Azərbaycan-Çin münasibətləri çoxşaxəlidir

Bakı:

24 °C

47 %

1 m/s

Əlaqə

AZ RU EN

Ana səhifə / YAP xəbərləri / Azərbaycan-Çin münasibətləri çoxşaxəlidir

Azərbaycan-Çin münasibətləri çoxşaxəlidir

13.02.2025 [17:17]

Əlişah Rəcəbov,

YAP Ağdaş rayon təşkilatının əməkdaşı

Çinin CGTN (China Global Television Network) telekanalına müsahibəsində Prezident İlham Əliyev Orta Dəhliz layihəsinin əhəmiyyətindən danışıb. Ölkə başçısı bildirib ki, Azərbaycanın Orta Dəhlizlə bağlı mövqeyi, sadəcə, tranzit ölkəsi olmaq və tranzitdən ödənişlər almaqdan ibarət deyil. Ölkəmizin hədəfi özəl sektora bundan faydalanmağa kömək etmək üçün dəhlizin keçdiyi Azərbaycan ərazisində müəssisələr yaratmaqdır. Prezident İlham Əliyev qeyd edib ki, Orta Dəhlizin Azərbaycan seqmentinin infrastrukturu təkmilləşdirilmişdir.

Müsahibəsində “Bir kəmər, bir yol” layihəsinin əhəmiyyətini vurğulayan Prezident İlham Əliyev bu layihənin bütün ölkələr üçün əlavə imkanlar yaradacağını bildirib. Bağlantı, biznes imkanı, sabitlik və təhlükəsizlik ölkələr arasında həm ikitərəfli, həm də çoxtərəfli əlaqələr istiqamətində bir sıra məsələlərin həlli üçün yaxşı bir mühitdir.

Çinin CGTN (China Global Television Network) telekanalına müsahibəsində Prezident İlham Əliyev ölkəmizin yaşıl enerjiyə baxışından da geniş bəhs edib. Ölkə başçısı vurğulayıb ki, qazıntı enerji növlərinə malik olan ölkələrin məsuliyyəti əldə etdikləri gəlirləri yaşıl texnologiyaya və yaşıl enerjiyə investisiya etməkdən ibarətdir. Azərbaycanın 2027-ci ilə qədər olan hədəfi 2 giqavat həcmində Günəş və külək elektrik enerjisini hasil etməkdir. 2030-cu ilə qədər isə bu hədəf 6 giqavatdır. Bu, Azərbaycanda enerji sahəsində bir inqilab olacaqdır. Prezident İlham Əliyev qeyd edib ki, bu layihələrə sərmayə yatıran xarici şirkətlər olan investorlar, o cümlədən Azərbaycandan olan yerli şirkətlər Çin texnologiyasından istifadə edirlər. Günəş panelləri Çində istehsal olunur. Ölkə başçısı bildirib ki, indi Çin şirkətləri təkcə xidmət və texnologiyaların təmin edilməsində yox, həmçinin Azərbaycana investisiya yatırmaqda maraqlıdırlar və bu proses artıq gedir. Belə ki, COP29-da Azərbaycan, Qazaxıstan və Özbəkistan arasında Xəzər dənizinin dibi ilə enerji kabelinin çəkilməsi barədə bir müqavilə imzalanıb. Nəticədə Mərkəzi Asiya ilə Azərbaycan və potensial olaraq Çin enerji kabeli ilə bir-biri ilə bağlanacaq. Digər bir layihədə belə bir kabel xətti Qara dənizin dibi ilə Azərbaycandan Avropaya uzanacaq. Prezident İlham Əliyev vurğulayıb ki, bu, yaşıl enerji üçün bir dəhlizdir və onun nəhəng potensialı var. Çünki Azərbaycanın külək və Günəş enerjisi potensialı artıq bəllidir. Ölkəmizə bazarlar, texnologiya və əməkdaşlıq lazımdır. Çünki qonşu ölkələr arasında əməkdaşlıq olmadan bu layihələrin icrası mümkün deyil. Beləliklə, potensial buradadır və Azərbaycan yaşıl keçiddə çox fəal rol oynayır.

Paylaş:

Baxılıb: 354 dəfə