Yeni Azərbaycan Partiyası Səbail rayon təşkilatı Milli Qurtuluş Günü ilə bağlı tədbir keçirib

Bakı:

26 °C

64 %

5 m/s

AZ RU EN

Ana səhifə / YAP xəbərləri / Yeni Azərbaycan Partiyası Səbail rayon təşkilatı Milli Qurtuluş Günü ilə bağlı tədbir keçirib

Yeni Azərbaycan Partiyası Səbail rayon təşkilatı Milli Qurtuluş Günü ilə bağlı tədbir keçirib

13.06.2014 [09:24]

İyunun 12-də Yeni Azərbaycan Partiyası Səbail rayon təşkilatı tərəfindən 15 İyun - Milli Qurtuluş Gününün 21-ci ildönümü münasibətilə tədbir keçirilib.
AzərTAc xəbər verir ki, YAP İdarə Heyətinin üzvü, partiyanın Səbail rayon təşkilatının sədri, professor Zahid Qaralov tədbir iştirakçılarını Milli Qurtuluş Günü münasibətilə təbrik edib. O, 1993-cü il iyunun 15-dən ötən dövr ərzində Azərbaycanın keçdiyi inkişaf yolundan, əldə olunan uğurlardan danışıb. Z.Qaralov qeyd edib ki, 1993-cü ilin iyununda Ümummilli lider Heydər Əliyevin siyasi hakimiyyətə qayıdışı Azərbaycanda yeni dəyərlər sisteminin və yeni ideyaların meydana çıxmasına şərait yaratdı. Ulu öndərin gərgin səyləri sayəsində hüquqi, demokratik, dünyəvi dövlət quruculuğu ilə irəliləyən müstəqil respublikamızda vətəndaş cəmiyyətinin formalaşması, insanların azad, sərbəst yaşamaları, qanunun aliliyinin təmin edilməsi üçün yüksək tələblərə cavab verən normativ-hüquqi baza yaradıldı. Çünki məhz Ulu öndərin hakimiyyətə qayıdışından sonra Azərbaycanda ictimai münasibətlər sisteminin bütün sferalarında sabitlik və qarşılıqlı anlaşma mühiti formalaşdı.
Z.Qaralov deyib: “Həmin dövrdə Azərbaycan ağır günlərini yaşayırdı. Ölkəni bürüyən iqtisadi tənəzzül, ictimai-siyasi gərginlik, siyasi qüvvələr arasında ziddiyyətlər respublikanı fəlakətə sürükləyirdi. Xatirəsini daim əziz tutduğumuz Ümummilli lider Heydər Əliyev yenidən hakimiyyətə gələrək başlıca qayəsi müstəqillik, Azərbaycançılıq, dövlətçilik, demokratiya, milli tərəqqi, dünyəvilik kimi ümumbəşəri dəyərlər olan yeni bir ideologiyanın əsasını qoydu. Azərbaycanın bugünkü uğurları Heydər Əliyevin adı ilə bağlıdır. Ona görə də Heydər Əliyev deyəndə Azərbaycan xalqı, Azərbaycan xalqı deyəndə Heydər Əliyev xatırlanır”.
Z.Qaralov Prezident İlham Əliyevin Azərbaycanın dövlət müstəqilliyinin daha da möhkəmləndirilməsi, əhalinin rifahının yaxşılaşdırılması istiqamətində gördüyü işlərdən də söhbət açıb.
Sonra Səbail rayon Gənclər və İdman İdarəsi rəisinin müavini Faiq Qurbanov Heydər Əliyevin Azərbaycan Respublikası Ali Sovetinin Sədri seçilməsi haqqında Milli Məclisin qərarını, Ulu öndərin Milli Məclisin 1993-cü il 15 iyun tarixli iclasındakı çıxışının mətnini, dahi şəxsiyyətin 1993-cü ilin oktyabrında Azərbaycan Prezidenti seçilməsi ilə bağlı Mərkəzi Seçki Komissiyasının məlumatını və parlamentin 15 iyunun Azərbaycan xalqının Milli Qurtuluş Günü elan edilməsi haqqında 1997-ci ildə qəbul etdiyi qərarı oxuyub.
YAP Səbail rayon təşkilatı Qadınlar Şurasının yeni sədri Təranə Kərimova bildirib ki, 15 İyun - Milli Qurtuluş Gününün Azərbaycanın inkişafında hansı rola malik olduğunu dərk etmək üçün həmin dövrdə ölkədə mövcud olan ictimai-siyasi duruma diqqət yetirmək kifayətdir. Milli Qurtuluş Günü xalqımızın müstəqillik illərində qeyd etməyə başladığı ən əziz bayramlardan biridir. Bu, müstəqil dövlətimizin xilası, xalqımızın qurtuluş bayramıdır.
Ulu öndərin adının insanların qəlbində abidə kimi ucaldığı qeyd edilən tədbirdə bildirilib ki, Azərbaycanın milli dövlətçilik tarixində görkəmli şəxsiyyətlər çox olsa da, Heydər Əliyev qədər öz torpağına, millətinə bu qədər ürəkdən bağlı olan, bütün ömrünü Vətəninə, xalqına həsr edən ikinci bir dövlət xadimi olmayıb.

Paylaş:

Baxılıb: 1123 dəfə