Qarabağlı kəndinin seçiciləri Yeni Azərbaycan Partiyasına səs verəcəklər

Bakı:

10 °C

87 %

6 m/s

Əlaqə

AZ RU EN

Ana səhifə / YAP xəbərləri / Qarabağlı kəndinin seçiciləri Yeni Azərbaycan Partiyasına səs verəcəklər

Qarabağlı kəndinin seçiciləri Yeni Azərbaycan Partiyasına səs verəcəklər

10.12.2009 [10:24]

Yeni Azərbaycan Partiyasının səlahiyyətli nümayəndələri Salyan rayonunda seçicilərlə görüşüblər
Dekabrın 23-də keçiriləcək bələdiyyə seçkiləri ilə əlaqədar təbliğat kampaniyası davam edir. Yeni Azərbaycan Partiyasının səlahiyyətli nümayəndələrinin növbəti görüşü Salyan rayonu Qarabağlı kəndində baş tutub. Kəndin seçiciləri ilə görüş zamanı çıxış edən Yeni Azərbaycan Partiyası Salyan rayon təşkilatının sədri Rəşad Cəbrayılov rayon təşkilatının bələdiyyə seçkilərinə hazırlıqla bağlı gördüyü işlərdən danışıb. R.Cəbrayılov bildirib ki, yerli özünüidarəetmə orqanına-bələdiyyə seçkilərinə hazırlıq partiya üzvləri qarşısına ciddi vəzifələr qoyur: “Yeni Azərbaycan Partiyası Salyan rayon təşkilatı qarşıdan gələn bələdiyyə seçkilərinə çox ciddi hazırlıq görüb. Bələdiyyəyə namizədliyi irəli sürülən YAP üzvləri ilə mütəmadi görüşlər keçirilib. Bələdiyyələrin fəaliyyətinin müasir dövrün tələblərinə uyğunlaşdırılması üçün qanunvericilikdə edilmiş dəyişikliklərə uyğun olaraq, rayonda fəaliyyət göstərən yerli özünüidarəetmə orqanlarının birləşməsi baş verib. Salyan rayonunda birləşməyə qədər 45 bələdiyyə fəaliyyət göstərirdisə, hazırda onların sayı 20-yə enib. Bu bələdiyyələrə ümumilikdə 198 üzv seçiləcək. YAP Salyan rayon təşkilatı tərəfindən bütün yerlərə namizədlər irəli sürülüb. İrəli sürülən namizədlərin hamısı rayonumuzda tanınan insanlardır. Əminəm ki, dekabrın 23-də Qarabağlı kəndinin seçiciləri Yeni Azərbaycan Partiyasının namizədlərini dəstəkləyəcək və bununla da ötən beş ildə aparılan quruculuq siyasətinin davam etdirilməsinə səs verəcəklər”.
çıxış edən Yeni Azərbaycan Partiyasının bələdiyyə seçkilərində səlahiyyətli nümayəndəsi, millət vəkili Gülhüseyn Əhmədov bildirib ki, YAP hər zaman xalqın inamını, etimadını doğruldub. Bələdiyyə sisteminin ildən-ilə inkişaf etdiyini söyləyən natiq qeyd edib ki, Azərbaycanda yerli özünüidarəçilik formasının cəmi 10 yaşı var. Bununla belə, 10 ildə görülən işlər az deyil: “Təbii ki, hələ görüləsi işlər qabaqdadır. Bu baxımdan, Yeni Azərbaycan Partiyası seçkiyə “Xalqa xidmət naminə” şüarı ilə qatılır. Yeni Azərbaycan Partiyasının namizədləri öz xalqının xidmətində durmağı ən böyük vəzifə sayırlar. Xalqımız isə bütün seçkilərdə göstərdiyi etimadla Yeni Azərbaycan Partiyasına inandığını nümayiş etdirib. Əminəm ki, dekabrın 23-də də bu inam bir daha nümayiş etdiriləcək və Yeni Azərbaycan Partiyası seçkidə qələbə əldə edəcək”.
çıxış edən Yeni Azərbaycan Partiyasının bələdiyyə seçkilərində səlahiyyətli nümayəndəsi, millət vəkili Nizami Xudiyev qarşıdan gələn bələdiyyə seçkilərində YAP-ın qeydə alınmış namizədlərinin qələbə qazanmaq şanslarının böyük olduğunu deyib. Natiq bələdiyyə sisteminin artıq özünü təsdiq etdiyini bildirib: “Artıq insanların bu struktura inamı artır, onların səlahiyyətləri bəlli olur. Digər tərəfdən, Azərbaycanın inkişaf sürəti artır. ölkəmiz regionun aparıcı ölkəsidir və bu gün dünyanın əsas ötürücü qovşaqları Xəzər hövzəsindən, Azərbaycandan keçir. Bu amil ölkəmizin dünyada tanınmasında böyük rol oynayıb. Əsası ümummilli lider Heydər Əliyev tərəfindən qoyulan neft strategiyasının Prezident İlham Əliyev tərəfindən uğurla icrası Azərbaycanı istər keçmiş postsovet məkanında, istərsə də Avropada söz sahibinə çevirib. Dünya ölkələri Azərbaycanla əməkdaşlıq etmək istəklərini dilə gətirirlər. Bütün bunlar ölkəmizin, cənab Prezidentimizin uğurlarıdır. Mən inanıram ki, dekabrın 23-də seçiləcək bələdiyyələr regionların daha sürətlə və dinamik inkişafının təminatında xüsusi rol oynayacaqlar. Bunun üçünsə, xalqımız dekabrın 23-də seçki məntəqələrinə gedib Yeni Azərbaycan Partiyasının namizədlərinə səs verməlidir”.
Pərviz SADAYOÄžLU

Paylaş:

Baxılıb: 1438 dəfə