Ana dilimizi qorumalı, yaşatmalı və təbliğ etməliyik

Bakı:

28 °C

51 %

10 m/s

Əlaqə

AZ RU EN

Ana səhifə / YAP xəbərləri / Ana dilimizi qorumalı, yaşatmalı və təbliğ etməliyik

Ana dilimizi qorumalı, yaşatmalı və təbliğ etməliyik

30.07.2026 [13:58]

Azərbaycan xalqının ümummilli lideri, dahi şəxsiyyət Heydər Əliyev həm SSRİ, həm də müstəqil Azərbaycan dövlətinə rəhbərlik etdiyi dövrlərdə milli maraqlarımızın, milli-mənəvi dəyərlərimizin, tariximizin, mədəniyyətimizin, ana dilimizin qorunub-saxlanılması, yaşadılması və təbliğ edilməsi, gələcək nəsillərə çatdırılması istiqamətində yorulmaz fəaliyyət göstərib. Bu ali məqsəd ulu öndər Heydər Əliyevin siyasi fəaliyyətinin əsasını təşkil edib və dövlət siyasətinin prioritetlərindən biri olub. Bu, dahi şəxsiyyət Heydər Əliyevin yüksək vətənpərvərliyində, Azərbaycançılıq məfkurəsindən doğan fəaliyyətində özünü açıq büruzə verib. Ana dilimizə məhəbbəti xüsusilə seçilib və hər bir azərbaycanlı üçün əsl nümunə olub. Tarixi çıxışları sübut edir ki, ümummilli lider Heydər Əliyev hər zaman ana dilimiz haqqında danışarkən onu yüksək tərənnüm edərək doğma dilimizi milli sərvətimiz adlandırırdı. Xalqın milli kimliyini özündə daşıyan, tarixin ağır sınaqlarından çıxmış ana dilimiz ən böyük zənginliyimizdir. Bu gün qürurla deyə bilərik ki, qalib ölkənin qalib vətəndaşları olaraq öz zəngin söz bazası, ifadə tərzi ilə seçilən milli dilimizi dünyaya tanıtmaq missiyasını uğurla həyata keçiririk. Bu müqəddəs tarixi, siyasi missiyanın əsasını isə məhz ulu öndərimiz Heydər Əliyev qoyub.

Ulu öndərin dövlətimiz və xalqımız qarşısında xidmətləri danılmazdır. Onun uzaqgörən siyasəti nəticəsində müstəqil dövlətimiz bütün sahələrdə uğurlara imza atıb. Azərbaycanın tarixi dəyərləri, ana dilimiz, mədəniyyətimiz, ədəbiyyatımız isə sözün əsl mənasında özünün intibah dövrünü yaşayıb. Ümummilli liderimiz tərəfindən əsası qoyulan bu siyasi strategiya bu gün də dövlət başçısı cənab İlham Əliyevin rəhbərliyi ilə müasir dövrün tələblərinə və milli maraqlarımıza tam cavab verərək məqsədyönlü islahatlarla davam etdirilir.

Vurğulamaq lazımdır ki, ulu öndər Heydər Əliyevin SSRİ dövründə üzləşdiyi bütün təzyiqlərə və təhlükələrə baxmayaraq Azərbaycan SSR-nin 1978-ci il tarixli Konstitusiyasında Azərbaycan dilinin dövlət dili kimi təsbit olunması ilə bağlı irəli sürdüyü təşəbbüs olduqca əhəmiyyətli tarixi və siyasi hadisə idi. SSR-nin ali qanunlar toplusunda Azərbaycan dilinin dövlət dili kimi öz təsdiqini tapması ulu öndərimizin xalqımız qarşısındakı misilsiz xidmətlərindən biridir və bu, ana dilimizin, milli kimliyimizin təsdiqidir. Vətənə, millətə və tarixi kökümüzə, milli-mənəvi dəyərlərimizə sadiqliyi hər zaman nümunə olan ümummilli liderimiz Heydər Əliyevin ana dilimizi kənar təsirlərdən və təzyiqlərdən qoruması, bu dəyərləri müdafiə etməsi və təbliğ etməsi çox böyük tarixi, siyasi bir missiyadır. Bu müqəddəs missiya uzun illər müstəqil dövlətimizin və xalqımızın tarixinə işıq tutmuş, ulu öndəri milli dəyərlərimizin əsl hamisinə çevirmişdir.

Gələcək nəsillərimizə örnək olacaq bu tarixi təşəbbüsün nəticəsi olaraq Azərbaycan dilinə dövlət dili statusunun verilməsinin əhəmiyyəti tariximizdə ana dilimizin inkişafına və yayılmasına gətirib çıxarmışdır. Sonrakı tarixi mərhələlərdə isə ulu öndər Heydər Əliyevin təşəbbüsü və rəhbərliyi ilə ana dilimiz öz rəsmi hüquqi statusuna qovuşmuşdur. Belə ki, müstəqil Azərbaycan Respublikasının 1995-ci il noyabrın 12-də qəbul olunmuş Konstitusiyasında Azərbaycan dili dövlət dili kimi qəbul edilmişdir. Dahi şəxsiyyət ana dilimizlə daim fəxr etdiyini, dilimizin dünyanın ən zəngin dillərindən biri olduğunu və bu dildə danışmaqdan böyük qürur duyduğunu bildirirdi.

Vüsar İsmayılov

Yeni Azərtbaycan Partiyası Binəqədi rayon təşkilatının sədri

Paylaş:

Baxılıb: 34 dəfə