YAP Sabunçu rayon təşkilatının ərazi partiya təşkilatında partiya fəalları ilə görüş keçirilib

Bakı:

24 °C

52 %

6 m/s

AZ RU EN

Ana səhifə / YAP xəbərləri / YAP Sabunçu rayon təşkilatının ərazi partiya təşkilatında partiya fəalları ilə görüş keçirilib

YAP Sabunçu rayon təşkilatının ərazi partiya təşkilatında partiya fəalları ilə görüş keçirilib

10.04.2026 [10:59]

Yeni Azərbaycan Partiyası (YAP) Sabunçu rayon təşkilatının Yavər Əliyev küçəsi 4 (SOCAR-ın Geologiya və Geofizika İdarəsi) ünvanı üzrə ərazi partiya təşkilatında partiya fəalları ilə görüş keçirilib.

Əvvəlcə Ulu Öndər Heydər Əliyevin abidəsi önünə gül dəstələri qoyulub, xatirəsi dərin ehtiramla yad edilib. Tədbirdə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və ölkəmizin azadlığı və ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Sonra Yeni Azərbaycan Partiyasının keçdiyi inkişaf yolundan bəhs edən videoçarx nümayiş etdirilib.

Tədbiri giriş nitqi ilə açan Yeni Azərbaycan Partiyası (YAP) Sabunçu rayon təşkilatının sədri Araz Xudadanov qeyd edib ki, müstəqil Azərbaycanın dünənindən bugününə qədər qazanılan bütun uğurlar və nailiyyətlər birmənalı şəkildə Ümummilli lider Heydər Əliyevin yaratdığı Yeni Azərbaycan Partiyası ilə bağlıdır. YAP müstəqilliyimizin qorunmasında, dövlətçiliyin möhkəmləndirilməsində əvəzsiz rol oynadı, xalqımızın xilaskarı, Ümummilli lider Heydər Əliyevin rəhbərliyi ilə ölkənin, eləcə də regionun ən güclü siyasi qüvvəsinə çevrildi. Vurğulanıb ki, bu gün Yeni Azərbaycan Partiyası yalnız siyasi təşkilat deyil, dövlətçilik ənənələrini yaşadan, onları yeni reallıqlara uyğun şəkildə inkişaf etdirən böyük bir siyasi məktəb, milli ideoloji platformadır. Partiyanın sədri cənab İlham Əliyevin rəhbərliyi ilə Azərbaycan yeni inkişaf mərhələsinə qədəm qoyub. İşğaldan azad edilmiş ərazilərdə bərpa və quruculuq işləri, "Böyük Qayıdış" proqramının uğurla icrası və regionda yaranmış yeni geosiyasi reallıqlar YAP-ın siyasi xəttinin real nəticələridir.

Çıxış edən ərazi partiya təşkilatının sədri Ziya Rəhimov bildirib ki, YAP-ın keçdiyi yol, həyata keçirdiyi missiya və dövlətçilik naminə gördüyü böyük işlər sübut edir ki, bu partiya təkcə siyasi təşkilat deyil, Azərbaycanın gələcəyini müəyyən edən milli ideyanın daşıyıcısıdır. Qeyd olunub ki, Ulu Öndər Heydər Əliyev ideologiyasının tərənnümü və tarixi reallığı əsasında yaranan Yeni Azərbaycan Partiyası bu gün də öz uğur və tərəqqi sözünü deməkdədir.

Çıxış edən ərazi partiya təşkilatının sədr müavini Heydər Kazımov qeyd edib ki, zamanın sınaqlarından uğurla çıxan Yeni Azərbaycan Partiyası ölkəmizdə Ulu Öndər Heydər Əliyevin zəngin siyasi və dövlətçilik təcrübəsinə əsaslanan ən güclü siyasi təşkilatdır. Azərbaycanın son illərdə qazandığı böyük nailiyyətlər Ulu Öndər Heydər Əliyevin yaratdığı və bu gün Prezident İlham Əliyevin Sədri olduğu Yeni Azərbaycan Partiyasının fəaliyyəti ilə bilavasitə bağlıdır.

Daha sonra partiya üzvü Əhmədova Arzu Dəmir qızı 60 illik yubileyi münasibətilə diplom və hədiyyə ilə təltif olunub. YAP Sabunçu rayon təşkilatının sədri Araz Xudadanov yubilyarı təbrik edərək ona ictimai-siyasi fəaliyyətində uğurlar arzulayıb.

Tədbirin sonunda xatirə şəkili çəkdirilib.

Paylaş:

Baxılıb: 392 dəfə