs edib. Bildirib ki, məhz Ulu öndər Heydər Əliyevin hakimiyyətə qayıdışından sonra müstəqil dövlətimizin gənclər siyasətinin formalaşması istiqamətində ardıcıl addımlar atılıb, Gənclər və İdman Nazirliyi yaradılıb, 1996-cı il fevralın 2-də keçirilən I Gənclər Forumundan sonra ölkədə Gənclər Günü təsis edilib, bu istiqamətdə xüsusi dövlət proqramları hazırlanaraq həyata keçirilib.

Tədbirdə digər çıxış edənlər: Qaradağ rayon İcra Hakimiyyətinin əməkdaşı Səmayə Şıxəliyeva, Heydər Əliyev Mərkəzinin əməkdaşı Nuranə Darvinbəyova, Ələt uşaq bağçasının müəllimi, ABŞ Psixoloqlar Assosiasiyasını üzvü Rəna Haqverdiyeva, II qrup Vətən müharibəsi əlili Bəhram Rəcəbli, 7 saylı Uşaq Somatik Sanatoriyasının tərbiyəçisi Türkanə Əliyeva, V.Əsədov adına uşaq bağçasının müəllimi Turanə Qasımova, Azərbaycan Dövlət Pedaqoji Kollecinin müəllimi Rəfael Quliyev və başqaları çıxış edərək ölkəmizdə gəncliyin intelektual inkişafı, təhsili, onların sosial problemlərinin həlli, vətənpərvərlik tərbiyəsi istiqamətində görülən işlərdən ətraflı bəhs ediblər.

Sonra YAP-a yeni qəbul edilənlərə üzvülük vəsiqələri verilib, 2 Fevral Gənclər Günü münasibətilə bir qrup gənc fəala Fəxri Fərmanlar təqdim edilib.

Sonda xatirə fotosu çəkdirilib.

Paylaş:

Baxılıb: 474 dəfə