Fərəh Məcidzadə: Azərbaycanın bütün gəncləri torpaqlarımızı azad etmək üçün Ali Baş Komandanın əmrinə hər an hazırdır

Bakı:

23 °C

78 %

6 m/s

AZ RU EN

Ana səhifə / YAP xəbərləri / Fərəh Məcidzadə: Azərbaycanın bütün gəncləri torpaqlarımızı azad etmək üçün Ali Baş Komandanın əmrinə hər an hazırdır

Fərəh Məcidzadə: Azərbaycanın bütün gəncləri torpaqlarımızı azad etmək üçün Ali Baş Komandanın əmrinə hər an hazırdır

16.07.2020 [09:16]

“Ulu Tanrı ölkəmizə təbii sərvətlər, Azərbaycan xalqına isə qeyrətli, məğrur, uzaqgörən övladlar bəxş edib. Tarixən qəhrəman və igid övladlara malik olan Vətənimiz müasir dövrdə də qorxmaz və cəsur oğulları ilə düşmənlərimizi lərzəyə salır. İstər döyüş meydanında, istərsə də danışıqlar masasında Azərbaycan xalqının qeyrətli oğulları biləyinin gücü, sözünün kəsəri ilə fərqlənib. Ona görə də, Azərbaycan xalqı üzləşdiyi bütün faciə və təhlükələrə rəğmən ayaqda durmağa nail olur, dövlətimiz isə inkişaf edir, əlçatmaz zirvələri fəth edir”.
Bu fikirləri Yeni Azərbaycan Partiyası (YAP) Suraxanı rayon təşkilatı Gənclər Birliyinin sədri Fərəh Məcidzadə deyib.
Fərəh Məcidzadə bildirib ki, mühüm strateji coğrafiyada yerləşən Azərbaycan tarixən həmişə işğalçılıq məqsədi güdən müxtəlif dövlətlərin diqqətini cəlb edib: “Tariximiz çətin sınaqlar, dəhşətli faciələr və amansız müharibələrlə doludur. Əfsuslar olsun ki, Azərbaycan və xalqımız 200 ildən çoxdur ki, torpaqlarında yaşamağa icazə verdiyi ermənilərin də xainliyi və düşmənçiliyi ilə üz-üzə qalıb. Təxminən bir əsrdir ki, vaxtaşırı ərazi iddiaları ilə çıxış edən ermənilər bu məqsədlərinə müəyyən qədər nail olublar. Azərbaycan torpaqları hesabına özlərinə dövlət yaradan mənfur düşmən 30 ildir apardığı işğalçılıq siyasətini davam etdirir. Bu dəfə Azərbaycanın Tovuz rayonu ərazisində təxribat törədən işğalçı qüvvələr Ali Baş Komandan İlham Əliyevin rəhbərliyi ilə müasir Azərbaycan Ordusu tərəfindən layiqli cavablarını alırlar”.
“Dövlətimizin başçısı İlham Əliyevin qətiyyətli və cəsarətli mövqeyini gördükcə, mən bir gənc kimi öz dövlətimlə və xalqımla qürur duyuram və bu mənə gələcək fəaliyyətimdə stimul verir. Baxmayaraq ki, mən xanımam, şəxsən özüm, təmsil etdiyim YAP Suraxanı rayon təşkilatının Gənclər Birliyinin bütün üzvləri Prezident İlham Əliyevin ətrafında sıx birləşərək torpaqlarımızı işğaldan azad etməyə hazırıq. Eyni zamanda, əminliklə deyə bilərəm ki, Yeni Azərbaycan Partiyasının üzvü olan, həmçinin Azərbaycanın bütün gəncləri torpaqlarımızı azad etmək üçün Ali Baş Komandanın əmrinə hər an hazırdır”, - deyə F.Məcidzadə söyləyib.

Paylaş:

Baxılıb: 753 dəfə