“Əbədiyaşar Lider” adlı tədbir keçirilib

Bakı:

15 °C

94 %

0 m/s

Əlaqə

AZ RU EN

Ana səhifə / YAP xəbərləri / “Əbədiyaşar Lider” adlı tədbir keçirilib

“Əbədiyaşar Lider” adlı tədbir keçirilib

08.05.2025 [19:12]

Mayın 8-də Konstitusiya və Suverenlik İli çərçivəsində Yeni Azərbaycan Partiyası (YAP) Zəngilan rayon təşkilatı və Zəngilan rayon İcra Hakimiyyətinin birgə təşkilatçılığı ilə Ümummilli lider Heydər Əliyevin anadan olmasının 102-ci ildönümünə həsr olunmuş “Əbədiyaşar Lider” mövzusunda tədbir keçirilib.

Əvvəlcə Ulu Öndər Heydər Əliyevin büstü önünə gül dəstələri qoyulub, dahi şəxsiyyətin xatirəsi ehtiramla yad olunub.

Tədbirdə ilk öncə Azərbaycan Respublikasının Dövlət Himni səsləndirilib, Ulu Öndər Heydər Əliyevin və ölkəmizin suverenliyi və ərazi bütövlüyü uğrunda canlarını qurban vermiş şəhidlərimizin əziz xatirəsi ehtiramla yad edilib.

Sonra Ümummilli Lider Heydər Əliyevə həsr edilən videoçarx nümayiş etdirilib.

Tədbirdə YAP Zəngilan rayon təşkilatının sədri Natiq Quluzadə, Zəngilan Rayon İcra Hakimiyyəti başçısının səlahiyyətlərini müvəqqəti icra edən, RİH başçısının müavini Nizami Mönsümov, RİH başçısının müavini Xanım Rüstəmova, Zəngilan rayon Ağsaqqallar Şurasının sədri Xuduş İsgəndərov, idarə-müəssisə rəhbərləri, siyasi həmfikirlər, qazilər və QHT-lərin yerli nümayəndələri iştirak ediblər.

YAP Zəngilan rayon təşkilatının sədri Natiq Quluzadə çıxışında vurğulayıb ki, Heydər Əliyevin ölkə rəhbərliyinə qayıdışı Azərbaycanın müstəqilliyinin möhkəmlənməsinə, dövlətçiliyin inkişafına və azərbaycançılıq ideologiyasının formalaşmasına mühüm töhfə verib. O, geniş dünyagörüşü və qlobal düşüncəsi ilə ölkənin gələcəyini düzgün qiymətləndirir, strateji qərarlar qəbul edirdi. Bu gün Prezident İlham Əliyevin rəhbərliyi ilə Heydər Əliyevin siyasi kursu uğurla davam etdirilir və Azərbaycan sürətli inkişaf yolunda irəliləyir.

Zəngilan Rayon İcra Hakimiyyəti başçısının səlahiyyətlərini müvəqqəti icra edən, RİH başçısının müavini Nizami Mönsümov çıxışında qeyd edib ki, Azərbaycanın bugünkü uğurları Heydər Əliyevin uzaqgörən siyasətinin nəticəsidir. Ölkəmizin güclü iqtisadiyyatı, ordu quruculuğu və beynəlxalq arenada nüfuzu məhz onun müəyyən etdiyi strateji xəttin davam etdirilməsi ilə mümkün olub. Prezident İlham Əliyevin rəhbərliyi altında Azərbaycan regionda lider dövlətə çevrilib və tarixi Zəfər qazanıb.

Zəngilan rayon Ağsaqqallar Şurasının sədri Xuduş İsgəndərov və digər çıxış edənlər də diqqətə çatdırıblar ki, Heydər Əliyev həm sovet dövründə, həm də müstəqillik illərində Azərbaycan xalqının rifahı üçün misilsiz xidmətlər göstərib. Onun rəhbərliyi altında ölkəmiz inkişaf edib, müasir dövrdə isə onun ideyaları əsasında Azərbaycan daha da güclənir.

Sonda rayonun ictimai-siyasi həyatında fəal iştirak edən partiya üzvlərinə fəxri fərmanlar, YAP sıralarına yeni qəbul olunan üzvlərə isə partiya vəsiqələri təqdim edilib.

Paylaş:

Baxılıb: 630 dəfə