Azərbaycan və Gürcüstanın birgə maraqları

Bakı:

21 °C

78 %

4 m/s

Əlaqə

AZ RU EN

Ana səhifə / YAP xəbərləri / Azərbaycan və Gürcüstanın birgə maraqları

Azərbaycan və Gürcüstanın birgə maraqları

21.04.2025 [15:51]

Əlişah Rəcəbov,

YAP Ağdaş rayon təşkilatının sədri

Azərbaycan-Gürcüstan münasibətlərinin qədim tarixi kökləri vardır. İki ölkə arasında əlaqələr tarixən mehriban qonşuluq əsasında inkişaf etdirilmişdir. Gürcüstan Prezidenti seçilən Mixeil Kavelaşvilinin ilk rəsmi səfərini ölkəmizə etməsi də Azərbaycan-Gürcüstan dostluğundan xəbər verir. Aprelin 16-da baş tutan səfər zamanı prezidentlərin mətbuata bəyanatlarla çıxışında Prezident İlham Əliyev Mixeil Kavelaşvilinin səfərini yüksək qiymətləndirərk vurğuladı bu səfər Gürcüstan-Azərbaycan əlaqələrinin mahiyyətini, xalqlarımızın dostluğunu, qardaşlığını göstərir. Əsrlər boyu bizim xalqlarımız sülh, mehribanlıq, qardaşlıq şəraitində yaşamışlar. Dövlətlərarası münasibətlər də yüksək səviyyədədir.

Prezident İlham Əliyev mətbuata bəyanatında iki ölkənin birlikdə bir çox önəmli layihələrə imza atdıqlarına və bu layihələrin həm ölkələrimiz, xalqlarımız üçün, həm də daha geniş coğrafiya üçün böyük önəm daşıdığına diqqət çəkdi. Ölkə başçısı bildirdi ki, ölkələrimizin siyasi əlaqələri davamlı olaraq inkişaf edir. Yüksəksəviyyəli təmaslar müntəzəm xarakter daşıyır, siyasi dialoq fəaldır. Yəni, iki dost, qardaş ölkə, sözün əsl mənasında, bir-birinə çox bağlıdır və beynəlxalq təşkilatlarda da daim bir-birini dəstəkləyir.

Azərbaycan və Gürcüstanı birləşdirən bir çox sərmayə layihələri ölkələrimizlə yanaşı böyük coğrafiya üçün də önəmlidir. Ölkələrimizin birgə həyata keçirdiyi neft-qaz layihələri, neft-qaz kəmərləri, nəqliyyat, kommunikasiya layihələri böyük əhəmiyyət daşıyan layihələrdir. Bu layihələr nəinki Cənubi Qafqazın, Avrasiya regionunun nəqliyyat və enerji xəritəsini yenidən tərtib edən layihələrdir. Mətbuata bəyanatında Prezident İlham Əliyev bu mövzuda fikir bildirərkən vurğuladı ki, Avropanın enerji təhlükəsizliyini Azərbaycansız, Gürcüstansız təsəvvür etmək mümkün deyil. Hazırda Gürcüstan daxil olmaqla Azərbaycan 12 ölkəyə təbii qaz ixrac edir və bu ixrac Gürcüstan vasitəsilə həyata keçirilir. Nəqliyyat-kommunikasiya sahəsində əldə olunmuş nailiyyətlər, yeni inşa edilmiş dəmir yolları, limanlar həm Azərbaycanda, həm də Gürcüstanda böyük sinergiya yaratmış və əslində, Orta Dəhlizin ayrılmaz hissəsinə çevrilmişdir.

Cənubi Qafqazda sülhün, əmin-amanlığın bərqərar edilməsi Azərbaycan və Gürcüstanın birgə maraqlarında olan məsələdir və hər iki ölkə bu işdə öz töhfəsini verir. Prezident İlham Əliyev mətbuata bəyanatında onu da qeyd etdi ki, Gürcüstan-Azərbaycan əlaqələri bundan sonra da yüksələn xətlə inkişaf edəcək.

Paylaş:

Baxılıb: 616 dəfə