“Ümummilli Lider Heydər Əliyev müstəqil Azərbaycanın xilaskarıdır” mövzusunda tədbir keçirib

Bakı:

24 °C

42 %

3 m/s

AZ RU EN

Ana səhifə / YAP xəbərləri / “Ümummilli Lider Heydər Əliyev müstəqil Azərbaycanın xilaskarıdır” mövzusunda tədbir keçirib

“Ümummilli Lider Heydər Əliyev müstəqil Azərbaycanın xilaskarıdır” mövzusunda tədbir keçirib

22.04.2026 [11:28]

“Şəhərsalma və Memarlıq İli” çərçivəsində YAP Kəlbəcər rayon təşkilatı Yevlax şəhərində fəaliyyət göstərən Kəlbəcər rayon 85 nömrəli tam orta məktəbdə Ümummilli Lider Heydər Əliyevin anadan olmasının 103-cü ildönümünə həsr olunmuş “Ümummilli Lider Heydər Əliyev müstəqil Azərbaycanın xilaskarıdır” mövzusunda tədbir keçirib.

Tədbirdə YAP Kəlbəcər rayon təşkilatının sədri Həbib Misirov, məktəbin direktoru, Ərazi Partiya Təşkilatının sədri Xəqani Verdiyev və məktəbin müəllim kollektivi iştirak ediblər.

İlk olaraq Ümummilli Lider Heydər Əliyevin, həmçinin torpaqlarımızın ərazi bütövlüyü və suverenliyi uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad olunub.YAP Kəlbəcər rayon təşkilatının sədri Həbib Misirov çıxış edərək bildirdi ki, bu gün biz Azərbaycanın dövlətçilik tarixində müstəsna xidmətləri olan Ümummilli Lider Heydər Əliyevin zəngin siyasi irsini böyük ehtiramla xatırlayırıq. Ulu Öndər Heydər Əliyev Azərbaycanın müstəqilliyini qoruyub saxlayan, onu inkişaf yoluna çıxaran böyük dövlət xadimi kimi xalqımızın yaddaşında əbədi yer tutmuşdur. Bu gün böyük qürur hissi ilə qeyd edirik ki, Ümummilli Lider Heydər Əliyevin siyasi kursu Prezident İlham Əliyev tərəfindən uğurla davam etdirilir. Məhz bu davamlı və məqsədyönlü siyasət nəticəsində Azərbaycan regionun ən güclü dövlətlərindən birinə çevrilmişdir.

Xüsusilə Vətən müharibəsində qazanılan tarixi Zəfər və antiterror əməliyyatları nəticəsində ərazi bütövlüyümüzün və suverenliyimizin tam bərpası xalqımızın milli qürurunun zirvəsinə çevrilmişdir. Bu böyük nailiyyətlər Heydər Əliyev ideyalarının təntənəsi, onun müəyyən etdiyi inkişaf yolunun məntiqi nəticəsidir.Məktəbin direktoru, Ərazi partiya təşkilatının sədri Xəqani Verdiyev çıxış edərək Ümummilli Lider Heydər Əliyevin xalq qarşısında göstərdiyi misilsiz xidmətlərdən bəhs etdi. O bildirdi ki, bu gün Ulu Öndərin müəyyən etdiyi siyasi kurs Müzəffər Ali Baş Komandan tərəfindən uğurla davam etdirilir. Prezident İlham Əliyevin rəhbərliyi ilə Vətən müharibəsində əldə edilən tarixi Zəfər nəticəsində torpaqlarımız işğaldan azad olunmuş, ölkəmizin suverenliyi tam bərpa edilmişdir.Eyni zamanda Kəlbəcər rayonunda da müasir şəhər standartlarına uyğun şəkildə yenidənqurma və bərpa prosesləri davam etdirilir. Hazırda rayonda yol, enerji və digər mühüm infrastruktur layihələri uğurla icra olunur. Kəlbəcərdə inşa edilən təhsil kompleksinin bu il istifadəyə verilməsi nəzərdə tutulan əsas sosial layihələrdən biridir.Qeyd etdi ki, Böyük Qayıdış proqramı çərçivəsində keçmiş məcburi köçkünlərin doğma yurdlarına qayıdışı mərhələli şəkildə təmin olunur və artıq bir çox ailələr öz ata-baba torpaqlarına geri dönürlər.Məktəbin müəlliməsi Fidan Fərzəliyeva Ulu Öndər Heydər Əliyevin Azərbaycan dövlətçiliyinin formalaşması və möhkəmləndirilməsindəki tarixi xidmətlərindən, müstəqil Azərbaycanın xilaskarı və qurucusu kimi misilsiz rolundan bəhs etdi.Qeyd etdi ki,Ulu öndər Heydər Əliyevin müəyyən etdiyi siyasi kurs bu gün cənab Prezident İlham Əliyev tərəfindən uğurla davam etdirilir və ölkəmizin inkişafında mühüm nəticələr əldə olunur. Müzəffər Ali Baş Komandan cənab İlham Əliyevin rəhbərliyi ilə qazanılan tarixi Zəfərlər isə Azərbaycanın gücünü bütün dünyaya nümayiş etdirmişdir. Çıxış edənlər Ulu Öndər Heydər Əliyevin təhsilə göstərdiyi diqqət və qayğıdan, bu gün isə həmin qayğının Prezident İlham Əliyev və Birinci vitse-prezident Mehriban xanım Əliyeva tərəfindən uğurla davam etdirilməsindən bəhs etdilər.Sonda məktəbin direktoru, Ərazi partiya təşkilatının sədri Xəqani Verdiyevə partiyanın fəaliyyətində və təhsilin inkişafında göstərdiyi xidmətlərə, eləcə də 60 illik yubileyi münasibətilə Yeni Azərbaycan Partiyası tərəfindən Fəxri Fərman təltif edildi.

Yeni Azərbaycan Partiyasına yeni qəbul olunmuş üzvlərə partiya vəsiqələri, həmçinin partiyanın fəaliyyətində fəal olan şəxslərə Fəxri Fərmanlar təqdim olundu.

Paylaş:

Baxılıb: 561 dəfə