Seçkilərdə cənab İlham Əliyevin qələbəsinə inanırıq

Bakı:

25 °C

63 %

11 m/s

Əlaqə

AZ RU EN

Ana səhifə / YAP xəbərləri / Seçkilərdə cənab İlham Əliyevin qələbəsinə inanırıq

Seçkilərdə cənab İlham Əliyevin qələbəsinə inanırıq

05.10.2013 [11:33]

Nərimanov rayonunun seçiciləri bu fikirdədirlər
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Nərimanov rayonunda da uğurla davam edir. Kampaniya çərçivəsində dünən YAP Nərimanov rayon təşkilatı seçicilərlə növbəti görüş keçirib. Görüşdə çıxış edən YAP Nərimanov rayon təşkilatının sədri Təmraz Tağıyev tədbir iştirakçılarını seçkilərdə fəal iştirak etməyə çağırıb. T.Tağıyev bildirib ki, bu gün ölkəmizdə Prezident İlham Əliyev tərəfindən uğurlu inkişaf siyasəti həyata keçirilir. Onun sözlərinə görə, müasir dövlətimiz məhz bu siyasət nəticəsində inkişaf edir.
Tədbirdə “Bakıelektrikşəbəkə” ASC-nin əməkdaşı Ramiz Zeynalov çıxış edərək Ulu öndər Heydər Əliyev tərəfindən müasir Azərbaycanın güclü təməlinin qoyulduğunu bildirib. O qeyd edib ki, məhz Heydər Əliyevin müəyyənləşdirdiyi siyasət nəticəsində ölkəmiz uğurla inkişaf edir. Prezident İlham Əliyevin siyasəti nəticəsində ölkəmizin uğurlarının daha da artdığını deyən R.Zeynalovun fikrincə, bu gün iqtidarla xalq arasında güclü birlik var: “Bu da Prezident İlham Əliyevin fəaliyyətinin nəticəsidir. Cənab İlham Əliyev Azərbaycana uğurla rəhbərlik edir. Bu gün Prezidentimizə xalqımızın böyük rəğbəti, inamı var. Xalqımızın bu seçkilərdə də cənab İlham Əliyevə səs verəcəyinə şübhəmiz yoxdur. Şəxsən mən ailəm və yaxınlarımla birlikdə dövlət başçımıza səs verəcəyik”.
Qurumun digər əməkdaşı Tamilla Quliyeva çıxışında bildirib ki, seçkilərdə cənab İlham Əliyevə səs vermək vətəndaşlıq borcumuzdur. Onun sözlərinə görə, insanlar bu seçkilərdə düzgün seçim etməlidirlər: “Çünki bildiyimiz kimi, sapı özümüzdən olan baltalar var ki, qarışıqlıq yaratmaq istəyirlər. Azərbaycan xalqı müdrik xalqdır və bu seçkilərdə cənab İlham Əliyevə səs verməklə bütün dünyaya öz mövqeyini bəyan edəcək”.
Görüşdə çıxış edən Milli Məclisin deputatı Adil Əliyev müasir Azərbaycanın Ümummilli lider Heydər Əliyevin qurduğu möhkəm təməllər üzərində inkişaf etdiyini bildirib. Onun sözlərinə görə, Prezident İlham Əliyev Heydər Əliyev yolunu uğurla davam etdirir. Prezident İlham Əliyevin siyasəti nəticəsində ölkəmizin beynəlxalq arenada da mövqeyinin gücləndiyini deyən A.Əliyevin sözlərinə görə, Azərbaycanın inkişafını istəməyən qüvvələr olsa da, dövlət başçımızın qətiyyətli mövqeyi, siyasi iradəsi sayəsində belə qüvvələrin məqsədləri zərərsizləşdirilir. “Prezident İlham Əliyevin fəaliyyətində milli maraqlar ən başlıca yer tutur. Bu gün dövlət başçısının siyasəti nəticəsində Azərbaycanda bütün sahələr, iqtisadiyyat, mədəniyyət, elm, idman sahəsi yüksəlişdədir. Bu siyasətin davamlı olması üçün biz növbəti seçkilərdə də cənab İlham Əliyevə səs verməliyik. İnanırıq ki, belə də olacaq, xalqımız bir daha dövlətimizin başçısına etimad göstərəcək” - deyə, millət vəkili qeyd edib. A.Əliyev ölkəmizin müdafiə qabiliyyətinin əhəmiyyətli dərəcədə artdığını, müdafiə sənayesinin sürətlə inkişaf etdiyini diqqətə çatdırıb. O, həmçinin Prezident İlham Əliyevin siyasəti nəticəsində Azərbaycanın dünyada idman ölkəsinə çevrildiyini də qeyd edib.
Tədbirdə çıxış edən YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov Prezident İlham Əliyevin rəhbərliyi ilə son 10 ildə Azərbaycanın qazandığı uğurlardan ətraflı şəkildə bəhs edib. E.İbrahimov bildirib ki, bu illər ərzində ölkəmizin hər yerində abadlıq-quruculuq işləri gedib, bölgələrimizin siması dəyişib. Prezident İlham Əliyevin təbliğata ehtiyacı olmadığını deyən millət vəkilinin fikrincə, dövlət başçısının gördüyü işlər Ona xalqın inamını daha da gücləndirir. “Azərbaycan bütün sahələr üzrə inkişaf edir. Bu inkişaf da Prezidentimizin siyasətinin nəticəsidir. Ölkəmiz nəinki regionda, bütün dünyada sürətlə inkişaf etməkdədir. Azərbaycan, həmçinin, nüfuzlu beynəlxalq tədbirlərin keçirildiyi məkana çevrilib. Ölkəmizdə sabitlik, əmin-amanlıq hökm sürür. İnkişaf o yerdə baş verir ki, orada sabitlik olsun. Sabitlik və inkişaf baxımından da Azərbaycan dünyaya nümunədir. Bütün bu uğurların davamlı olması üçün “İlhamla irəli” şüarı ilə seçkilərə getməli, cənab İlham Əliyevə səs verməliyik” - deyə, E.İbrahimov vurğulayıb.
Nardar BAYRAMLI

Paylaş:

Baxılıb: 1252 dəfə