Yeni Azərbaycan Partiyası Gənclər Birliyi Milli Orduya maddi yardım kampaniyasına start verib

Bakı:

26 °C

69 %

9 m/s

AZ RU EN

Ana səhifə / YAP xəbərləri / Yeni Azərbaycan Partiyası Gənclər Birliyi Milli Orduya maddi yardım kampaniyasına start verib

Yeni Azərbaycan Partiyası Gənclər Birliyi Milli Orduya maddi yardım kampaniyasına start verib

11.02.2014 [09:13]

Yeni Azərbaycan Partiyası Gənclər Birliyi Milli Orduya maddi yardım kampaniyasına start verib. Gənclər Birliyi Milli Orduya yardım kampaniyasının daha çox mənəvi mahiyyət kəsb etdiyini vurğulayaraq, hər bir gəncin bu çağırışa qoşulması üçün Azərbaycan gənclərinə müraciət yayıb.
Müraciətdə deyilir: “Tarixin bütün dönəmlərində öz vətənini, millətini qoruyan ordunun ən böyük dayağı və yardımçısı xalq olmuşdur. Bu gün dünyanın ən yaxşı hərb standartlarına uyğun bir şəkildə Azərbaycanın Milli Ordusu formalaşmışdır. Ordumuzun psixoloji hazırlığı, döyüş ruhunun yüksəldilməsi, arsenalının gücləndirilməsi üçün Azərbaycan dövləti bütün imkanlarını səfərbər etmişdir. Ordumuzda aparılan uğurlu islahatlar xalqın orduya olan inam və etibarını daha da artırmışdır”.
YAP GB-nin Azərbaycan gəncliyinə müraciətində daha sonra deyilir: “Ön cəbhədə düşmənlə üz-üzə Vətənə xidmət edən Azərbaycan əsgəri, sərhədlərimizin keşikçiləri arxa cəbhədən və ən böyük arxa cəbhə olan xalqın onlara dəstəyindən əmin olduqda daha cəsarətli olurlar. Bizlər, xüsusən gənclər bu dəstəyi heç zaman əsgərlərimizdən əsirgəməməliyik. Həm mənəvi, həm də simvolik də olsa maddi dəstəyimizlə daima ordumuzun yanında olduğumuzu, onların ən yaxın silahdaşları olduğumuzu hər an aşkarca nümayiş etdirməliyik”.
“Bu məqsədlə mütəmadi olaraq ön xətdə xidmət edən əsgərlərimizə baş çəkən Yeni Azərbaycan Partiyası Gənclər Birliyinin hər bir üzvü Azərbaycan Respublikasının Silahlı Qüvvələrinə yardım Fonduna maddi yardım göstərməyi öz şərəfli borcu hesab edir. Biz gənclər belə bir vətənpərvər fəaliyyətə start veririr və inanırıq ki, Vətənini, xalqını, millətini sevən bütün Azərbaycan gəncliyi bizə qoşulacaqdır”, - müraciətdə belə qeyd olunur.
YAP GB-nin müraciətində Silahlı Qüvvələrə Yardım Fondunun bank rekvizitləri də qeyd olunub.
Silahlı Qüvvələrə Yardım Fondunun bank rekvizitləri:
Bankın adı: Azərbaycan Respublikası Beynəlxalq Bankı, Binəqədi filialı
Bankın ünvanı: Azərbaycan Respublikası, Bakı şəhəri Z.Bünyadov 30/12 bina 5A Tel: (012) 562 99 41, (012) 562 93 37
Kod: 805584
VÖEN: 9900001881
Müxbir hesab: AZ03NABZ01350100000000002944
S.W.İ.F.T Cod: IBAZAZ 2X
Benefisiarın adı: S.Q.Y.F MN
VÖEN: 1300162621
Hesablaşma hesabları:
AZN AZ98IBAZ38040019449930010202
ABŞ DDOLLARI AZ88IBAZ38140018409930010202
AVRO AZ68IBAZ38140019789930010202
RUSİYA RUBLU AZ08IBAZ38140018109930010202