15 İyun dövlətçiliyimizin və müstəqilliyimizin bütün təhlükələrdən qurtuluşu günüdür

Bakı:

19 °C

77 %

3 m/s

Əlaqə

AZ RU EN

Ana səhifə / YAP xəbərləri / 15 İyun dövlətçiliyimizin və müstəqilliyimizin bütün təhlükələrdən qurtuluşu günüdür

15 İyun dövlətçiliyimizin və müstəqilliyimizin bütün təhlükələrdən qurtuluşu günüdür

14.06.2016 [10:26]

Yeni Azərbaycan Partiyası (YAP) Tərtər rayon təşkilatının və rayon İcra Hakimiyyətinin birgə təşkilatçılığı ilə rayondakı Heydər Əliyev Mərkəzində 15 İyun - Milli Qurtuluş Gününə həsr olunmuş tədbir keçirilib. Tədbir iştirakçıları öncə Ulu öndər Heydər Əliyevin Mərkəzdə ucaldılmış büstü önünə gül-çiçək dəstələri qoyaraq Onun xatirəsini anıb, sonra Ümummilli liderimizin həyat və fəaliyyətini əks etdirən foto stendlə tanış olublar.
Tədbiri giriş sözü ilə açan YAP Tərtər rayon təşkilatının sədri Ramiz Şabanov bildirib ki, 15 iyun hər bir Azərbaycan vətəndaşının yaddaşında əbədi həkk olunan tarixi günlərdən biridir. Kəsb etdiyi əhəmiyyətinə görə bu tarix dövlətçiliyimizin və müstəqilliyimizin bütün təhlükələrdən qurtuluşu günüdür: “Hər bir ölkənin tarixində onun gələcək taleyinə bilavasitə təsir göstərən əhəmiyyətli dönüş nöqtələri olur. Azərbaycan xalqının müasir tarixinin çox əhəmiyyətli dönüş nöqtəsi Ulu öndər Heydər Əliyevin 1993-cü ilin iyununda xalqın təkidi və tələbi ilə hakimiyyətə qayıdışı oldu. Ölkəmiz vətəndaş müharibəsi təhlükəsi ilə üzləşdiyi bir vaxtda xalqın çağırışı ilə Naxçıvandan Bakıya dönən Ulu öndərin qətiyyəti sayəsində müstəqil respublikamız məhv olmaq təhlükəsindən xilas oldu, Azərbaycanın gələcək inkişafının təməli qoyuldu, müstəqilliyimizin əbədiliyi və dönməzliyi təmin edildi”.
Ramiz Şabanov daha sonra Ulu öndərin siyasətini uğurla davam etdirən Prezident İlham Əliyevin titanik fəaliyyətindən, müstəqilliyimizin qorunub möhkəmləndirilməsi istiqamətində həyata keçirdiyi qlobal işlərdən, “Mən hər bir Azərbaycan vətəndaşının Prezidenti olacağam” kəlamını əməli işi ilə sübuta yetirməsindən, Tərtərin də həmişə dövlətimizin diqqət və qayğısı ilə əhatə olunmasından danışıb.
Sonra çıxış edən YAP rayon təşkilatı Gənclər Birliyinin üzvü, Cəmilli kənd tam orta məktəbinin direktoru Rəşad Şahbazov, rayondakı Heydər Əliyev Mərkəzinin direktoru Səlimə Yusifova, YAP rayon təşkilatı Şurasının üzvü, rayon mərkəzi xəstəxanasının baş həkiminin müavini Mətanət Hüseynova və başqaları Azərbaycanın 23 il əvvəl, iyunun 15-dən başlanan yüksəlişinin bu gün də davam etdiyini vurğulayıblar. Qeyd olunub ki, ölkə iqtisadiyyatı güclənir, qüdrəti artır, siması yenilənir. İndi Azərbaycan Prezident İlham Əliyevin məqsədyönlü siyasəti sayəsində dünyanın qüdrətli və zəngin ölkələrindən birinə çevrilib.
NADİR

Paylaş:

Baxılıb: 1172 dəfə