Yeni Azərbaycan Partiyası Ağstafa rayon təşkilatında 8 Noyabr – Zəfər Günü münasibətilə tədbir keçirilib

Bakı:

-1 °C

86 %

2 m/s

AZ RU EN

Ana səhifə / YAP xəbərləri / Yeni Azərbaycan Partiyası Ağstafa rayon təşkilatında 8 Noyabr – Zəfər Günü münasibətilə tədbir keçirilib

Yeni Azərbaycan Partiyası Ağstafa rayon təşkilatında 8 Noyabr – Zəfər Günü münasibətilə tədbir keçirilib

05.11.2025 [11:34]

04 noyabr 2025-cü il tarixində Yeni Azərbaycan Partiyası Ağstafa rayon təşkilatı tərəfindən “Düzqışlaq kənd” və “Xılxına kənd” Ərazi Partiya Təşkilatlarından olan partiya fəallarının iştirakı ilə 8 Noyabr – Zəfər Günü münasibətilə tədbir keçirilib.

Əvvəlcə müasir müstəqil Azərbaycan dövlətinin banisi, ümummilli lider Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Ağstafa rayon təşkilatının əməkdaşı Yunis Eyyubov qeyd edib ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında Azərbaycan Ordusu Ermənistanın ardıcıl təxribatlarının və yeni işğal planlarının qarşısını almaq, işğal altında olan torpaqlarımızı azad etmək məqsədilə 2020-ci il sentyabrın 27-dən etibarən başladığı zəfər yürüşündə inanılmaz uğurlar əldə etmişdir. 44 gün sürən hərbi əməliyyatlar nəticəsində rəşadətli Azərbaycan Ordusu tərəfindən Cəbrayıl, Füzuli, Zəngilan, Qubadlı şəhərləri, Zəngilan rayonunun Mincivan, Ağbənd, Bartaz qəsəbələri, Xocavənd rayonunun Hadrut qəsəbəsini və bir çox kəndləri, Tərtər rayonunun Suqovuşan kəndi, Xocalı və Laçın rayonlarının bir neçə kəndləri daxil olmaqla, ümumilikdə, 300-dən çox yaşayış məntəqəsi, o cümlədən Ağdərə, Murovdağ və Zəngilan istiqamətlərində mühüm strateji yüksəkliklər işğaldan azad edilmişdir. Noyabrın 8-də 28 illik həsrətdən sonra Azərbaycan xalqı üçün böyük əhəmiyyət kəsb edən və rəmzi məna daşıyan Şuşa şəhəri işğaldan azad edilmişdir. Qarabağın tacı olan Şuşa şəhərinin azad edilməsi dünya hərb tarixinə düşəcək unikal hərbi əməliyyatlardan olmuşdur. Qazanılan Qələbə xalqımızın birliyi və Möhtərəm Prezidentimizə olan dərin inamı, əsgər və zabitlərimizin qəhrəmanlığı, igidliyi nəticəsində gerçəkləşdirdi. Bu Zəfərdən sonra Azərbaycan dünyada yüksək nüfuza sahib ölkəyə, etibarlı tərəfdaşa və regionun siyasi, iqtisadi və mədəni mərkəzinə çevirdi.

Tədbirdə çıxış edən digər natiqlər – partiya fəalı Alı Mehdiyev, şəhid ataları Nizami Yolçuyev və Zülfəli Namazov Azərbaycan oğullarının igidliklərindən, Vətənlərini canları, qanları ilə sevdiklərindən və bu gün işğaldan azad olunmuş ərazilərimizdə geniş quruculuq - bərpa işlərinin aparılmasından ətraflı danışıblar.

Paylaş:

Baxılıb: 320 dəfə