YAP Qaradağ rayon təşkilatında Ulu öndər Heydər Əliyevin anım günü ilə əlaqədar tədbir keçirilib

Bakı:

32 °C

43 %

3 m/s

AZ RU EN

Ana səhifə / YAP xəbərləri / YAP Qaradağ rayon təşkilatında Ulu öndər Heydər Əliyevin anım günü ilə əlaqədar tədbir keçirilib

YAP Qaradağ rayon təşkilatında Ulu öndər Heydər Əliyevin anım günü ilə əlaqədar tədbir keçirilib

11.12.2018 [09:45]

Yeni Azərbaycan Partiyası (YAP) Qaradağ rayon təşkilatında Azərbaycan xalqının Ümummilli lideri Heydər Əliyevin anım günü ilə əlaqədar tədbir keçirilib. Tədbirdə çıxış edən Milli Məclisin deputatı, YAP Qaradağ rayon təşkilatının sədri Aydın Hüseynov deyib ki, türk dünyasının böyük oğlu, müasir müstəqil Azərbaycan dövlətinin memarı və qurucusu Heydər Əliyevin adı xalqımızın yaddaşına əbədi həkk olunub. Azərbaycan xalqı hər zaman Ulu öndərin xatirəsini dərin hörmət və ehtiramla yad edir: “Azərbaycanın yeni tarixinin bütöv bir mərhələsi bilavasitə dünya səviyyəli siyasətçi və dövlət başçısı, zəmanəmizin bənzərsiz şəxsiyyəti Heydər Əliyevin adı ilə bağlıdır. Ümummilli liderimizin adı özünü azərbaycanlı sayan hər bir kəsin qəlbində sadəliyi, səmimiyyəti, alicənablığı, vətənpərvərliyi və bütün digər yüksək insani keyfiyyətləri ilə unudulmaz izlər buraxıb. Bu dahi insanın adı Azərbaycan xalqının simvoluna, əməlləri isə şəxsi hünər rəmzinə çevrilib, həyat və fəaliyyəti doğma xalqına və torpağa məhəbbət və sədaqət meyarı olub. Ulu öndər Heydər Əliyevin sarsılmaz polad iradəsi və qətiyyəti, xalqın tərəqqisi yolunda yorulmaq bilmədən çalışması, fədakar əməyi sayəsində müasir Azərbaycanın bünövrəsi ucaldılıb. Bu qüdrətli şəxsiyyətin müəyyən etdiyi yol dinamik inkişafı təmin edən strateji xətt olaraq ölkəmizə və xalqımıza daim uğur gətirib. Zəngin hadisələrlə dolu gərgin dövrdə Heydər Əliyev Azərbaycan dövlətini və millətini zamanın ən çətin sınaqlarından məharətlə çıxararaq ölkəmizin ictimai-siyasi, iqtisadi və mədəni-mənəvi tərəqqisinə nail olub”.
Milli Məclisin deputatı daha sonra Ulu öndər Heydər Əliyevin əsasını qoyduğu dövlət gənclər siyasətinin bu gün ölkəmizdə Prezident İlham Əliyevin rəhbərliyi ilə uğurla davam etdirilməsi nəticəsində bu sahədə qazanılmış nailiyyətlərdən bəhs edib.
Tədbirdə çıxış edən YAP Qaradağ rayon təşkilatı Gənclər Birliyinin üzvləri - Rəfail Quliyev, Səbinə Hüseynli, Nübar Abaslı, Seyidməmməd Məmmədzadə, Coşqun Şalyarov, Könül Əhmədova və digərləri vurğulayıblar ki, Ulu öndər Heydər Əliyev Azərbaycan gənclərinin yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi qalmışdır. Gənclər bildiriblər ki, Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inamını qat-qat artırmış, Heydər Əliyev yolunun layiqincə davam etdirildiyinə, memarı olduğu müstəqil Azərbaycanın etibarlı əllərdə olduğuna möhkəm əminlik yaratmışdır. Ulu öndər Heydər Əliyev siyasətinin Prezident İlham Əliyev tərəfindən uğurla davam etdirilməsini aydın görən gənclərimiz bu siyasəti yüksək dəyərləndirir və Onun ətrafında daha sıx birləşirlər.

Paylaş:

Baxılıb: 1100 dəfə