Goranboy rayonunda “Yeni Azərbaycan Partiyası – Zəfər Partiyası” adlı tədbir keçirilib

Bakı:

3 °C

65 %

11 m/s

Əlaqə

AZ RU EN

Ana səhifə / YAP xəbərləri / Goranboy rayonunda “Yeni Azərbaycan Partiyası – Zəfər Partiyası” adlı tədbir keçirilib

Goranboy rayonunda “Yeni Azərbaycan Partiyası – Zəfər Partiyası” adlı tədbir keçirilib

21.11.2025 [11:39]

Goranboy rayonunda Yeni Azərbaycan Partiyasının təsis edilməsinin 33-cü ildönümü münasibəti ilə “Yeni Azərbaycan Partiyası – Zəfər Partiyası” adlı tədbir keçirilib.

Tədbirdə rayon İcra Hakimiyyətinin başçısı Məhərrəm Quliyev, YAP Mərkəzi Aparatın Gəncə-Daşkəsən İqtisadi Zonası üzrə kuratoru Araz Salmanov, partiyanın rayon təşkilatının sədri Samir Qocayev, bir qrup partiya fəalları, partiya veteranları, ziyalılar və gənclər iştirak etdilər.

Əvvəlcə Ümummilli Lider Heydər Əliyevin abidəsi ziyarət olunub, önünə gül dəstələri qoyulub, Ulu Öndərin əziz xatirəsinə dərin hörmət və ehtiram ifadə edilib.

Daha sonra Tədbir Yeni Azərbaycan Partiyası Goranboy rayon təşkilatının inzibati binasında davam etdirilib.

Tədbirdə ilk öncə Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib. Sonra Azərbaycan Respublikasının Dövlət Himni səsləndirilib.

Sonra Ulu Öndər Heydər Əliyevin həyat və fəaliyyətindən bəhs edən, Yeni Azərbaycan Partiyasına həsr edilmiş videoçarx nümayiş olunub.

Goranboy Rayon İcra Hakimiyyətinin başçısı Məhərrəm Quliyev və YAP rayon təşkilatının sədri Samir Qocayev çıxış edərək partiyanın yaranma tarixindən, keçdiyi mürəkkəb və şərəfli yoldan bəhs ediblər. Bildirilib ki, Ulu Öndər Heydər Əliyevin qurucusu olduğu, zəngin siyasi və dövlətçilik təcrübəsinə söykənən Yeni Azərbaycan Partiyası Cənubi Qafqazın ən böyük siyasi təşkilatıdır. Azərbaycanın tarixinə unudulmaz və möhtəşəm bir gün kimi daxil olan 1992-ci il 21 noyabr tarixi ölkəmizin ictimai-siyasi həyatında yeni başlanğıc nöqtəsi sayılır. Ümummilli Lider Heydər Əliyevin rəhbərliyi və ideyaları əsasında qurulan Yeni Azərbaycan Partiyasının 33 illik inkişaf tarixi göstərdi ki, partiyanı yaradanlar, bu partiyanın təməl daşını qoyanlar yeni müstəqil dövlətimizin siyasi-iqtisadi, sosial-mədəni inkişafının istiqamətini müəyyən etməklə öz seçimlərində yanılmayıblar. Bu gün də Yeni Azərbaycan Partiyası Prezident İlham Əliyevin rəhbərliyi ilə böyük uğurlar qazanır”.

Daha sonra Milli Qəhrəmanın həyat yoldaşı Rübabə İsmayılova, Şəhid anası Nailə Məmmədova, millət vəkilinin köməkçisi Gündüz Hacıyev, partiya veteranı Əzra Həşimova və YAP Goranboy rayon təşkilatının qurucularından biri olan Fizuli Almuradov çıxış etdilər.Çıxışçılar partiyanın 33 illik şərəfli inkişaf yolundan danışdılar. Ulu Öndər Heydər Əliyevin ideyalarına əsaslanaraq formalaşan YAP-ın tarixi zərurətdən yarandığı, ölkənin ərazi bütövlüyünün bərpası və dövlət müstəqilliyinin möhkəmləndirilməsi istiqamətində mühüm işlər gördüyü bildirilib. Heydər Əliyevin uzaqgörənliyi və qətiyyəti nəticəsində partiyanın qısa müddətdə güclü və mütəşəkkil siyasi qüvvəyə çevrildiyi, xalqın milli maraqlarının müdafiəçisi olduğu xüsusi vurğulanıb.

Tədbirdə 2025-ci il ərzində yubiley yaşı tamam olan iki nəfər partiya veteranına Fəxri Fərman və qiymətli hədiyyə, Yeni Azərbaycan Partiyası sıralarına yeni qəbul edilmiş şəxslərə üzvlük vəsiqələri təqdim edilib.

Tədbir Yeni Azərbaycan Partiyasının Himninin səsləndirilməsi ilə başa çatıb.

Tədbirin sonunda xatirə şəkilləri çəkilib.

Paylaş:

Baxılıb: 510 dəfə