YAP Nərimanov rayon təşkilatının ərazi partiya təşkilatında hesabat iclası keçirilib

Bakı:

21 °C

78 %

4 m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatının ərazi partiya təşkilatında hesabat iclası keçirilib

YAP Nərimanov rayon təşkilatının ərazi partiya təşkilatında hesabat iclası keçirilib

11.03.2025 [17:13]

Yeni Azərbaycan Partiyası (YAP) Nərimanov rayon təşkilatının “Olimpiya küçəsi 4” ünvanı üzrə ərazi partiya təşkilatında 2024-cü ildə görülmüş işlərə dair hesabat iclası keçirilib.

İclasda YAP Nərimanov rayon təşkilatının sədri Elçin Quliyev, Azərbaycan Respublikasının Gənclər və İdman Nazirinin müavini İndira Hacıyeva, Nazirliyin Aparat rəhbəri Amil Xudiyev, təşkilatın əməkdaşları, ƏPT üzvləri iştirak ediblər.

İclasdan öncə Azərbaycan Respublikasının Gənclər və İdman Nazirliyinin foyesində Ulu Öndər Heydər Əliyevin büstü önünə tər gül dəstələri qoyularaq dahi şəxsiyyətin əziz xatirəsi ehtiramla anılıb.

İclasda ilk öncə Azərbaycan Respublikasının Dövlət Himni səsləndirilib və ümummilli lider Heydər Əliyevin və canlarını Azərbaycanın ərazi bütövlüyü yolunda qurban vermiş şəhidlərin əziz xatirəsi bir dəqiqəlik sükutla yad olunub.

İclası Azərbaycan Respublikasının Gənclər və İdman Nazirliyinin Aparat rəhbəri Amil Xudiyev açaraq qonaqları salamlayıb və gündəlikdə olan məsələlər barədə məlumat verib. A.Xudiyev çıxışı zamanı ölkədə aparılan düzgün siyasətdən, 33 ildir fəaliyyət göstərən Yeni Azərbaycan Partiyasının ictimai-siyasi həyatdakı rolu, həyata keçirilən uğurlu islahatlar haqqında geniş bəhs edib.

Ərazi Partiya Təşkilatının sədri Ə. Məmmədov geniş hesabat məruzəsi ilə çıxış edərək ötən dövr ərzində görülən işlərdən danışıb.

Hesabat məruzəsi ətrafında çıxış edən Gənclər və İdman Nazirinin müavini İndira Hacıyeva və Nazirliyin sektor müdiri Aydın Məmmədov təşkilatın fəaliyyətini qənaətbəxş qiymətləndiriblər. Natiqlər Yeni Azərbaycan Partiyasının tarixi keçmişindən, müasir dövrdəki uğurlarından bəhs ediblər.

İclasda çıxış edən YAP Nərimanov rayon təşkilatının sədri Elçin Quliyev partiyanın keçdiyi inkişaf yolu haqda danışıb. Qeyd edib ki, zamanın sınaqlarından uğurla çıxan Yeni Azərbaycan Partiyası ölkəmizdə Ulu Öndər Heydər Əliyevin zəngin siyasi və dövlətçilik təcrübəsinə əsaslanan ən güclü siyasi təşkilatdır. O bildirib ki, gələcəyə doğru inamla irəliləyən Yeni Azərbaycan Partiyası Cənab İlham Əliyevin rəhbərliyi ilə ölkəmizin daha da qüdrətlənməsi istiqamətində ciddi səylər göstərir. E. Quliyev, eyni zamanda, ölkədə vətənpərvər gənclərin yetişməsində Gənclər və İdman Nazirliyinin göstərdiyi fəaliyyətin böyük rolu olduğunu vurğulayıb. Vətən müharibəsi zamanı Azərbaycan gənclərinin göstərdiyi şücaətin məhz ölkədə gənclərin dostu və himayədarı Prezident İlham Əliyevin rəhbərliyi ilə yürüdülən gənclər siyasətinin nəticəsi olduğu bildirilib. Təşkilat sədri ərazi partiya təşkilatında gələcəkdə həyata keçiriləcək partiya fəaliyyəti, yeni üzvlərin qəbulu, qeydiyyat, uçotun səmərəli aparılması və ideoloji işin məqsədyönlü aparılması ilə bağlı öz tövsiyələrini vermiş, ƏPT-nin işinə uğurlar arzulamışdır.

Tədbirdə Yeni Azərbaycan Partiyasının və Nərimanov rayonunun ictimai-siyasi həyatında, eyni zamanda 2024-cü ildə ölkədə keçirilən seçkilərdə fəallığı ilə seçilən üzvlərə Təşəkkürnamə təqdim olunub.

Sonda xatirə şəkli çəkilib.

Paylaş:

Baxılıb: 654 dəfə