Azərbaycan-Gürcüstan münasibətləri hər iki xalqın milli maraqlarını şərtləndirir

Bakı:

25 °C

42 %

4 m/s

Əlaqə

AZ RU EN

Ana səhifə / YAP xəbərləri / Azərbaycan-Gürcüstan münasibətləri hər iki xalqın milli maraqlarını şərtləndirir

Azərbaycan-Gürcüstan münasibətləri hər iki xalqın milli maraqlarını şərtləndirir

21.04.2025 [17:55]

Rövşən Əhmədov,

YAP Ağcabədi rayon təşkilatının sədri

Gürcüstanın Prezidenti Mixeil Kavelaşvilinin aprelin 16-da ölkəmizə rəsmi səfəri zamanı cənab Prezident İlham Əliyevlə görüşü və mətubata verilən bəyanat çox mühüm mesajları əhatə edir. Hər iki lider iqtisadi əməkdaşlıq, enerji təhlükəsizliyi və regional sabitlik mövzularında birgə mövqe nümayiş etdirərək, tarixi dostluğun və ortaq dəyərlərin əhəmiyyətini xüsusi vurğuladılar. Onların çıxışlarında Azərbaycan və Gürcüstan arasındakı münasibətlərin sadəcə keçmişə bağlı deyil, eyni zamanda, müasir çağırışlarla üzləşmək üçün güclü bir əsas təşkil etdiyinə dair aydın mesaj var. Ölkələrimiz və xalqlarımız arasındakı dostluq, qardaşlıq əlaqələri getdikcə daha da güclənir. Sözsüz ki, ənənəvi görüşlər ölkələri və xalqları daha da yaxınlaşdırır. Bu bir reallıqdır ki, Azərbaycan və gürcü xalqı arasında olan yüksək münasibətlər Cənubi Qafqazın ümumi inkişaf tendensiyasında mühüm rol oynayır. Xalqlar arasında əsrlər boyu mövcud olan mehriban qonşuluq, dostluq hər iki ölkənin əlaqələrinə mühüm təsir göstərir.

Azərbaycan və gürcü xalqları arasındakı dost və qardaşlıq əlaqələrinin çox qədim tarixi kökləri vardır. Əsrlər boyu bizim xalqlarımız dostluq və mehriban qonşuluq şəraitində yaşayıblar, dövlətlərarası münasibətlər bu möhkəm zəmin üzərində qurulub. İki dövlət arasında bir çox sahələr üzrə əməkdaçlıq günü-gündən artmaqdadır.

İki ölkə arasında sıx münasibətlər strateji tərəfdaşlıq mərhələsinə yüksəlib. Bu, Azərbaycan və Gürcüstanın indiyədək birgə fəaliyyət göstərdikləri meqalayihələrin reallaşmasında özünü aydın göstərir. Həmin təşəbbüslərin gerçəkləşməsi regionun, eləcə də Avropanın enerji təhlükəsizliyinə böyük töhfə verir. Başqa sözlə, Cənub Qaz Dəhlizi və TAP layihələrinin həyata keçirilməsi ilə Gürcüstan və Avropanın enerji təhlükəsizliyində yeni mərhələnin əsası qoyulmaqla bərabər, tərəflər arasında əməkdaşlıq münasibətinin möhkəmlənməsinə əsaslı təsir göstərir. İki qonşu ölkə istər beynəlxalq təşkilatlarda, istərsə də regional təşkilatlarda daima bir-birilərini dəstəkləyirlər. Azərbaycan-Gürcüstan münasibətləri demək olar ki, həyatın bütün sahələrini əhatə edir. İki ölkə arasında dostluq və qardaşlığa əsaslanan münasibətlər daim strateji əhəmiyyət daşıyır və bu münasibətləri hər iki xalqın milli maraqları şərtləndirir.

Cənab Prezidentin çıxışında vurğuladığı kimi, Azərbaycan ilə Gürcüstan arasında münasibətlər dərin tarixi köklərə söykənir və bu gün dövlətlərimiz arasında bütün sahələri əhatə edən sıx və qarşılıqlı faydalı əməkdaşlıq mövcuddur. Əsrlər boyu sülh və mehribanlıq şəraitində yaşamış xalqlarımız bu münasibətləri dövlətlərarası səviyyəyə daşımağı bacarıblar. Siyasi dialoqun fəallığı, yüksək səviyyəli təmasların müntəzəmliyi və beynəlxalq təşkilatlarda qarşılıqlı dəstək ölkələrimizin bir-birinə olan bağlılığını daha da möhkəmləndirir.

Bütün bu qeyd edilən məsələləri nəzərə alaraq düşünmək olar ki, Azərbaycan və Gürcüstan arasında mövcud siyasi, iqtisadi əlaqələr gələcəkdə daha da güclənəcək, qarşılıqlı etimad və strateji maraqlar əsasında yeni zirvələrə çatacaq.

Paylaş:

Baxılıb: 388 dəfə