Tərtərdə “28 May–tarixin yaddaşında müstəqillik və milli iradə günüdür” mövzusunda “dəyirmi masa” keçirilib

Bakı:

27 °C

74 %

2 m/s

AZ RU EN

Ana səhifə / YAP xəbərləri / Tərtərdə “28 May–tarixin yaddaşında müstəqillik və milli iradə günüdür” mövzusunda “dəyirmi masa” keçirilib

Tərtərdə “28 May–tarixin yaddaşında müstəqillik və milli iradə günüdür” mövzusunda “dəyirmi masa” keçirilib

26.05.2026 [16:26]

Yeni Azərbaycan Partiyası Tərtər rayon təşkilatı və Tərtər Rayon İcra Hakimiyyətinin birgə təşkilatçılığı ilə YAP Tərtər rayon təşkilatının inzibati binasında “28 May–tarixin yaddaşında müstəqillik və milli iradə günüdür” mövzusunda “dəyirmi masa” keçirilib.

Tədbirdə YAP Tərtər rayon təşkilatının sədri Eldar Əsədov, Tərtər Rayon İcra Hakimiyyətinin başçısı Müstəqim Məmmədov, Bakı Dövlət Universitetinin dosenti, filologiya elimləri üzrə fəlsəfə doktoru Rasim Süleymanov, idarə, müəssisə, təşkilat rəhbərləri, ərazi partiya təşkilatı sədrləri, ziyalılar, ağsaqqqallar və rayon ictimaiyyətinin nümayəndələri iştirak ediblər.

Tədbir iştrakçıları öncə Ulu Öndər Heydər Əliyevin büstü önünə gül çiçək dəstələri düzmüş sonra tədbir YAP Tərtər rayon təşkilatının inzibati binasında davam etmişdir.

Əvvəlcə Dövlət Himni səsləndirilib. Sonra Ümummilli Lider Heydər Əliyevin və ölkəmizin ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

“Dəyirmi masa”da çıxış edən Tərtər Rayon İcra Hakimiyyətinin başçısı Müstəqim Məmmədov Azərbaycan Xalq Cümhuriyyətinin yaranmasının xalqımızın dövlətçilik tarixində mühüm mərhələ olduğunu vurğulayıb. Bildirib ki, 1918-ci il mayın 28-də Şərqdə ilk parlamentli respublikanın yaradılması xalqımızın milli iradəsinin, azadlıq və müstəqillik arzularının təntənəsi idi. Qeyd olunub ki, cəmi 23 ay fəaliyyət göstərməsinə baxmayaraq Azərbaycan Xalq Cümhuriyyəti milli dövlətçilik ənənələrinin formalaşmasında mühüm rol oynayıb.

28 Mayın Azərbaycan xalqının şərəf və qürur tarixi olduğunu bildirən rayon rəhbəri, qeyd edib ki, Azərbaycan Xalq Cümhuriyyətinin əsasını qoyduğu dövlətçilik ənənələri bu gün Prezident İlham Əliyevin rəhbərliyi ilə uğurla davam etdirilir və müstəqilliyimizin qorunması və möhkəmləndirilməsi hər bir azərbaycanlının müqəddəs borcudur.

Tədbirdə YAP Tərtər rayon təşkilatının sədri Eldar Əsədov çıxış edərək bildirib ki, xalqımızın çox əsrlik tarixinə qızıl hərflərlə yazılmış 1918-ci ilin 28 may günü Azərbaycan Xalq Cümhuriyyətinin yarandığı bir gün kimi yeni bir mərhələnin başlanğıcını qoymuşdur. Bu gün xalqımızın ən əziz bayramlarından olmaqla, həm də milli iftixar, milli zəfər günümüzdür. Bu gün qeyd etdiyimiz Müstəqillik Günündə sevinir və fəxr edirik ki, ulu öndərimizin bizə əmanət qoyub getdiyi Azərbaycan Respublikası müstəqillik yolunda uğurla, qətiyyətlə irəliləyir və inkişaf edir.

Qarabağ Regional Mədəniyyət İdarəsinin Tərtər rayonu üzrə nümayəndəsi Fərid Hacıyev və şəhər 2 nömrəli məktəb liseyin tarix müəllimi Səbinə Zeynallı da çıxış ediblər. Çıxışlarda bir fikir vurğulanıb: “28 May-tarixin yaddaşında müstəqillik və milli iradə günüdür!”

Paylaş:

Baxılıb: 255 dəfə