YAP Nərimanov rayon təşkilatının Qadınlar Şurası akademik Zərifə xanım Əliyevanın anadan olmasının 92-ci ildönümü münasibətilə tədbir keçirib

Bakı:

19 °C

82 %

4 m/s

AZ RU EN

Ana səhifə / YAP xəbərləri / YAP Nərimanov rayon təşkilatının Qadınlar Şurası akademik Zərifə xanım Əliyevanın anadan olmasının 92-ci ildönümü münasibətilə tədbir keçirib

YAP Nərimanov rayon təşkilatının Qadınlar Şurası akademik Zərifə xanım Əliyevanın anadan olmasının 92-ci ildönümü münasibətilə tədbir keçirib

25.04.2015 [11:48]

Dünən Yeni Azərbaycan Partiyası (YAP) Nərimanov rayon təşkilatının Qadınlar Şurası görkəmli oftalmoloq alim, akademik Zərifə xanım Əliyevanın anadan olmasının 92-ci ildönümü münasibətilə tədbir keçirib. Tədbiri giriş sözü ilə açan YAP Nərimanov rayon təşkilatı Qadınlar Şurasının sədri Məhəbbət İbrahimova Zərifə xanım Əliyevanın gözəl ana, vəfalı ömür-gün yoldaşı, intellektual keyfiyyətləri özündə birləşdirən dəyərli ziyalı, dünya tibb elminə əvəzolunmaz töhfələr vermiş böyük oftalmoloq alim olduğunu bildirib.
Onun sözlərinə görə, Zərifə xanım Əliyeva elə insan idi ki, bir dəfə ünsiyyətdə olanlar onu ömrü boyu unuda bilmirdilər: “Bu böyük şəxsiyyət elə ilk andan onunla ünsiyyətdə olanların yaddaşında yüksək vətəndaşlıq, humanizm və ürək saflığının mücəssəməsi kimi əbədi qalırdı. Onun insanlara məhəbbəti qeyri-adi dərəcədə hüdudsuz idi. Zərifə xanım müasir, müstəqil Azərbaycan dövlətinin memarı və qurucusu, bütün mənalı ömrünü Vətəninin və xalqının tərəqqisinə həsr etmiş dahi şəxsiyyətin - Ümummilli lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olub”.
Çıxış edən YAP Qadınlar Şurası İdarə Heyətinin üzvü Zərifə Rzaquliyeva isə bildirib ki, görkəmli oftalmoloq alim, akademik Zərifə xanım Əliyevanın bütün fəaliyyəti, gördüyü işlər insan amilinə əsaslanırdı: “O, həm peşəkar həkim, eyni zamanda, çox xeyirxah insan idi”.
Tədbirdə, həmçinin, millət vəkili Jalə Əliyeva görkəmli oftalmoloq alim, akademik Zərifə xanım Əliyevanın oftalmologiya elminin inkişafındakı xidmətlərindən söz açıb. Qeyd olunub ki, Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin tarixinə parlaq səhifələr kimi yazılıb. Onun əsərləri, elmi monoqrafiyaları bu gün də öz aktuallığını itirmir. Millət vəkili deyib ki, Zərifə xanım Əliyevanın fitri istedada malik novator alim, pak və nəcib bir insan kimi yaşadığı mənalı ömür yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir.
N.BAYRAMLI

Paylaş:

Baxılıb: 864 dəfə