YAP Qazax rayon təşkilatının Seçki Qərargahı seçki prosesinə hazırdır

Bakı:

23 °C

60 %

5 m/s

Əlaqə

AZ RU EN

Ana səhifə / YAP xəbərləri / YAP Qazax rayon təşkilatının Seçki Qərargahı seçki prosesinə hazırdır

YAP Qazax rayon təşkilatının Seçki Qərargahı seçki prosesinə hazırdır

25.08.2015 [10:13]

Noyabrda ölkəmizdə keçiriləcək növbəti parlament seçkiləri yaxınlaşdıqca seçkiyə hazırlıqla bağlı yerlərdə görülən işlər də intensivləşir. Müstəqil Azərbaycan tarixində keçirilən bütün seçkilərdə qələbə əldə edən Yeni Azərbaycan Partiyasının (YAP) yerli təşkilatlarında yaradılan seçki qərargahları öz növbəsində yüksək fəallıqla seçkiyə hazırlaşırlar.
YAP Qazax rayon təşkilatının Seçki Qərargahı da bu istiqamətdə fəaliyyətini davam etdirir. YAP Qazax rayon təşkilatının və rayon təşkilatı Seçki Qərargahının sədri Həmid Pənahov qəzetimizə bildirib ki, rayon ərazisində 2 Seçki Dairəsi mövcuddur. Onun sözlərinə görə, 43363 nəfər seçicisi olan 107 saylı Qazax Seçki Dairəsi üzrə 38 seçki məntəqəsi fəaliyyət göstərir. 13528 nəfər seçicisi olan 106 saylı Tovuz-Qazax-Ağstafa Seçki Dairəsi üzrə isə Qazax rayonunun inzibati ərazisinə 12 məntəqə düşür.
Yeri gəlmişkən, bu günlərdə YAP Qazax rayon təşkilatının Seçki Qərargahının toplantısı keçirilib. Toplantıda çıxış edən Seçki Qərargahının rəhbəri Həmid Pənahov vurğulayıb ki, YAP Qazax rayon təşkilatının Seçki Qərargahı var qüvvəsi ilə iş başındadır: “Biz artıq seçki prosesinin bütün mərhələlərinə hazırıq. Təbliğat qrupları hazırlanıb. Mərkəzi Aparatın tövsiyələrinə uyğun olaraq, müşahidəçilərimiz, məşvərətçi səs hüquqlu komissiya üzvləri üçün treninqlər keçiririk”.
YAP Qazax rayon təşkilatının sədri bu cür treninqlərin seçki mədəniyyətinin daha da təkmilləşdirilməsi istiqamətində böyük faydasının da olduğunu qeyd edib: “YAP böyük seçki təcrübəsinə malik bir partiyadır. Xalqımız hər zaman Yeni Azərbaycan Partiyasının apardığı siyasəti dəstəkləyib. Bunun ən böyük səbəbi partiyamızın dövlətçilik və millətçilik yönündə fəaliyyət sərgiləməsidir”.
Seçki Qərargahının üzvü Paşa Hadıyev bildirib ki, hər birimiz seçkilərdə böyük uğur əldə edəcəyimizə inanırıq. Bu da səbəbsiz deyil. Əsası Ulu öndər Heydər Əliyev tərəfindən qoyulan Yeni Azərbaycan Partiyası hər zaman xalqa xidməti ilə seçilib. Ona görə də, ölkənin digər bölgələrində olduğu kimi Qazax rayonunun seçiciləri də hər zaman YAP-ın irəli sürdüyü namizədləri dəstəkləyirlər.
Seçki Qərargahının üzvü Vüsal İsmayılov deyib ki, YAP Qazax rayon təşkilatının Seçki Qərargahı öz fəaliyyətini partiya Mərkəzi Aparatının tövsiyə və tapşırıqları əsasında qurur. Onun sözlərinə görə, gənclər seçki qabağı prosesdə xüsusi aktivlik nümayiş etdirirlər.
Seçki Qərargahının başqa bir üzvü Babək Vələdov isə deyib ki, partiya rayon təşkilatının Seçki Qərargahı qarşıdan gələn seçki prosesinə tam hazırdır. İmza toplayacaq, təbliğat prosesində iştirak edəcək mobil qruplar artıq hazırlanıb və onlara treninqlər keçirilir. B.Vələdov YAP-ın bu seçkilərdə də uğurlu qələbə əldə edəcəyinə inamını ifadə edib.
Pərviz SADAYOĞLU

Paylaş:

Baxılıb: 975 dəfə