YAP Qazax rayon təşkilatı təbliğat-təşviqat kampaniyasını uğurla davam etdirir

Bakı:

22 °C

64 %

4 m/s

Əlaqə

AZ RU EN

Ana səhifə / YAP xəbərləri / YAP Qazax rayon təşkilatı təbliğat-təşviqat kampaniyasını uğurla davam etdirir

YAP Qazax rayon təşkilatı təbliğat-təşviqat kampaniyasını uğurla davam etdirir

23.03.2018 [10:29]

Aprelin 11-də keçiriləcək prezident seçkiləri ilə əlaqədar Yeni Azərbaycan Partiyası (YAP) Qazax rayon təşkilatı təbliğat-təşviqat kampaniyasını uğurla davam etdirir. Partiyamızın namizədi cənab İlham Əliyevin təşviqat kampaniyası çərçivəsində növbəti görüş rayon mərkəzində keçirilib.
Görüşdə çıxış edən YAP Qazax rayon təşkilatının sədri Həmid Pənahov qarşıdan gələn prezident seçkiləri ilə bağlı məlumat verib. YAP rayon təşkilatının sədri deyib ki, Azərbaycan dövləti və Azərbaycan Prezidenti qarşıdakı illərdə əldə olunan bu uğurların davam etməsi istiqamətində yüksək qətiyyətlə səy göstərir. Bunun üçün seçicilər aprelin 11-də seçki məntəqələrinə gedib ölkəmizin gələcək inkişafına - YAP-ın namizədi cənab İlham Əliyevə səs verməlidirlər.
Çıxış edən millət vəkili Kamran Nəbizadə bildirib ki, Azərbaycanın bugünkü dinamik sosial-iqtisadi inkişafı ölkəmizin yaxın gələcəkdə bütün sahələrdə dünyanın qabaqcıl ölkələrindən birinə çevriləcəyini deməyə əsas verir. Əsası Ulu öndər Heydər Əliyev tərəfindən qoyulan bu siyasət Onun layiqli davamçısı, alternativsiz liderimiz Prezident İlham Əliyevin rəhbərliyi ilə gələcək illərdə də davam edəcək: “Vətəndaşlarımız müsbət dəyişikliklərin, inkişafın, sabitliyin növbəti 7 ildə də davam etməsi üçün aprelin 11-də seçki məntəqələrinə getməli və sözügedən inkişafın ölkəmizdə bərqərar olmasına şərait yaradan Prezident İlham Əliyevə səs verməlidirlər”.
Çıxış edən “Odlar Yurdu” Universitetinin rektoru, millət vəkili Əhməd Vəliyev bildirib ki, Prezident İlham Əliyev hər zaman regionların sosial-iqtisadi inkişafını öz diqqətində saxlayıb: “Son 15 ildə regionların sosial-iqtisadi inkişafını özündə əks etdirən Dövlət proqramları şəhərlərimizin, kəndlərimizin daha da yüksək səviyyədə abadlaşmasına, bölgələrdə yeni iş yerlərinin açılmasına şərait yaradıb. İnanıram ki, seçicilərimiz bu seçkilərdə yekdilliklə Prezident İlham Əliyevə səs verəcəklər”.
Çıxış edən Azərbaycan Güləş Federasiyasının I vitse-prezidenti Firdovsi Umudov bildirib ki, ölkəmizdə idmanın inkişafı ilə bağlı uzunmüddətli, planlı addımlar atılır ki, bu özünü əldə olunan uğurlu nəticələrdə göstərir: “Azərbaycanda idmanın maddi-texniki bazası sürətlə genişlənir. Hazırda respublikamızın bütün bölgələrində dünya standartlarına cavab verən Olimpiya idman kompleksləri tikilib istifadəyə verilib. Məhz Prezident İlham Əliyevin şəxsi səyi sayəsində bölgələrdə gənclərin sağlam şəkildə yetişdirilməsi, onların sağlam ruhda böyüməsi üçün əsaslı addımlar atılır”.
Çıxış edən İlham Pirməmmədov, Mustafa Babanlı və digər natiqlər də bildiriblər ki, bu gün Azərbaycan quruculuq meydançasına çevrilib. Qeyd edilib ki, bütün seçicilər bu inkişafın davam etməsini istəyir və aprelin 11-də cənab İlham Əliyevə səs verəcəklər.
Çıxış edən seçicilər də Ulu öndər Heydər Əliyev siyasi kursunun layiqli davamçısı İlham Əliyevi hər zaman dəstəklədiklərini diqqətə çatdırıblar.

Paylaş:

Baxılıb: 725 dəfə