“Konstitusiya və Suverenlik İli” çərçivəsində “Azərbaycanın dövlətçilik tarixində yeni bir mərhələ” adlı tədbir keçirilib

Bakı:

27 °C

39 %

5 m/s

AZ RU EN

Ana səhifə / YAP xəbərləri / “Konstitusiya və Suverenlik İli” çərçivəsində “Azərbaycanın dövlətçilik tarixində yeni bir mərhələ” adlı tədbir keçirilib

“Konstitusiya və Suverenlik İli” çərçivəsində “Azərbaycanın dövlətçilik tarixində yeni bir mərhələ” adlı tədbir keçirilib

09.04.2025 [17:52]

YAP Nərimanov rayon təşkilatının “Təbriz küçəsi 51” ünvanı üzrə Ərazi Partiya Təşkilatında Azərbaycan Respublikası Prezidentinin 2024-cü il 28 dekabr tarixli Sərəncamı ilə təsdiq edilmiş, Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə əlaqədar “Azərbaycanın dövlətçilik tarixində yeni bir mərhələ” adlı tədbir keçirilib.

Tədbirdə ilk öncə Azərbaycan Respublikasının Dövlət Himni səsləndirilib və Ulu Öndər Heydər Əliyevin, torpaqlarımızın bütövlüyü uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan Sənaye və Texnologiya Kollecinin direktoru, Ərazi Partiya təşkilatının sədri Faiq Şahbazov qeyd edib ki, hazırda ölkəmiz müstəqillik tarixinin ən yüksək inkişaf dövrünü yaşayır. Bu gün Azərbaycan Respublikası xalqımızın milli maraqlarını rəhbər tutaraq, yeni reallıqlar şəraitində müstəqil siyasətini daha cəsarətlə, prinsipiallıqla davam etdirir, Konstitusiyanın tələblərinə və öz suveren hüquqlarına əsaslanaraq, qarşıda duran strateji hədəflərə doğru inamla irəliləyir. F. Şahbazov tarixi Zəfər sayəsində dövlətimizin Əsas Qanununun hüquqi qüvvəsi, yəni burada təsbit edilmiş hüquq və azadlıqlar işğaldan azad olunmuş bütün torpaqlarımızda tam şəkildə bərqərar edilməsinin qürurverici hal olduğunu bildirib. Bunun Azərbaycan xalqının dövlət suverenliyinin qorunması uğrunda apardığı mübarizənin və gələcəyə olan əzminin təcəssümü olduğu vurğulanıb.

YAP Nərimanov rayon təşkilatının sədri Elçin Quliyev çıxış edərək Ulu Öndər Heydər Əliyevin bilavasitə rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikasının Konstitusiyasının dövlətimizin müstəqilliyinin, suverenliyinin və ərazi bütövlüyünün qorunması, hüquqi, dünyəvi dövlət quruculuğu, vətəndaşlarımızın layiqli həyat səviyyəsinin, dünya ölkələri ilə dostluq və əmin-amanlıq şəraitində əməkdaşlığın təmin edilməsi kimi ali niyyətlərin həyata keçirilməsi üçün mühüm qanunvericilik bazası rolu oynadığını vurğulayıb. E. Quliyev qeyd edib ki, 2025-ci ilin ölkəmizdə “Konstitusiya və Suverenlik İli” elan edilməsi Konstitusiyamızın qəbul edilməsinin 30-cu və Vətən müharibəsində qələbəmizin 5-ci ildönümü ilə əlaqədar ölkəmizin tarixi nailiyyətlərini, Konstitusiyamızın qüdrətini və tam suverenliyimizin bərpasını vurğulayan əlamətdar hadisədir. Təşkilat sədri bu qərarın müstəqil Azərbaycanın gücünü və inkişafını bir daha nümayiş etdirməklə yanaşı, xalqımızın birliyinin, həmrəyliyinin ifadəsi olduğunu bildirib.

ƏPT-nin sədr müavini Ülviyyə Abuşova və digər çıxış edənlər vurğulayıblar ki, 2025-ci ilin ölkəmizdə "Konstitusiya və Suverenlik İli" elan olunması xalqımızın həyatında yeni və xoş başlanğıcların müjdəsidir. Azərbaycan Respublikası özünün milli maraqlarını rəhbər tutaraq, yeni reallıqlar şəraitində müstəqil siyasətini daha cəsarətlə, prinsipiallıqla davam etdirir. Konstitusiyanın tələblərinə və öz suveren hüquqlarına əsaslanaraq qarşıda duran strateji hədəflərə doğru inamla irəliləyir. Xalqımızın milli iradəsi, Prezident İlham Əliyevin məqsədyönlü siyasəti, vətəndaşlarımızın bu inkişaf siyasətinə dəstəyi sayəsində Azərbaycan daha böyük hədəflərə çatacaq, tərəqqinin yeni mərhələlərinə yüksələcəyi qeyd olunub.

Sonda YAP-na yeni üzv olanlara üzvülük vəsiqələri və partiyanın fəaliyyətində aktiv olan üzvlərə Fərxi fərmanlar tədqim edildi.

Paylaş:

Baxılıb: 685 dəfə