Yüksələn xətt üzrə inkişaf edən əməkdaşlıq

Bakı:

26 °C

53 %

5 m/s

Əlaqə

AZ RU EN

Ana səhifə / YAP xəbərləri / Yüksələn xətt üzrə inkişaf edən əməkdaşlıq

Yüksələn xətt üzrə inkişaf edən əməkdaşlıq

14.03.2025 [17:16]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Bu gün Azərbaycanın Balkan yarımadası dövlətləri ilə əməkdaşlıq əlaqələrinin genişlənməsi xarici siyasətin prioritet istiqamətlərindən biridir. 1990-cı illərdə Yuqoslaviyanın dağılması ilə müstəqillik əldə edən Şimali Makedoniyanın Azərbaycanın yeni tarixi ilə oxşar məqamlar çoxdur. Hər iki dövlət imperialist siyasətin qurbanı olub. 1995-ci ilin iyununda SSRİ-nin dağılmasından sonra müstəqillik qazanaraq inkişaf mərhələsinə qədəm qoyan Azərbaycan ilə Şimali Makedoniya arasında diplomatik münasibətlər quruldu. Məhz həmi ildə Azərbaycan Şimali Makedoniyanın müstəqilliyini tanıdı.

Martın 11-də Balkanlarda yerləşən Şimali Makedoniyanın Prezidenti Qordana Silyonovska-Davkovanın Azərbaycana rəsmi səfəri onu təsdiq etdi ki, Şimali Makedoniya ölkəmizlə münasibətlərin inkişafına böyük əhəmiyyət verir.

Ölkə Prezidenti cənab İlham Əliyev mətbuata verdiyi bəyanatında qeyd edib: “Azərbaycan qazı artıq Şimali Makedoniyanın bazarına çatdırılmışdır və bu, keçən ilin sonlarında baş verdi, bu il artıq müntəzəm olaraq Azərbaycan sizin bazarınızı təbii qazla təmin edəcəkdir. Gələcəkdə biz lazım olan həcmdə qaz təchizatını artıra bilərik. Çünki biz bu gün yeni qaz yataqlarının istismara verilməsi istiqamətində fəal iş aparırıq”.

Azərbaycan Balkanlarda yerləşən Şimali Makedoniya üçün də cəlbedici ölkədir. Şimali Makedoniya ilə Azərbaycan arasında iqtisadi, mədəni, enerji sahələri üzrə əməkdaşlıq yüksələn xətt üzrə inkişaf edir. Bu da ölkələrimiz arasında strateji müttəfiqlik, dostluq əlaqələrinin əyani təzahürüdür. Uğurlu keçən səfər çərçivəsində aktual müzakirələr, Prezident İlham Əliyevin və Şimali Makedoniyanın Prezidenti xanım Qordana Silyonovska-Davkovanın mətbuata bəyanatlarla çıxışları iki qardaş ölkənin birliyinin, həmrəyliyinin növbəti dəfə nümayişi oldu.

Mətbuata verilən Bəyanatında Şimali Makedoniyanın Prezidenti xanım Qordana Silyonovska-Davkovanın “Azərbaycan hətta təyyarədən belə çox gözəl görünür, ölkəniz ilə əyani tanışlıqda isə o, insanı valeh edir. Bu səbəbdən turizm sahəsi də əməkdaşlıq edə biləcəyimiz sahələrdəndir” fikirləri iki ölkə arasındakı münasibətlərin yüksək səviyyəsində olduğunu təsdiq edir.

Azərbaycanla Şimali Makedoniyanın qarşılıqlı maraq doğuran məsələlərdə əməkdaşlıq etməsi, bir-birinə siyasi dəstək verməsi əməkdaşlığın keyfiyyətcə yeni mərhələyə yüksəlməsinin bariz nümunəsidir.

Ölkəmizin bir çox qlobal neft və qaz layihələri Şimali Makedoniyanın da maraq dairəsindədir. Həmçinin Cənub Qaz Dəhlizi, Trans Anadolu Qaz kəməri (TANAP), Trans Adriatik Qaz kəməri (TAP) layihələrində Azərbaycanın əməkdaşlıq etdiyi ölkələrin bir çoxunun da Şimali Makedoniya ilə yaxın əlaqələri mövcuddur. Bakı ilə Skopye arasında əməkdaşlıq ölkəmizin Qərbdə xüsusilə daha da aktuallaşan enerji təhlükəsizliyi məsələsində güclənən mövqeyini və rolunu bir daha ifadə etmiş olur.

Səfər çərçivəsində hər iki dövlət başçılarının apardığı aktual müzakirələrdə, mətbuata verdikləri bəyanatlarda Azərbaycan və Şimali Makedoniya arasında iqtisadi-ticarət əlaqələrinin enerji, turizm və digər sahələrin daha da inkişaf etdiriləcəyi nümayiş etdirilib.

Paylaş:

Baxılıb: 373 dəfə