Qazaxda Akademik Zərifə xanım Əliyevanın Anım günü ilə əlaqədar tədbir keçirildi

Bakı:

22 °C

64 %

2 m/s

Əlaqə

AZ RU EN

Ana səhifə / YAP xəbərləri / Qazaxda Akademik Zərifə xanım Əliyevanın Anım günü ilə əlaqədar tədbir keçirildi

Qazaxda Akademik Zərifə xanım Əliyevanın Anım günü ilə əlaqədar tədbir keçirildi

15.04.2025 [17:30]

15 aprel 2025-ci il tarixdə YAP Qazax rayon təşkilatının, Qazax rayon İcra Hakimiyyətinin və Qazax rayon Heydər Əliyev Mərkəzinin birgə təşkilatçılığı ilə Akademik Zərifə Əliyevanın Anım günü ilə əlaqədar “Zirvələrə yüksələn zərif insan ömrü” mövzusunda tədbir keçirildi.

Qazax rayon Heydər Əliyev Mərkəzində keçirilən tədbirdə Ümummilli Lider Heydər Əliyevin, Akademik Zərifə xanım Əliyevanın və ərazi bütövlüyümüz uğrunda canlarını qurban vermiş şəhidlərin əziz xatirəsi bir dəqiqəlik sükutla yad edildi.

Sonra Zərifə xanım Əliyevaya həsr edilmiş film nümayiş etdirildi.

Qazax rayon İcra Hakimiyyətinin başçısı Rəcəb Babaşov çıxış edərək Azərbaycanın görkəmli alimi, əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əziz qızı Əliyevanın həyat və fəaliyyətindən ətraflı danışdı. Bildirdi ki, Akademik Zərifə Əliyeva zəngin mənəviyyata sahib əsl ziyalı kimi mənalı ömür yolu keçmiş, zəngin elmi fəaliyyəti ilə ölkəmizdə tibb sahəsinin inkişafına əhəmiyyətli töhfələr vermişdir. Alimin oftalmologiyanın aktual məsələlərinə dair uzunmüddətli araşdırmalarının uğurlu nəticəsi olan sanballı əsərləri həmişə təqdirlə qarşılanmış və yüksək qiymətə layiq görülmüşdür.

YAP Qazax rayon təşkilatının sədri Anar Nəbiyev çıxışında bildirdi ki, xalqımızın yaddaşında əbədi qalan, hər zaman böyük hörmətlə anılan görkəmli şəxsiyyətlərdən biri də həkim - oftalmoloq, tibb elmləri doktoru, akademik Zərifə xanım Əliyevadır. Xeyirxahlıq, insanpərvərlik, ziyalılıq yüksək insani keyfiyyətlərə malik bir şəxsiyyət olan Zərifə xanımı hələ sağlığında əfsanələşdirmişdir. Zərifə xanım həm də qayğıkeş ana, vəfalı bir ömür - gün yoldaşı idi. Zərifə Əliyeva əsl Azərbaycan xanımına xas olan bütün keyfiyyətləri özündə birləşdirərək hər zaman Ulu Öndərimizə dəstək olmuşdur. Rayon təşkilatının sədri onu da qeyd etdi ki, Ümummilli Liderimiz, Dahi Rəhbərimiz Heydər Əliyev də, hörmətli Akademik Zərifə xanım Əliyeva da xoşbəxt insanlar olublar ki, onlar müdrik xalqımız tərəfindən hər zaman böyük hörmət və ehtiramla yad edilir, onların əziz xatirəsi həmişə uca tutulur.

Tədbirdə Qazax rayon Mərkəzi Xəstəxanası Publik Hüquqi Şəxsin direktoru Afiq Fərruxov, təqaüddə olan həkim Sevda Məmmədova, həkim - oftalmoloq Məlahət Mustafayeva, həkim - nefroloq Cahanə Xasməmmədova, həkim otolorenqoloq Gültac Qədimalıyeva Zərifə xanım Əliyevanın həyatı və elmi fəaliyyəti ilə bağlı ətraflı çıxış etdilər.

Paylaş:

Baxılıb: 485 dəfə