Namiq Əhmədov: Azərbaycan dövlətinin siyasətinin mərkəzində vətəndaşların rifahı və mənafeyi dayanır

Bakı:

14 °C

100 %

6 m/s

AZ RU EN

Ana səhifə / YAP xəbərləri / Namiq Əhmədov: Azərbaycan dövlətinin siyasətinin mərkəzində vətəndaşların rifahı və mənafeyi dayanır

Namiq Əhmədov: Azərbaycan dövlətinin siyasətinin mərkəzində vətəndaşların rifahı və mənafeyi dayanır

18.08.2020 [08:59]

“Məlum olduğu kimi, qlobal pandemiya şəraitində ölkəmizdə heç bir sosial layihə, o cümlədən infrastruktur layihələri təxirə salınmayıb. Pandemiyanın vurduğu zərərin qarşısının alınması üçün ölkəmizdə sosial-iqtisadi sahədə mühüm addımlar atılıb, Nazirlər Kabineti tərəfindən Tədbirlər Planı təsdiq olunaraq icra edilir. Bu il pandemiya dövründə təqribən 5 milyona yaxın insan dövlət tərəfindən maddi dəstəklə əhatə olunub”.
Bu fikirləri Yeni Azərbaycan Partiyası (YAP) Xəzər rayon təşkilatının sədri, partiyanın Siyasi Şurasının üzvü Namiq Əhmədov deyib.
Namiq Əhmədov bildirib ki, ötən ay cənab Prezident İlham Əliyev Qobustanda, İsmayıllıda, Balakəndə, Şəkidə və Qəbələdə səfərdə olarkən bir sıra obyektlərin açılışını etdi. Buraya modul tipli xəstəxanalar, yeni yollar, mədəniyyət, xidmət mərkəzləri və s. daxildir. Dövlət başçısının qeyd etdiyi kimi, ölkəmizdə uğurlu siyasət həyata keçirilir və heç bir sosial layihə təxirə salınmır.
Rayon təşkilatının sədrinin sözlərinə görə, hazırda ölkəmizdə təbii qazla təmin olunma prosesi 96 faizə çatdırılıb, elektrik enerjisi məsələləri tam təmin edilib: “Hazırda su problemlərinin həlli ilə bağlı mühüm tədbirlər həyata keçirilməyə başlanıb. Cənab Prezidentin Sədrliyi ilə bu məsələyə həsr olunmuş müşavirə də bunu təsdiqləyir. Ümumiyyətlə, ölkəmizdə ötən müddət ərzində bu istiqamətdə görülən işlər nəticəsində Bakıda içməli su təminatı 40 faizdən 80 faizə, regionlarda isə 9 faizdən 63 faizə çatdırılıb. Eləcə də, ötən müddət ərzində yeni su anbarlarının tikintisi, artezian quyularının qazılması bu prosesə əhəmiyyətli təsir göstərib. Hazırda isə hədəf insanların içməli suya və suvarma suyuna tələbatını 100 faiz təmin etməkdən ibarətdir. Cənab Prezidentin “Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” Sərəncam imzalaması da bu məqsədə xidmət edir”.
Namiq Əhmədovun fikrincə, bütün bunlar bir daha təsdiqləyir ki, Azərbaycanda həyata keçirilən sosial siyasətin mahiyyəti dəyişməz olaraq qalır: “Hansı ki işğalçı Ermənistan və ölkəmizdəki “5-ci kolon”un nümayəndələri neftin qiymətinin azalmasına sevinirdilər ki, bunun nəticəsində ölkədə ciddi sosial-iqtisadi problemlər yaşanacaq. Onlar ümid edirdilər ki, bundan da öz çirkin məqsədləri üçün istifadə edərək Azərbaycanda sabitliyi pozmağa çalışacaqlar. Amma onların niyyətləri puç oldu. Azərbaycanda nəinki sosial layihələr, həmçinin infrastruktur layihələrinin heç biri ixtisara düşmədi. Bununla da Azərbaycan Prezidenti bir daha sübut etdi ki, dövlətimizin siyasətinin mahiyyəti dəyişməzdir. Yəni Azərbaycan dövlətinin siyasətinin mərkəzində vətəndaşların rifahı və mənafeyi dayanır”.

Paylaş:

Baxılıb: 566 dəfə