Ölkənin rəqəmsal gələcəyini formalaşdıran strateji sənəd

Bakı:

26 °C

78 %

11 m/s

Əlaqə

AZ RU EN

Ana səhifə / YAP xəbərləri / Ölkənin rəqəmsal gələcəyini formalaşdıran strateji sənəd

Ölkənin rəqəmsal gələcəyini formalaşdıran strateji sənəd

16.02.2026 [16:09]

“Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirə ölkənin rəqəmsal transformasiya mərhələsində mühüm hadisə kimi qiymətləndirilir. Müşavirədə çıxış edən Azərbaycan Respublikasının Prezidenti İlham Əliyev rəqəmsallaşmanın dövlət idarəçiliyində, iqtisadiyyatın şaxələndirilməsində və vətəndaşlara göstərilən xidmətlərin keyfiyyətinin artırılmasında strateji rol oynadığını vurğulayıb.

Prezident İlham Əliyev qeyd edib ki, müasir dövrdə rəqəmsal texnologiyalar yalnız texniki yenilik deyil, həm də idarəetmə fəlsəfəsinin yenilənməsidir. Dövlət qurumları arasında məlumat mübadiləsinin sürətləndirilməsi, vahid platformaların yaradılması və süni intellekt əsaslı həllərin tətbiqi şəffaflığın və operativliyin artırılmasına xidmət edəcək. Bu istiqamətdə vahid fəaliyyət planı bütün dövlət strukturlarının koordinasiyalı şəkildə fəaliyyət göstərməsini təmin etməlidir.

Dövlər başçısı çıxışıda kibertəhlükəsizlik məsələlərinə də xüsusi diqqət yetirib. Prezident İlham Əliyev bildirib ki, rəqəmsal infrastrukturun inkişafı ilə yanaşı, milli məlumat bazalarının qorunması və informasiya təhlükəsizliyinin gücləndirilməsi prioritet istiqamətlərdəndir. Bu məqsədlə yerli mütəxəssislərin hazırlanması, beynəlxalq təcrübənin öyrənilməsi və qabaqcıl texnologiyaların tətbiqi vacib hesab olunur.

Ölkə başçısı həmçinin rəqəmsal iqtisadiyyatın inkişafının qeyri-neft sektorunun genişlənməsinə töhfə verəcəyini vurğulayıb. Startap ekosisteminin gücləndirilməsi, innovasiya mərkəzlərinin yaradılması və gənclərin texnologiya sahəsinə cəlb olunması ölkənin uzunmüddətli inkişaf strategiyasının əsas tərkib hissəsidir. Prezidentin sözlərinə görə, rəqəmsal transformasiya Azərbaycanın beynəlxalq reytinqlərdə mövqeyinin möhkəmlənməsinə də müsbət təsir göstərəcək.

Müşavirədə dövlət xidmətlərinin tam rəqəmsallaşdırılması, “ağıllı hökumət” modelinin tətbiqi və regionlarda rəqəmsal infrastrukturun genişləndirilməsi ilə bağlı konkret tapşırıqlar verilib. Qeyd olunub ki, vahid rəqəmsal arxitektura məlumatların təkrarlanmasının qarşısını alacaq, bürokratik maneələri azaldacaq və vətəndaş məmnunluğunu artıracaq.

Sonda Prezident İlham Əliyev vurğulayıb ki, rəqəmsal inkişaf yalnız texnoloji deyil, həm də institusional və kadr potensialının gücləndirilməsi ilə müşayiət olunmalıdır. Bu baxımdan dövlət qurumlarının məsuliyyəti, koordinasiyası və nəticəyönümlü fəaliyyəti əsas şərt kimi müəyyən edilib.

Beləliklə, “Azərbaycanın yeni rəqəmsal arxitekturası” vahid fəaliyyət planı ölkənin rəqəmsal gələcəyini formalaşdıran strateji sənəd kimi qiymətləndirilir və Azərbaycanın innovativ, çevik və şəffaf idarəetmə modelinə keçidində mühüm mərhələ hesab olunur.

Çingiz İbrahimov

YAP Göyçay rayon təşkilatının əməkdaşı

Paylaş:

Baxılıb: 515 dəfə