YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib

Bakı:

23 °C

68 %

2 m/s

AZ RU EN

Ana səhifə / YAP xəbərləri / YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib

YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib

06.03.2025 [17:17]

YAP Nərimanov rayon təşkilatının Ərazi Partiya Təşkilatında partiya üzvləri ilə görüş keçirilib.

Yeni Azərbaycan Partiyası (YAP) Nərimanov rayon təşkilatının “Heydər Əliyev prospekti 24” ünvanı üzrə ərazi partiya təşkilatında 2024-cü ildə görülmüş işlərə dair hesabat iclası keçirilib.

İclasda YAP Nərimanov rayon təşkilatının sədri Elçin Quliyev, Azərbaycan Dövlət Rəssamlıq Akademiyasının rektoru xalq rəssamı, professor Natiq Əliyev, təşkilatın əməkdaşları, ƏPT üzvləri iştirak ediblər.

İclasdan əvvəl Azərbaycan Dövlət Rəssamlıq Akademiyasının foyesində Ulu Öndər Heydər Əliyevin büstü önünə tər gül dəstələri qoyulub, dahi şəxsiyyət əziz xatirəsi ehtiramla anılıb.

Tədbirdə ilk öncə Azərbaycan Respublikasının Dövlət Himni səsləndirilib və Ümummilli lider Heydər Əliyevin və canlarını Azərbaycanın ərazi bütövlüyü yolunda qurban vermiş şəhidlərin əziz xatirəsi bir dəqiqəlik sükutla yad olunub.

Tədbiri Azərbaycan Dövlət Rəssamlıq Akademiyasının rektoru xalq rəssamı, professor Natiq Əliyev açaraq iştirakçıları salamlayıb və qeyd edib ki, zamanın sınaqlarından uğurla çıxan Yeni Azərbaycan Partiyası ölkəmizdə Ulu Öndər Heydər Əliyevin zəngin siyasi və dövlətçilik təcrübəsinə əsaslanan ən güclü siyasi təşkilatdır.

Ərazi Partiya Təşkilatının sədri Əhməd Pənayev gündəlikdə olan məsələlər barədə məlumat verib. Ə. Pənayev geniş hesabat məruzəsi ilə çıxış edərək ötən dövr ərzində görülən işlərdən danışıb.

İclasda çıxış edən YAP Nərimanov rayon təşkilatının sədri Elçin Quliyev Ulu öndər Heydər Əliyevin mütərəqqi ideyalarının daşıyıcısı olan Yeni Azərbaycan Partiyasının keçdiyi yola nəzər salıb, ölkəmizin qazandığı uğurlardan, Prezident və Ali Baş Komandan cənab İlham Əliyevin rəhbərliyi ilə 44 günlük Vətən müharibəsində qazandığımız qələbənin mühüm əhəmiyyətindən danışıb. E. Quliyev Ərazi Partiya Təşkilatının işini yüksək qiymətləndirib. Təşkilat sədri Ərazi Partiya Təşkilatında gələcəkdə həyata keçiriləcək partiya fəaliyyəti, yeni üzvlərin qəbulu, qeydiyyat, uçotun səmərəli aparılması və ideoloji işin məqsədyönlü aparılması ilə bağlı öz tövsiyələrini vermiş, ƏPT-nin işinə uğurlar arzulamışdır.

Hesabat məruzəsi ətrafında çıxış edən ƏPT-nin sədr müavini Ülviyyə Əliyeva və digərləri təşkilatın fəaliyyətini qənaətbəxş qiymətləndiriblər.

Tədbirdə Yeni Azərbaycan Partiyasının və Nərimanov rayonunun ictimai-siyasi həyatında, eyni zamanda 2024-cü ildə ölkədə keçirilən seçkilərdə fəallığı ilə seçilən üzvlərə Təşəkkürnamə təqdim olunub.

Sonda xatirə şəkli çəkilib.

Paylaş:

Baxılıb: 502 dəfə