Goranboy seçiciləri inkişaf və sabitliyi seçərək YAP-ın namizədinə səs verəcəklər

Bakı:

27 °C

36 %

6 m/s

Əlaqə

AZ RU EN

Ana səhifə / YAP xəbərləri / Goranboy seçiciləri inkişaf və sabitliyi seçərək YAP-ın namizədinə səs verəcəklər

Goranboy seçiciləri inkişaf və sabitliyi seçərək YAP-ın namizədinə səs verəcəklər

16.10.2015 [10:29]

YAP tərəfindən 97 saylı Goranboy-Ağdam-Tərtər Seçki Dairəsindən namizədliyi irəli sürülmüş Ağalar Vəliyev seçicilərlə növbəti görüşünü keçirib
Noyabrın 1-də ölkəmizdə keçiriləcək parlament seçkilərinin təbliğat-təşviqat mərhələsi davam edir. Öz növbəsində, qatıldığı bütün seçkilərdə parlaq qələbələr qazanan və ümumxalq partiyası kimi xarakterizə edilən Yeni Azərbaycan Partiyası (YAP) təbliğat-təşviqat kampaniyasını uğurla davam etdirir.
YAP tərəfindən 97 saylı Goranboy-Ağdam-Tərtər Seçki Dairəsindən namizədliyi irəli sürülmüş Ağalar İsrafil oğlu Vəliyevin Goranboy rayonunun Yeni Yol kəndində seçicilərlə görüşü keçirilib.
Görüşü giriş sözü ilə açan YAP Goranboy rayon təşkilatının sədri Elçin İsmayılov qeyd edib ki, Prezident İlham Əliyevin siyasətinin uğurları, iqtisadiyyatın dinamik inkişafı, əhalinin rifahının yüksəlməsi, bölgələrin sosial-iqtisadi inkişafı, Azərbaycanın beynəlxalq müstəvidə imicinin artması, sabitlik, əmin-amanlıq partiyamızın qələbəsini şərtləndirən əsas amillərdir: “Əlbəttə ki, ötən seçkilərdən keçən müddətlə indiki vəziyyəti müqayisə etsək, görərik ki, Azərbaycanda insanların həyatı müsbət mənada əhəmiyyətli dərəcədə dəyişib, bütövlükdə ölkəmiz yeniləşib, müasirləşib. Təbii ki, bu müsbət dəyişikliklər qarşıdan gələn parlament seçkilərində YAP-ın parlaq qələbə qazanmasında mühüm rol oynayacaq”.
Daha sonra Ağalar Vəliyevin vəkilləri Şahin Allahverdiyev və Məzahir Zeynalov onun tərcümeyi-halı və əmək fəaliyyəti barədə geniş məlumat veriblər.
Seçicilər qarşısında çıxış edən Ağalar Vəliyev isə bildirib ki, Ümummilli lider Heydər Əliyevin əsasını qoyduğu inkişaf siyasətinin Prezident İlham Əliyev tərəfindən uğurla davam etdirilməsinin nəticəsi kimi, Azərbaycan dünyaya mütərəqqi inkişaf modeli təqdim edib: “Əldə edilən bütün nailiyyətlər ölkə vətəndaşları tərəfindən yüksək qiymətləndirilir. Ümumiyyətlə, Azərbaycan cəmiyyəti seçkilərə yüksək əhval-ruhiyyə ilə gedir. Biz növbəti parlament seçkilərinə gedərkən hesab edirik ki, Azərbaycan vətəndaşları onların həyatında, bütövlükdə ölkəmizdə baş verən müsbət proseslərə istinad edərək YAP-ın irəli sürdüyü namizədləri dəstəkləyəcəklər. Çünki hər bir vətəndaş aydın şəkildə dərk edir ki, YAP-ın hakimiyyətdə olması, seçkilərdə uğur qazanması növbəti illər ərzində Azərbaycanın uğurla irəliyə getməsinin əsas şərtidir”.
Ağalar Vəliyev seçiləcəyi halda ona göstərilən inam və etimadı doğruldacağını bildirib.
Görüşlərdə çıxış edən seçicilər seçimlərini YAP-ın namizədinin lehinə edəcəklərini - Ağalar Vəliyevə səs verəcəklərini bildiriblər.
NURLAN

Paylaş:

Baxılıb: 816 dəfə